¹ Mvu kumi ye nya bu miamana vioka, mono ngia vutuka diaka ku Yeluselemi vamosi ye Benaba, yanatumuna mpe titio. ² Mono ngia tombuka kuna mu diambu dia mbonokono ya Nzambi ya ya nzayisa mu kuenda ko. Mono ngia ku azayisa nsamu wumbote wu ngi mwangisanga vo kati kua alembelo kala ayudayo, kansi ngia mokana mpe va lueka ye antu wowo atunda atuadisanga nsi. Mono ngia zola kala wa kuikama mu lembua zazawula, evo nanga vo zawudi mu mpambu. ³ Ye mbosi Titio muwisi Helene wazietelenge yame, kakomununua mu zengua ko. ⁴ Mpeleko zimpangi zambi zafilwa mu kinsueki mu kuiza neka kimpuanza kieto kiakala yeto mu Klisto Yisu. Akala zolanga akutu kitula zinkole za nsiku. ⁵ Katua ku ayambidila dio kani fi ntangu ko, kidi vo kedika kia nsamu wa mbote kiakala kialembua tienzua mu yeno. ⁶ Kansi kwa wowo antu avovila vo ena mintuadisi ka akundatina kani lekua ko. Wowo wu akadila kienina wo mfumu ko. Nzambi katalanga zizi ko. ⁷ Yawu ayiza zayidila vo mono ngia bokulua kua Nzambi mu mwangisa nsamu wambote kua alembolo zengua, konso kaka wukavanina mbebe kua Petelo mu samuna nsamu wambote kua azengua. ⁸ Kadi Nzambi yoyo imosi yasadila kintumwa kia Petelo kwa azengua yasadila mpe mono mu alembolo ayudayo. ⁹ Mu ntangu ayiza zaya nlemvo a Nzambi wowo wu yavewa, Yakobi, Petelo ye Yoani wowo wzayakana wonso makunzi ma Dibundu, akutu vana mbote ya koko kua lubakala, kua Banaba ye kua mono, mu sinsu kia ntambudulua, mpasi kaka vo tuenda kwa alembelo ayudayo, ye yau kua wonsono ena azengua. ¹⁰ Yau akutu bomba mpe mu bambukila amputu moyo, diodio di ngienina mpwila mu vanga. ¹¹ Mu ntangu Petelo kayiza ku mbanza Antioka, mono ngia nsemba va ntadisi ya awonso diambu dia yani wakala wa bela. ¹² Tekila antu ankaka akala afilua kua Yakobi aluaka, Petelo wa didingi va mosi ye alembolo ayudayo. Kansi antu ana vo ayiza luaka, yani wayambula, ye wafila nima kua alembolo ayudayo, mu diambu dia wonga wa antu wowo azengua. ¹³ Mbosi mpe, zimpangi za ayudayo zasala akota mu fu kiokio kia disu ku nsi a lukaya yau ye Petelo, iwuna mpe Banaba watualakana mu fu kiokio kia disu ku nsi a lukaya. ¹⁴ Kansi mu ntangu yayiza bakusa vo yau ka eti landa diaka kedika kia nsamu wambote ko, ngia zayisa kua Petelo va ntadisi a yawu awonsono: ' Vo ngeye nkutu wena muisi Yuda, weti zingila mu fu bia alembolo ayudayo ye ka bonso fu bia ayudayo?" ¹⁵ Yetotuena ayudayo angutuka ye katuena akondolo ayudayo ansumuki ko, ¹⁶ Tutomene zaya vo kawumosi ko wena wa nungusua mu mavanga ma minsiku kansi mu minu mu Yisu Klisto. Yeto tuazizila mu minu mu Klisto Yisu, kidi vo tua nungusua mu minu mu Klisto ye ka mu mavanga ma nsiku ko, mu diambu ka kiela kimosi nkutu ko kilenda nungusua mu mavanga ma minsiku. ¹⁷ Kansi vo mu ntangu tueti tomba Nzambi kidivo kakutu nungisa mu Klisto, tueti moneka yeto mosi asumuki, Klisto nga weka yani mosi sielo kia masumu e? Ve kawowo ko? ¹⁸ Kadi vo ngitunganga nsadulu a nsiku diaka, tuka mu nsadulu i ngia tulula kisonga mono mosi vo ngiena ntuludi a nsiku. ¹⁹ Muna nsiku mono ngiafwa mu nsiku kidi vo ngia zinga mu Nzambi. ²⁰ Mono ngia komua va kulunsi ye Yisu. Ka mono ko ngia zinganga, kansi Klisto wuzinganga mu mono, ye zingu ki ngieti zinga wawu muna nsuni, ndiena wakunsola ye wakivana yani mosi mu mono. ²¹ Mono kieti losa nlemvo wa Nzambi ko, kadi vo lunungi luatuka mu nsiku, wana Klisto wafua mu mpemba