¹ Lumbu kimosi kia mvuandulu, va kakala kuendang ku nzo ya wumosi mu zimfumu za mimfalisi mu dia dimpa, mimfalisi antungunina va lukufi. ² Tala kuakala va ntadisi andi muntu mosi wakala ye kimbevo kia vimba malu. ³ Yisu wayuvula kua minlongi mia nsiku kia ayudayo ye kua mimfalisi: "Nga nsiku kieto miveni luve mu niakisa mu lumbu kia mvundulu evo nkatu e? ⁴ Kansi akala napi. Mboki Yisu wansimba, waniakisa ye wanyambula tenda. ⁵ Waku akamba: "Nani va kati kueno vo wena ye muana wa wayakala evo ngombe yi buidi mu wulu mu lumbu kia lumingu una lembua yo tombola vana fulu e? ⁶ Alembana mukuvana mvutu mu mambu mana. ⁷ Yisu va kamona konso wowow abokudusua akala sadilanga yifulu yimosi ye wavova: ⁸ Vo mbokodoso ku nkinzi wa makuela, kuna vuandangani va yifulu ya nzitusu ko, mu diambu dia dilenda kala vo muntu mosi wulutidi mu zitusua ye ngeye wabokodoso ko. ⁹ Muntu ndiena wukuna bokedesa yeno awonsono va kena luaka, sika kukamba: "Vana kua muntu ndiawu wankaka fulu kiaku," Ye mu diodio mu nsoni si wenda baka fulu kuna nima. ¹⁰ Kansi vo bokodoso, wenda ye vuanda vana fulu kia nsuka, idiau ndiena wuku bokedese va kena luaka, lenda kukamba: "Nkundi wenda kuntuala." Vavana ngeye siwa zituswa va ntadisi ya awonsono avuendi yaku va meza. ¹¹ Kadi konso konso wuna kudi zangulua, wuna kululua ye konso wuna kukikulala wuna zangulwa." ¹² Yisu wankamba diaka kwa muntu wowo wambokidisa: "Vo weti kubikisa ndilu yakala ya nsiuka evo ya nkokila, kubokidis'andi akundi aku ko, evo kampangi zaku mpe ko, evo mase maku mpe ko evo akundi aku a mvuama, kadi yawu mpe alenda kubokidisa mu vutula bu, ye kuvangila konso wuwaku avangila. ¹³ Kansi vo weti kubika ndilu yayinene, bokidisa amputu atila mianzi, mi mvanguki ye zimpofo. ¹⁴ Ye si watoma yamgalala, kadi alendi kuvudila konso uwuku avangidi ko. Kadi ngeye wuna sendua va kina fulukusua alunungu. ¹⁵ Wumosi wa wowo akala avuanda ye Yisu va meza va kawa mambu momo, yani wankamba: "Mayangi mena kua ndiena wuna dia dimpa mu kimfumu kia Nambi!" ¹⁶ Kansi Yisu wankamba: "aamuntu mosi wakubika ndilu yi mosi yayinene ye wabokidisa ayingi. ¹⁷ Ntangu ya ndilu va yafuana, wafila asadi yani mu kamba kua abokudusua, "nuiza kadi mamonsono mena makubama wawu" ¹⁸ Awonsono atona lamba mpengomokono mpila mosi wantete wamkamba, 'Via nsumbidi ye nga mfuiti dio kuenda tala. Wundemvukila mu diawu. ¹⁹ Yewankaka: Mono nsumbidi kumi dia ngombe, nga mfuiti zo kuenda teza. Wundemvukila vo di lendakana. ²⁰ Ye muntu wankaka wnkamba: 'Mbeni va kuela, mu diawu kina lenda mu kuiza ko.' ²¹ Sadi kiayiza ye wankamba mambu mamonsono kwa Mfumu andi Mboki Mfumu a nzo wafuema wakamba kua sadi kiandi, 'Wenda nsualu mu bala bala ye mu mazandu ma mu mbanza ye wundatina vava amputu, makoka, zompofo yemimvanguki. ²² Sadi kiakamba: :Mfumu mawuntumini mameni vangama ye yifulu yakidi." ²³ Mfumu a nzo wakamba kua sadi, 'Wenda mu nzila zazinene ye va ntuala tupangu ye wuu atatimina eza, kidi vo no ami yazala. ²⁴ Kadi ngieti kunu kamba, ka uosi nkutu ko mu ahana abokodusua mu ntete wuna bimba dia kuaku kua nkokila.'" ²⁵ Ndonga yayingi ya antu yayenda yani, wabangumuka ye waku akamba, ²⁶ "Vo muntu wizidi kua mono mboki ye lembolo mu bela se diandi kibeni, ngudi andi, nkazi andi, ana andi mpangi zandi za amakala ye yibusi yandi, Inga, ye zingukiandi beni, kalendi sala kala nlongoki ami ko. ²⁷ Wonso ka wonso wuna lembua baka kulunsi diandi ye kuiza kundandi kalendi sala kala nlongoki ame ko. ²⁸ Kadi nani va katikueno, wu zolele tunga nzo yadiengumuka yayil wuna lembua teka vuanda nete ye yindula ntalu kwa nzo yoyo yina fua, mu zaya vo wena ye mamonsono mafueni mu manisa nzo yoyo? ²⁹ Vawowo ko, va kana tungu lufulu ye lembua lenda mu manisa, awonsono ana yantika mu kumvueza. ³⁰ Se avova vo: "Muntu wawu wayantika mu tunga ye lembakene mu manisa. ³¹ Evo nkia ntinu, mu ntangu yiketi kuenda ku nuana ye ntinu wankaka, wuna lembua teka vuanda ntete ye ntinu wowo vo wena ye mafunda kui ma yinuani wawu kina vo yani ntinu wowow wena ye mo mafunda kumi ye zole ma makesa. ³² Ye vo ka wawu ko, wawu kina vo wankaka wakidi ntete ku tini yandi, kafila ntumua mu zaya ma afuiti lungisa mu tula luvuvamu va kati ³³ I diawu, kawumosinko mu yeno lenda kala nlongoki ami vo lembolo mu sisa yayonsono yika vuidi. ³⁴ Mungua wena wambote, kadi vo kawusidi diaka ye zenzo andi ko, nawe wulenda zonzusulua diak'e? ³⁵ Kawusidi diaka mfumu ko, kani mu ntoto evo mpe kani mu mbodila ko, wuna losua ku nganda. Wonso wuna ye matu, mu wila, bika kawa.