¹ Pawulu i ntumwa (ka ntumua ya antu ko evo ka ngolo a muntu ko, kansi i mu nzila Yisu Kliso ye Nzambi tata, ndiena wamfulukisa mu afua). ² Ye zimpangi zazonsono wowo ena yame, kua mabundu ma kumbanza Ngalatia. ³ Bika nlemvo wakala yeno ye yenge kitukidi kua Nzambi se dieto ye kwa mfumu eto Yisu Klisto, ⁴ wakiana yani mosi mu masumu meto, kidivo kakutu kula mu ntengu yayi yambi konso wenina luzolo lua Nzambi eto ye se dieto. ⁵ Nkembo wa vewa kua yani mu mvu miamvu ya. ⁶ Ngieti yitukwa vo mu nsualu beni nueti fila nima kua yani wakunu bokila mu nlemvo wa Klisto. Ngieti yitukwa mu mona vo nueti kivana mu nsamu ambote wa swaswana. ⁷ Diadi kadisongele ko vo vena ye nsamu wankaka wambote, kansi vena ye antu ankaka eti kunu vuadingisa ye azolele tekimisa nsamu wambote wa Klisto. ⁸ Kansi kanu kutu vo yeto, evo mbasi ya mazulu yeti kunu samunina nsamu wambote wa mpila ankaka ka wowo wu tuakunu samunina ko, bika kasingwa. ⁹ Konso watuakunu zayikisa vana va kintete, i wowo ngieti vutukila diaka wonso "vo muntu weti kunu samunina nsamu wambote wa nkaka wa suasuana ye wowo wunua tambudila, bika ka singwa". ¹⁰ Kadi wawu i zolakana kua antu intombanga evo koko kua Nzambi? Ngieti tomba mu yangidika antue? Kadi vo ngitatamananga mu teza mu tomba mu yangidika antu, kienani sielo kia Klisto ko. ¹¹ Kadi nzolele vo nuazaya nuzimpangi, vo nsamu wambote wungia kunu samunina ka wutukidi kwa antu a mpamba ko. ¹² Kiabakila wo kua muntu ko, kkani nkutu kia longulua wo kua muntu ko. Kansi tu i Klisto yani kibeni wnsonga wo. ¹³ Nuawa konso wu avovila zingu kiame kiantama mu lukuikilu lua ayudayo wonso wuyakala zominanga mu kinkani kiakionsono kia lutila tezo Dibundu dia Nzambi ye muangisa dio. ¹⁴ Mono ngia tona luta beni nzayilu mu ayudayo lutila ayingi ayami ayudayo a nkulu yimosi a kanda diame beni. Ngia kala ye nzayilu ya luila mu kinkulu kia mase meto. ¹⁵ Kansi diayangidika Nzambi mu kunsola tuka muna vunu kia ngudi ame. Yani wambikila mu nzila nlemvo andi. ¹⁶ Mu songa muana ani mu mono, kidi vo ngia samuna kua akondolo ayudayo. Kiayenda lomba nduengoso vana vawu kua nsuni eco menga ko. ¹⁷ Kia tombuka ku yeluselemi ko kua wowo kituka zintumua tekila mono. Kansi tu mono ngia yenda ku zinga kia Alobia ye mbosi ngia vutuka diaka ku mbanza Damasiko. ¹⁸ Mbosi ku nima mimvu mintatu, mono ndia manta ku mbanza Yeluselemi mu zaya Petelo, ye tuekala yani ilumbu kumi ye tanu. ¹⁹ Kansi kiasala mona nkutu kani zintumua ko, vo ka i Yakobi mpangi a Mfumu. ²⁰ Mono ngieti kunu siamisa va ntadisi a Nzambi, mu ma ngieti kunu sonikina, kieti vuna ko. ²¹ Mbosi kunima ngia yenda mu yizunga ya Silika ye Kilikia. ²² Mono kiakezi zayakana ntangu zazonsono kua mabundu ma Klisto mena mu zunga kia Yuda ko. ²³ Kansi yawu akala wanga kaka: "vo ndiona wakutu zomenenge lumbu yalutidi wawu weti longila minu kiokio kikazola mu fwasa. ²⁴ A zitisa Nzambi mu diawu