¹ Wau kina vo tuena tua nungusua mu minutes,, tuena ye luvuvamu ye Nzambi mu nzila ya Mfumu eto Yisu Klisto. ² Mu yani tuena diata ye Mpuasika mu nzila ya minu mu wowo wu ntuenina. Yeto tueti yangalala mu vuvu kiakutuvana Nzambi mu lumbu yeti kuiza, vuvu kitueti kayasana mu nkembo wa Nzambi. ³ Diaka, tueti yangalala mpe mu zimpangi. Tuzeyi vo mpasi yiwutanga mvibudulu. ⁴ Mvibudulu yavananga ndungunu ye ndungunu, vuvu mu lumbu yeti kuiza. ⁵ Vuvu kiokio kaki fuisanga nsoni ko, kadi zola kwa Nzambi kua dukulwa mu ntima mieto kua Mpeve Yanlongo yoyo yi tuavewa. ⁶ Kadi va tuakala ntete alebakana, Klisto wafwa mu ntangu ya fwana mu diambu dia antu alembua vuminanga Nzambi. ⁷ Kadi, muntu umosi lenda fuila mu mpasi mu diambu dia muntu walunungu. I savo, muntu umosi lenda nanga mu fwa mu diambu dia muntu wambote. ⁸ Kansi Nzambi usonganga zola kuani mu yeto, mu diambu dia va tuakala ntete asumuki, Klisto wafua mu kuma kieto. ⁹ Wawu nkutu wakina vo tuena tua nungusua mu menga mani, yeto tuna vulusua mu yani mu nganzi za Nzambi. ¹⁰ Kadi, vo tuakala zimbeni, tua wawusua ye Nambi mu mfuilu a mwana ani, diaka konso wuna tuamana wawusulua ye Nzambi, wuna tuna vulusulua mu moyo ani. ¹¹ Ka mu diambu dia wuna kaka ko, kansi tu yangalalanga diaka mu Na=zambi mu nzila Mfumu eto Klisto, mu yani tua tambula wawu luvuvamu lolo. ¹² Idina, konso masumu u makatila mu nzo mu muntu umosi, i wna mpe lufua luakotila mu masumu. Ye lufua lua yalangana mu antu awonsono, mu diambu dia awonsono amona sumuka. ¹³ Kadi, nate ye mu btangu a nsiku masumu makala mu nza, kansi masumu kamalendi katuka ko vo nsiku kawena ko. ¹⁴ Kansitu, lufua luayala tuka mu ntangu ya Adami nate ye ya Mose, kani nkutu mu yawu alembua sumuka mu nkolomono yayo yi fuanane konso ya Adami, ndiona wena kifuani kia ndiona wakana mu kuiza. ¹⁵ Kansi kani ntangu nate ye wana, nkayilu kawu fwanane ye kanso ntualumunu ko. Kadi, vo i mu masumu ma muntu umosi ndonga yayina ya fwa, i wowo lutila nlemvo a Nzambi ye Nkayilu mu nzila muntu umosi, Yisu Klisto, wasoompa mu ayingi. ¹⁶ Kadi kayilu kawena konso nsukusunu ya muntu wowo wsumuka ko. ¹⁷ Kadi vo tutomene tala, nzangolo ankanu ya mbedoso yayiza mu diambu dia ntulumunu a muntu umosi, kansi va lueti, nkayilu a nlemvo wayiza tukisa ndungunu kunima ntulumukunu za ayingi. Kadi, vo i mu ntulumukunu za umosi, lufua lua yala kitinu mu lwawu mosi, naweyi nkutu mu lutila yawu a vewa kiuma kia nlembo ye nkayilu wa ndungunu eno yadila kuani mu moyo wa muntu umosi, Yisu Klisto ¹⁸ Idina vo , konso mu ntulumukunu imosi awonsono abedisua, ku mosi, mu vanga dimosi dialunungu uayiza ndungunu a moyo wa antu awonsono. ¹⁹ Kadi, konso wenina mu nkolomono a muntu umosi, awonsono ayika ankua masumu,ku mosi mpe mu ntumamanu ya muntu umosi, ayingianungusua. ²⁰ Kansi nsiku miayiza mpasi vo ntulumunu ya vambidila. ²¹ Kasni vavana masumu meti sampa, nlemvo wa Nzambi watoma sampa nkutu lutila.