¹ Paulu, sadi kia Yisu Klisto, wabokulua mu kala ntumua, watulua va lueka mu diambu dia nsamu wambote wa Nzambi, ² I nsamu wa mbote wuka sila tuka ntama wabikulua kua mimbikudi miani mu masonukua manlongo. ³ I mu nsamu wutadidi muana ani, ndioyo wa wutuka munkuna wa Davidi mu nitu ya kinsuni. ⁴ Watumbua ki muana Nzambi mu lendo kia Mpeve yanlongo, mu mfulukulu ya a fua, i Yisu Klisto Mfumu eto. ⁵ Mu yani yeto tua tambula nlemvo mukala ntumua a Yisu mu nata lusadusu va kati kua makanda mamo mena va ntoto, mu tumama mu minu, mu diambu dia nkumbu ani. ⁶ Va kati kua makanda mama, yeno mpe nua bokulua mu kala mu Yisu Klisto. ⁷ Kua awo ena ku loma, a kia zolua kia Nzambi ye abokulua mu kala anlongo. Bika nlemvo wakala yeno ye luvuvamu lua Nzambi se dieto ye lua Mfumu Yisu Klisto. ⁸ Yisu Klisto, mu yeno awonsono kadi minu kieno kieti vovulua mu nza yayo. ⁹ Kadi Nzambi i mbangi ame, ndioyo wu yisadilanga mu ntim'ame mu muangisa nsamu a mbote wa muana ani, ye mu kunu bambukila moeyo ntangua ka ntangua. ¹⁰ Ngieti lomba lokula yayo mu tusambulu tuame mu nunga mu nzila zozo mu luaka ku nuena mu luzolo lua Nzambi. ¹¹ Kadi mgiena ngunda mu kunu mona, mu kunu kayila minkayilu mia Mpeve a nlongo mu kunu siamisa. ¹² I savo tua siamasana yeno ye yeno mu minu kiame ye kieno. ¹³ Wawu, nu zimpangi, kizolele ko nua vilakana vo ya kezi mpuila mu kunu zietila nkumbu za zingi, kansi ya kezi wa bindama nate ye wawu. Yakezi wo zolanga kidi ya baka ndambu mu mimbutu va kati kueno wonso wowo mpe va kati kua wowo alembua kuikila. ¹⁴ Mfumu ngiena ku isi Ngelekia ye kua anzenza, ye mpe kua anduenga ye kua amazengi. ¹⁵ I diodio, vo mono ngiena kuame wa kubama mu kunu zamunina nsau wa mbote ye kua yeno mpe nuena ku Loma ¹⁶ Kadi kuena moni nkutu ko mu nsamu a mbote. Kadi i lulendo lua Nzambi mu mpulusu kua wowo lekele minu, ntete ntete a Yudayo, bosi kua Angelekia. ¹⁷ Kadi i mu yani lunungu lua Nzambi kua sengumunua mu minu ntangu ya nkaka wonso wa sonama: "Walunungu wuna zinga mu minu." ¹⁸ Kadi nganzi za Nzambi zena, tuka mu zulu va ntadisi a masumu ye kondua kua lunungu kua ko kua antu mu kakidila kedika. ¹⁹ Diadi mu diambu dia dionso diena dia zayakana kua Nzambi ki amonanga. Kadi Nzambi wa atula ku kia. ²⁰ Kadi tuk muna nsemono a nza, mansueki ma Nzambi ma mana songua wawu kiena vo diodio dieti songa lendo kiani kikondolo nsuka, i nkadulu ani ya Kinzambi. I dina ka ena nkutu ye mpengokono ko. ²¹ Mpeleko azya Nzambi ksanska angitisa wowo Nzambi ko, ka amvutudila matodo ko. Kansi akituka mazengi mu mabonga mawu ye mu mintima miawu mu kondua kua zaya suasisa ayika mu mbumbuluka. ²² Akala kuyinanga vo yawu anduenga, ayika mazengi. ²³ Avingila kembo a Nzambi wulembua fuanga va fulu kia fuani kia muntu wufuanga zinuni, yi bulu ya malu maya ye yi zanzalanga. ²⁴ I dina, Nzambi wa ayekula mu nzununu za ntima miawu mu nsumukunu; kidi vo avangasana mambu ma nsoni yawu ye yawu. ²⁵ I yau wowo a sabikisanga kedika kia Nzambi mu lunungu, ye yawu a sambilanga yi vangua ya Nzambi va fulu kia Mvangi zitusuanga mu mvu mia mvu ya mvu. Amene! ²⁶ I dina Nzambi wu eyeula mu nzinnu za nsoni, kadi akento awu asekala nkalasani a nitu zawu zakinkento ka wonso Nzambi ka kubikila yo ko kansi wowo wu azolele. ²⁷ I mpila mosi mpe, wakala ayambula mu bundana ye akento, ye kuyizunanga moyo yawu ye yawu. Va akala vanganga mambu ma mansoni yawu ye yawu ana akala, atambula, i ndandu mu mbi yawu. ²⁸ Kiena vo ka azola tula Nzambi mu mabanza mawu ko, yani wa ayekula mu mambu mawu ma vualangana mu vanga malembua fuana. ²⁹ Azadusua kua kondua kua lunungu lulo, kua nsita, kua nzinunu ye wangubi. Azala ye maketo, vandasanga, minzonza, luvunu ye kakani mambi, ³⁰ Ena ankua makela, ankua kitantu ye Nzambi, mimvunzi. Ankua mayema ye kinua kia saka, nkuamusu za kingolo. A yindulanga nzila zi fueni mu vanga mambi ye akolamananga ma se ye ngudi zawu. ³¹ Yawu ena mazengi, ka alendi silua vuvuv ko, ka ena ye zola kua Kinzambi ko ye ka afuilanga aniawu nkenda ko.