¹ Petolo, ntumua Yisu Klisto, kua azenza ena amuanga, kua asolua, ku Ponto, ku Ngalati, ku Kapedokia, ku Asia ye ku Bitinia. ² Wonso wena nzayilu ya kivitila ya Nzambi tata, yabiekua kua mpeve, mu tumama ye mu mbuangusulu a menga ma Yisu Klisto. Bika nlemvo wakala yeno ye bika luvuvamu lua sampa. ⁴ Bika Nzambi ye tata, se dia mfumu eto Yisu Klisto kasakumunua. Mu nkenda zani zayingi, watuvana mbutuka ya mfulukulu a Yisu klisto mu bafua. ³ Diadi i difua ka dina fukila ko, ka diena beba ko, ka diena lengila ko. Diawu dia kubukulua mu mazulu. ⁵ Nuena nua suaka kua lendo kia Nzambi mu nzila ya minu, mu mpilusu yena ya songua mu ntangu a zinunina. ⁶ Nueti yangalala mu momo, evo diena nkinzi kua yeno mu mana kiadi mu ntotolo za mpila mu mpila. Momo mena kidi minu kia tontua, minu kiokio kilutidi beni wola mu ntalu, wowo wu fukilanga evo wusukulu mu tiya. ⁷ Momo mama mena kidi minu kieno kia tambula ndandu ya nsikulu, nkembo ye nzitusu mu nzila Yisu Klisto. ⁸ Ka nuan mona ko kansi nueti kun zola. Wawu, kan nueti kum mona ko kansi nu kuikidi mu yani ye muzele kua kese kiakio kakilendi tezukusua ko ye kia nkembo. ⁹ Wawu, mu tambula wonso ndandu ya minu kieno, mpulusu ya mioyo mieno. ¹⁰ Mpulusu yoyo ye nlemvo wawo nua kubukulua, yanata ntombokolo ye mfimpulu kua zingunza. ¹² Atomba mu zola mu nkumbu a nani ye nki a avovisanga. Mamo makala lutangu vo ka kala kuyi kambilanga zungu za Klisto ye minkembo miena landa ku nima. ¹¹ Wa asompa vo ka asala yau beni ko, kansi yeno, va avova mambu ma nueti kamba wawu kua awo eti kunu longa nsamu a mbote mu mpeve a nlongo ya fidisua tuka ku kuluzo (mambu momo zi mbangi z kalanga mpuila mu mona). ¹³ Idina, nu kala nua kubama. Nu kala nua kondua lusembo. Nu kala ye vuvu kia lunga mu nlemvo wu nuena natunua mu ngiza Yisu Klisto. ¹⁴ Wonso ana antumami, ka nu dedakanani ye mpila zi nua kala londakananga va nuakala mu kibulu ko. ¹⁵ Kansi wonso ndioyo wa nubokila wena wanlongo, yeno mpe, nu kala anlongo mu nkadulu eno yayo. ¹⁶ Kadi dia sonama: "Nukala anlongo, kadi mono mosi ngiena wanlongo". ¹⁷ Ye vo nubokele " Tata" ndiona wu fundisanga kondua kua ntalu a zizi ye wonso wena salukia konso muntu, nu viokisa ntangu mu nzietolo eno mu kum vumina. ¹⁸ Nu zeyi vo ka nu mbonga evo mu wola u fukilanga ko nua sumbulua mu nkandulu evo ya kondua salu yi nua sumbulua mu nkadilu evo ya kondua salu yi nua longuka kua ma se meno. ¹⁹ Nkutu eti, nua sumbua mu menga ma ntalu ma Klisto mena wonso muana meme wakondua kieta ye wa kondua tona. ²⁰ Klisto wa salua tekila nza ya semua, kansi wawu, mu ntangu yayi, a kuna songele yani. ²¹ Nu sanga vuvu mu Nzambi, mu nzila ani wam fulukisa mu bafua ye wom vana nkembo kidi minu kieno ye vuvu kieno bia sikila mu yani. ²² Nua kitula miela mino mia vedila, mu ntumumunu mu mambu makedi. Mau ma vangama mu zola kua kimpangi ye kua kedika, nu zolana beni yeno ye yeno wuna nuena mu ntima wawo. ²³ Nua wutuka diaka ngutukulu ya mona, ka mu mbongo yayo yi fukilanga ko, kansi mu mbongo yayo yi lembua fukilanga mu nzila ya mambu ma moyo ye ma Nzambi momo ma tatamananga. ²⁴ Kadi "nsuni wawo wufuanane ye tit, ye nkembo wawo wufuanane ye folo ya titi. Titi ki yumanga ye fofolo ki buanga, ²⁵ Kansi mambu ma Nzambi ma sikilnga ntangu zazo". I nsamu wambote wu nua zayikusua.