¹ Zi mpangi zame, ka nu sambidilani minu kieno mu Mfumu Yisu Kliso ko, Mfumu yankembo, vo yeno nueti tatamana mu ntalua zizi ye kimpangudi kua antu a nkaka. ² Tezikisa vo wonso muntu kotele mu nzo eno ya lukutakanu wa vuata mpeve za ola ye mpe mo wa vuata nlele mia mvindu ³ Ye ngeye tedi kua ndioyo watoma vuata ye wu nkembi vo: "Dodokolo ngeye vuanda va fulu kiaki kiambote." "Kansi vovele kua wa mputu: "Ngeye, telama vova, evo, "Vuanda va mfidukulu a malu mame." ⁴ Nga yeno ka nueti fundisa mu yeno kibeni ko? Nga ka mu kitukidi mi mfundisi ye ngandu za mbi ko? ⁵ Nuwa, nu zimpengi zame za nzolua, Nzambi ka sola zi mputu mu nza mu ku akitula a mvuama mu minu ye mvingidi mia difua mu kimfumu kiokio ki kasila kua wowo akunzolanga kue? ⁶ Kansi yeno nua kuludi zimputu! Nga kayi zimvuama ko zi kunu kuamisanga? Mga ka yau o akunu natanga ku nzo ya mfundisila? ⁷ Yau wowo ka yau ko a finganga nkumbu yoyo ya ntoko yano mpe yinuanina nfuandi e? ⁸ Muanki, vo ngeye lungisi nsiku bua songa wonso wenina landila masonokua: "Mgeye wuna zola mfinangani aku wonso ngeye kibeni mu kuki zodilanga." Ngeye vengi diambote. ⁹ Kansi vo ngeye weti luta zangula antu a nkaka, ngeye weti vola masumu, ye ngeye wena kunsi a tumbu kia nsiku wonso mvondi ansuku. ¹⁰ Kadi wonso u tumamanga minsiku miamio, vo tele sakuba mu umosi u konso konso mpila, yani wikutaka mutumbu kiokio kia mvondi a nsiku miamio! ¹¹ Kadi yani wa vova: "Ku nate zumba ko." Yani mpe wavova: "Kuvondani ko." Vo ngeye kuata zumba ko kansi ngeye wa vonda, ngeye kitukidi mvondi a nsiku. ¹² Wonso wetii vovulua ye vangila wonso wowo ena kongodulua mu nzila ya minsiku ya ki mpuanza. ¹³ Kadi mfundusu yina kuiza kondua kua nlemvo kua wowo alembua sona nlemvo. Nlemvo wu nungisanga mu mfundusu. ¹⁴ Lu zimpangi zame nki kilutidi mu mote vo muntu vovele vo yani wena ye minu kansi kondolo mavanga? Minu kiokio ka kilendi ku mvulusa ko, nga kilenda? ¹⁵ Vo mpangi ya yakala evo ya nketo lembolo toma vuata ye kondolo dia kua lumbu kiokio. ¹⁶ Vo se wu mosi mu yeno wunkembi vo: :Wunda mu yenge ye yotila ngeye si wa yukuta kuaku." Kansi kanu mveni lekua yoyo yena mfunu mu diambu dia nitu, munki dilendi kadila dia mbote diambu dia mpila yoyo? ¹⁷ Yi mpila mosi mu minu vo kiawu kivondolo mavanga kiwu kiena kia fua. ¹⁸ Muntu wankaka mpe lenda vova diaka: "Ngeye wena ye minu mono ngiena ye mavanga." Songeti minu kiaku kondua kua mavanga ye vana ngia kusonga minu kiame mu mavanga. ¹⁹ Ngeye wu kuikilanga vo Nzambi mosi kaka yena, ngeye wu vanganga ma mbote. Kansi ye mpeve za mbi mpe zi kuikila dio ye zi zakananga. ²⁰ Nga zolele dio zaya ngeye wa kondua mpisilu ki kondolo mavanga kiena kia kondua sali? ²¹ Balahami nkulu eto ka nungusua kua mavanga ko voka yekula muan'aniIsaki mu nkayilu vana zikua? ²² Mueni vo minu ki diatanga va mosi ye mavanga, minu kiani kia toma tombuka na dede. ²³ Yi wonso wowo walungila ma sonukua: "Abalahami wa kuikila mu Nzambi ye wa bieka walunga." Yinso wowo Abalahami ka bokudulua nkundi a Nzambi. ²⁴ Mueni vo yi mu mavanga muntu ka nungusuluanga, ye ka mu minu kaka ko. ²⁵ Yi mpila mosi mpe, Lahabi nsuza ka nungusua mu diambu dia mavanga kue vo ka tambula zintumua, ye wa atinisa mu nzila ya nkaka? ²⁶ Kadi, wonso wena nitu ya kondua muela yawu ya fua, minu mpe kia kondua mavanga kiawu kiena kia fua.