¹ Mono ngia wa ndinga ya yinene ya tuka mu nzo ya nlongo ya zangama wa vova kua mbasi nsambodia: "Nuenda lu tengula mbungu zozo nsambodia za nganzi za Nzambi va ntoto." ² Mbasi ya ntete wa londuka ye wa tengula mbungu yoyo va ntoto; zi mputa za mpongu za mbasu ye ndunzi bia yiza kua antu akala ye dimbu kia bulu, wowo akala sambilanga kiteki kiandi. ³ Mbasi ya nzole wa tengula mbungu andi mu mbu maza ma mbu makituka wonso menga ma muntu wufua ye se mua biaka bia moyo mu mbu bia fua. ⁴ Mbasi ya ntatu ya tengula mbungu andi mu nzadi ye mila mia maza; bia bia kituka menga. ⁵ Mbosi ngia wa mbasi ya minlangu ya vova: "Ngeye wena wa lunungu; ndioyo wena ye wakal, wa nlongo mu fundisa. ⁶ Kadi yawu atengula menga ba nlongo baka ye mimbikudi, wu baveni menga mu nua; yi wowo mpe hafueni siwa." ⁷ Ngia wa ndinga ya vayika mu zikua dia mfutisila ya ova: "Inga, Mfumu Nzambi Atulendo, mfundusulu zaku zena za kedika ye lunungu." ⁸ Mbasi ya nya ya tengula mbungu andi muntangu, ye wa vewa luve lua yoka antu mu tiya. ⁹ Antu a via mu mbangazi ya nsisi, ye ba finga nkumbu ye Nzambi andu wa kala ye lendo mu bivunga biobio. Ka avilua diela ko evo niongoluka mu mbi zawu evo muana nzitusu. ¹⁰ Mbasi ya ntanu ya ntanu ya tengula mbungu andi vana kiandu kia kintinu kia bawu ye luyalu luandi lua lombuka lua kituka tombe. A kuetisa meno mu mpasi za tia ye mbangazi. ¹¹ A finga Nzambi mu zulu mu diambudia kuama ye mputa zawu za mpangu ye zimbasu ye atetamana badisa ntima miawu mu funguna mu mbi zawu. ¹² Mbasi ya nsambanu ya tengula mbungu mu nzadi yayi nene. Eufalati ye nlangu miandi mia yuma mu yakidika ye kubika mpiokolo ya mintinu mitukidi ku ndambu yi selukilanga ntangu. ¹³ Ngia mona mpeve tatu za sawuka za fuanana ye ma zundu ma tuka mu nua bulu ¹⁴ kia nsisis, wa bulu ye mbikudi mia luvunu. Kadi yi mpeve za safana zi lungisanga bi dilundi bia mpimpita. Ma vayikanga kua mintinu miamo mia ntoto mu kuba yonsokisa mu nkumbu ya lumbu kia kinene ki Nzambi nkua tulendo. ¹⁵ " Tala mginu kuiza wonso muivi! Mayangi mena ye wu kayanga meso wulundanga mvuatu miandi mpasi vo kavayika kimpene ye nsoni zandi kazi moniki ko." ¹⁶ Wa bakutikisa va mosi va fulu kibokoduluanga muki ebeleyo Alamagedo. ¹⁷ Mbasi ya nsambodia ya dukula mbangu andi mu mpevolo. Ye kilongo ye kiandu kia kintinu mu vuaka ndinga ya ngolo ya vova: "Mu vangamene." ¹⁸ Kua kala ye zi nsezomo mindumu zi mbandanu ye ndikumunu ya ntoto ndikununu ya antu a vangulua ye tulua vava ntoto, ndikununu yoyo ya ntotot yakala yayi nene. ¹⁹ Mbanza ya yinene ya tenduka bu ndambu tatu ye zi mbanza za makanda ma bantu za mbua. Mu diodio Nzambi wa bambuka moyo mu mbanza ya yinen ye wa vana kua mbanza yoyo, mbungu ya zala kua vinu dia tuka mu nganzi zandi. ²⁰ Bisanga biobio bia nbu bia vila ye miongo ka mia monika diaka ko. ²¹ Mvula ya yinene ya matadi yakala mu dimosi dimosi tezo kia makumaya ma zitu masotuka tuka ku zulu vantandu a antu ye a singa Nzambi mu diambu dia bi vunga bia mvula matadi.