¹ Wawu mimvakusi miamio miaa mpetu ye asumuki ankaka ayiza kua Yisu kidi vo akun'wa. ² Afalisi ye minsoniki mia minsiku avunguta yau ye yau, avova, "Muntu ndiayu weti tambula minsumuki ye nkutu weti dia ye yau mpe." ³ Yisu wata kingana kiaki wankamba, ⁴ Nani va kati kueno vo wena ye mameme nkama ye vidisi dimosi mu mawu wuna lembua yambula luvua ye vua dia mameme mu makanga, ye kuele tomba diodio dizimbale nate ye kamueni dio e? ⁵ Mboki va kena dio solula, tudidi dio va mavembo mandi ye kiese kakio. ⁶ VA kena luaka kuna nzo, meni kutikisa akundi ani ye mfinangani zandi ye sika ku akamba: "Nuyangalala ye momo, kadi nsolole meme diame diavididi." ⁷ Idianu ngieti kunu kamba kiese kina kala mu zulu mu bila kia nsumuki wumosi viludi diela kansi kayi mu luvua ye vua dia alunungu ko ena vo ka enawu ye nsatu avilula madiela ko. ⁸ Evo mpe, nkia nketo wowo, wena ye nkama ya palata ye vo zimbizi kimosi, wena lembua kuika muinda, ka kombula nzo, ye wuna lembua tomba mu nzaki palata nate ye kana kio solula e? ⁹ Ye mboki vo solole kio, wuna kutikisa akundi andi ye zimfinangani, ye ku alamba: "Nuyangalala ntuadi ye mono, kadi mono nsolole palata ki ngia zombisi." ¹⁰ I diawu, ngieti kunu kamba vena ye kiese va kati kua zimbasi za Nzambi vo nsumuki umosi viludi diela." ¹¹ Mboki Yisu wavova, "Muntu mosi wakala ye ana wole. Ye diena wantuenia va kati kua yawu dia wole wakamba kua se diandi: ¹² "Tata, wumpana wawu kunku kiame kia difua kingana wewa.'Mboki se wakasa kimvuama kiandi va kati kwa kuawu. ¹³ Kunima yilumbu yikua kaka, nlele wantuenia wakutikisa lekua yani yayonsono yika vua ye wayenda ku nsi yanda, ye kuna wafukisa mbongo, wasumba lekua yoyo yikalembua vua mfunu, wa fukisa mbingo zandi mu luzingu lua mbi. ¹⁴ Va kamana va sadila mbongo zandi zazo, nsatu yangolo yakota muam mu nsi yayina, ye wayantika mu kala mu nsatu. ¹⁵ Wanlenda kikotisa mu sala kisa wumosi wa esi nsi yayina i wamfila ku viye diandi mu kuele dikila zingulu. ¹⁶ Wakala dianga beni mianzi miakala diambu zingulu kadi tavakala muntu lenda kumvana kiandia ko. ¹⁷ Kansi yani muana toko va kayiza vutula mayindu mu yani beni, wavova: Yisaya i kua ya s'ami ena ye dia kuafuana, ye mono ngina vova ngieti fua nsatu. ¹⁸ Ngina katuka vava ye kuenda kua s'ami, ye ngina kunkamba: "Tata, mono yavengi masumu kua Nzambi mu mazulu ye kwa ngeye. ¹⁹ Kisidi diaka wafuana ko mu yikua muan'aku wunkitula wumosi mu isadi yaku." ²⁰ I wuna yani muana toko wakatuka ye wayiza kua s'andi: "Wana wakidi mtete kuanda, se diando wanmona ye wazaya kua kikenda mboki wazawula wan'zinga va nsingu ye wankamba. ²¹ Muana watoko wankamba: "Tata, mono mpolele masumu mu mazulu ye va ntadisi aku.Kifueni nkutu ko mu yikua muan'aku ²² Se wankamba kua yisadi yandi: "Lunata nsualu mvutu wantoko ye limvuika wo ye lumvuika kimpambu mu nlembo andi, ye lumvuika nsapatu mu malu landi. ²³ Ye mboki lutuala muana ngombe wowo wa vinduka ye luvonda wo. Tudieno ye tuyangalala mu nkembo. ²⁴ Kadi muan'ami wakezi wafua, ye wawu wena moyo. Yani wakezi wa zimbala ye wawu tunsolole." Ye ayantika mu yangalala. ²⁵ MUna ntangu yayina, kota diandi wakala kuna viye. vuka ka kuiza yizinga ye finama kuna nzo, wawa masikulu ye makinu. ²⁶ Wabokila umosi mu yisadi ye wayuvula nkia mambu kuandi momo malenda kala. ²⁷ Sadi kiankamba, 'Mpangi aku yayakala yivutukidi ku nzo ye s'aku vondese muan'a ngombe wavunduka mu diambu dia yani vutukidi mu mavimpi. ²⁸ Kansi muana wakota wafuema ye kazola nkutu ko mu kota diaka muna nzo, kansi se diandi wavayika ye wambombidila. ²⁹ Kansi muana wakota wavutula ye wakamba kua se diandi, 'Tala, fisidi mu miamingi mono ngieti kusadila ye ka lumbu kimosi nkutu ko mono mbuisidi minsiku miaku, kansi kuampeni'eti kani muana wumosi ko wangombe kidi vo ngia yangalala ye akundi ame. ³⁰ Kansi wawu kinavo muan'aku wayakala wizidi, ndiena wameni va bebisa mvuilu aku ye akento andumba, wu mvondesele muana wa ngombe wa vunduka." ³¹ Se wankama: "Muana ngeye wena yame ntangu zazonsono ye lekua yayonsono yami o yaku mpe. ³² Kansi diena dia mbote kua yeto mu kubika nkembo ye yangalala, kadi mpangi aku yayi ya yakala yakezi yafua ye wawu wena wa moyo, yani wazimbala ye wawuwu solokele."