¹ Mana yi mwene mbasi yi hiki yi ngolo yi tukidi ku zulu yikulumukini ha nsi yi kele matuti ma mu zungidiwu, mana yi kele we nkongolo ha mutwe mu zungidiwu. Kilunzi ki yandi ki kele nga tangu malu ma kele nga mampanda ma mbawu. ² Ka simbidi mwana buku di ku yangulu ku koko di yandi mana ka sidi kulu di yandi di kitata ha ntandu nzadi di ki mama ha ntandu mafu. ³ Di yi ka tamukini mu ndingi ngolo nga bu ka humunawu ntambu Mana bu ka tamukinini banzasi nsambwadi yi ba dikete we midikitidi miawu. ⁴ Tangu ba dikete banzasi we midikitidi miawu, yi kele yi tuku soniki yi ngudi ndingi yi tukidi ku zulu yi hoyawu:" Sweke misamu mini mi hoyele midikitidi nsambwadi yaku soniki. ⁵ Di mbasi yi mwene yini yi yi telemene kulu di mosi ha ntandu nzadi dini ha ntandu mafu, moko yi ka zangwene ku zulu. ⁶ Yi ka labidi wu zingawunu tangu diakulu, wu sadidi zulu we biakulu bini biene kwakunu, mafu we biakulu biene mwamunu, nzadi we bi biswama mwamunu, di mbasi yi hoyawu:"Ku kaloko di hiki tangu." ⁷ Mana kilumbu kini ka siki mbasi yi nsambwadi mvudi mvudi, mputi yi Nzambi yi fana mpidi ak hoyele ku batu bandi ba kisalu bangunzu ba Nzambi." ⁸ Ndingi yi wudi ku zulu yi nkambawu:"Ndawende, bongo buku di ku yangulu diene ku koko di mbasi yene mu lweke di nzadi we ha ntandu mafu." ⁹ Di yi yele kwene mbasi yi mu lomba ka mpeke buku di nkeke. Ka nkamba :"Bongo wu di dia. Di kala nkadi mu kifundu ki nge, mana mu munwa di yoyo nga buki." ¹⁰ Yi bongele buku di nkeke ku mbasi yi di didi. Di kele di yoyo mu munwa mene, mana bu yi manisi mu ku dia,kifundu ki mene kiekini nkadi. ¹¹ Tangu di, mutu mosi ka nkambawu;"Ba longo di hiki batu bengi, ma nsi, mandingi,bamfumu."