¹ Yakobi, kisadi kia Nzambi kia mfumu Yisu Klisto, kua kumi ye zole dia Makanda ma muangna: Mbote. ² Lusimba mama wonso diambu dia kiese, mpangi zame, va nueti luakulua kua ntotolo za mpila mu mpila. ³ Luzeyi vo ntotolo a minu kienokitukisanga ntatumunu. ⁴ Bika ntatumunu ya lungisa salu, kidi nua kala nua toma tombuka ye nua lunga, ye mpe kidi nua lembua kondua lekua. ⁵ Kansi, vo muntu va kati kueno wena nsatu a nduenga, bika kalomba zo kua Nzambi, yani wu vananga zo mu kiese ye kondua kua lusembo kua awo alombanga, ye wu vananga zo. ⁶ Kansi bika balomba mu minu, kondua keti keti. Kadi wonso wena keti keti fuanane ye maya ma mbu ma natuanga kua vento ye ma nikunuanga ndambu ye ndambu. ⁷ Kadi muntu wowo kayindudi ko vo una tombila lekua kua mfumu. ⁸ Muntu wampila yoyo kena mabanza, kena wasikila mu nzila zani zawonsono ko. ⁹ Bika mpangi ya fuafua ka yangalala mu zanguka kuani. ¹⁰ Kansi muntu wa muama mu kuluka kuani kadi wena luta wonso kaka fofolo kia titi kia mfinda. ¹¹ Kadi ntangua yitubukanga ye tiya tuani tuyokanga ye yumusa titi. Fofolo ki buidi, ye ntoko ani yi meni. I mpila mosi, muntu wa mvuama wuna lengila va kati kati dia nzietolo ani. ¹² Mayangi mena ye muntu wu tontuanga. Kadi bu kameni nunga ntotolo, si katambula kolowa kia moyo kia silua kua wowo a kazolanga. ¹³ Ka muntu ko, vo buidi mu ntotolo ka vova vo: "Nzambi wu ntotele." ¹⁴ Kansi muntu muntu wubuanga mu ntotolo mu mpuila zani zambi za yani beni, zi nkunatanga ye kunvukuna. ¹⁵ Ye, vo mpuila zambi zi ketele zi tualanga masumu. Ye kunima, vo masumu mayelele, manatanga mfuilu. ¹⁶ Ka nu vunukani ko, zimpangi zame za nzolua. ¹⁷ Nkayilu miamio mia ntoko, nkayilu miamio mia lunga mi tukanga ku zulu. Mu kulumukanga mu se dia ntemo. Mu yani kamuena nsololo evo tombe mu sekuka ko. ¹⁸ Nzambi wa sola, mu kutu wuta mu mambu makedika, kadi kua kala wonso mbutu miantete va kati kua nsemono zawonso zika sema. ¹⁹ Nu zeyi diadi, npangi zame za nzolua: Bika konso muntu kakala nsualu mu wa, fuki mu vova, ye fuki mu fuema. ²⁰ Kadi nganzi za muntu kazi lungisanga lunungu lua Nzambi ko. ²¹ Mu diodio, nulosa nsumukunu ye kingi kia mambi. Mu luyinunu, nutambula mambu makanua, mawu mena lendo mu vulusa miela mieno. ²² Nu kala wowo a sadilanga mambu kansi ka minu we kaka ko, nu kivunanga yeno kibeni. ²³ Kadi vo muntu wena wa mambu ye lembua mo sadila wena wonso muntu weti tala zizi kiani mu lumueno. ²⁴ Weti kifimpa yani beni ye wele ye vilakana vana vawu ye nani ka dedakene. ²⁵ Kansi muntu usungamananga mi nsiku mia lunga mia kimpuanza, ye tatamene mu vanga wonso wowo, mu lembua kala mwe kaka wu vilakananga, muntu ndioyo wuna sakumunua mu mavanga mani. ²⁶ Vo muntu weti kukibanzila munkuikizi, kansi keti zaya keba ludimi luani ko, weti vuna ntima ani, ye kinzambi kiani kakiena salu ko. ²⁷ Kinzambi kia vadila ye kia mpuenia va ntadisi ya Nzambi eto ye Tata kiena wonso: sadisa zinsiona ye mafola mu kiadi kiawu, ye ku yikeba wampuenia mu nza.