¹ Yimosi mu mbasi nsambodia ya kala ye mbangu nsambodia ya fina kua mona ye ya vova: "Wiza ngia ku songa tumbu kia nzuza ya yinene ya nketo endu wena wa vuanda va ntandu ya minlangu mia mingi ye. ² Va miwu ntunu mia ntoto miomio mia sala kinsuza ye antu a kundanga va ntoto a kituka nduwu za vinua mu kinsuza kiandi." ³ Mbasi ya ndata mu mpeve mu nsi a nkatu ye ngia mona wa nketo mosi wa vuanda va nima bulu kia nsisi wa kala ye nkumbu za zingi za ntiakulu. Bulu kia kala ye ntu nsambodia ye mpava kumi. ⁴ Nketo wowo wa vuata nlele mia ntalu mia tinta ya mbuaki ya ngolo, ye monika wonso ola, wa matadi mbungu ya vangulua mu ola ya zala ye yilekua ya nkakumusu ye nsumukunu ya mambi ma kinsuza. ⁵ Va mbulu andi vakala va sonama nkumbu ya nsuki i: "Babiloni dia dinene, ngudi ya zi nsuza ye lekua ya nkakusu ya ntoto.'' ⁶ Ngia mona vo nketo wakala nkalu ya menga ma minkuikizi ye menga ma ba vondua mu diambudia lukuikilu luawu mu Tisu. Vo ngia mona, ngia mona ngitukulu beni. ⁷ Kansi mbasi ya nkamba, Bila nki weti yitukua? singa ku bangudila nsasa ya nketo ye ya bulu kieti ku nata. Bulu kiokio kia kala ye ntu nsambodia ye kumi dia mpoka. ⁸ Bulu kiokio kimueni kia teka kala, kansi kakina diaka ko wawu, kansi kieka va ntangu a zola vayika ku fulu kia mbivusu. Yi mbosi kina kuenda ku mbungulu. Antu a dizinga va ntoto, wonkumbu ku za sonukua mu nkanda moyo ko tuka nsemono ya nza ena yitukua mu mona diaka bulu kiokio kia nsisi kia teka kala, ye ka kiena diaka ko, kansi kiena lukufi mu vutuka. ⁹ Diadi dieti lomba ngindu za nduenga. Ntu nsambodia yi miongo nsambodia va miawu nketo wowo ka vuandila. ¹⁰ Vena mpe yi ntinu nsambodia. Ntinu ntanu mia lua ntinu wu mosi wena moyo ye wowo wa nkaka ka wa yizidieti ko. Vo wana kuiza kena zingila ntangu ya nda ko. ¹¹ BUlu kiokio kia nsisi kia kala ye ka kiena diaka o yi yani kibeni ntinu wowo wa nana. Yani wena yi u mosi mu nsambodia yoyo ya mintinu ye kiawu si kienda ku mungulu. ¹² Kumi dia mpoka diodio mueni yi ntinu kumi miomio ka mia bekieti ngindulu ko, kansi si mia baka lulendo lua kintinu mu fintangua mu yola va mosi ye bulu kiokio kia nsisi. ¹³ Ntinu miomio miena ngindu zi mosi ye a yekula lulendo luawu bulu kia nsisi. ¹⁴ Yawu ena nuanisa muana mem, Kansi muana meme sika ku ba bebisa kadi yani wena ntu mu a zi Mfumu ye Ntinu ya mintinu ye yani wena ye a bokulua, a solua, minlandi." ¹⁵ Mbasi ya kamba: "Nlangu miomio wa mueni va kati kua miawu va vuanda nketo wowow wa kinsuza, yi mi nkangu, mafunda, makanda ye zi ndinga. ¹⁶ Mpoka kumi zi wa mueni, zawu ye bulu ena bela nketo wowo wa nsuza. si akumbonga yayo ye kuntula kimpene, ena dia nsuni ye andi ye wozinisa ku tia. ¹⁷ Kadi Nzambi sika kula sadi ya mu tula mu ntima miawu ngindu za vanga lukanu luandi ye kiawu kua mabanza mamosi mu vova kimfumu kiawu kua bulu kiokio kia nsisi nate ye masonukua ma Nzambi mameni lungana ¹⁸ Nketo wowo uwa mueno yi mbanza yoyo ya yi nene yi yalanga ntinu mia ntoto."