¹ Nulosa mambi mamonsono, luvunu lualo, disu ku nsi a lukaya, nzinunu ye mpovolo zambi za zonsono. ² Wonso ana a nsua, azolanga mamvumina ma mpeve ye mavedila mpasi vo mu mau nuna kulo mu mpulusu, ³ Vonua bimba vo mfumu wena wambote. ⁴ Nuiza kua yani wena tadi dia moyo dia losua kua antu, kadi diawu dia solua kua Nzambi ye diawu diantalu kua yani. ⁵ Mpila mosi mpe yeno, wonso matadi mamoyo momo masiamusua mu kala nzo yakimpeve, mpasi vo wakala nganga ya Nzambi yoyo yivananga nkayilu mia mpeve miatondakana kua Nzambi mu nzila ya Yisu klisto. ⁷ Nzitusu wena kaka kua yeno nua kukila kadi «Tadi diodio dia losua kua mintungi, diawu diakituka dia lutila mfumu va konko», ⁸ Ye,«Tadi dianteso a sakuba ye tedi dia nsoni». Akusu kongo akolomonanga mambu ma Nzambi, kadi wowo a silua. ⁹ Kansi, yeno nuena kanda dia solua, nganga ya Nzambi ya kitinu, nkangu a nlongo, kandu divuila kua Nzambi, kidi nua samunanga mawonga mani mambote ma ndiena waku nukatula mu tombe ye kununata ku kia kuani kua ntoto. ¹⁰ Mu ntoma, ko nukala nu antu ko, kansi wau nua yika anu a Nzambi. Kanua tombula nlemvo, kansi wau nua tambula nlemvo ¹¹ Nu akiazolua, ngieti kunu zayisa wonso a nzenza ye nkibi mu lendua kala ye nzinunu za nsuni zitulanga kitantu kua miela miena. ¹² Nukala nkadilu ya mbote vakati kua apaganu kidi yau eti kunu vivila vo yeno nuvanganga mambu mambi, alenda tala nsadulu zeno za mbote ye sanisini Nzambi mu lumbu kia ngizulu ani. ¹³ Nutumama mu tuyalu tuato tua nsi mu diambu dia mfumu, nutumamana vovo fulukua ntima wa zanzana, ¹⁴ Ye diaka kua a nguala wowo a filua mu vana tumbu kua mimvangi mia mambi ye sika wowo avanganga mambote. ¹⁵ Kadi i luzolo lua Nzambi vonueti vanga mambote, nueti kanga minua mia antu akondolo mabanza ema ye mpova za wowo a kondolo nzayilu. ¹⁶ Wonso antu ena kimpuanza, kimpuanza kiena kakikadi suamunu mu mambi ko, kansi nukala wonso isadi ya Nzambi. ¹⁷ Zilisa awonsono, nuzola zimpangi, nuvumina Nzambi, nuzitisa ntinu. ¹⁸ Yisielo, lemvukeno kua mfumuzeno mu luzitu lualonsono, lemvukeno ka kua mfumu zeno kaka ko kansi ena ambote ye alembana, kansi diaka kua wowo ena ambi. ¹⁹ Kadi diadi i nlemvo, vo muntu weti lungua kuama, weti mona mpasi za kondua kua lunungu mu diambu dia konsansa kiani mu Nzambi. ²⁰ Kadi nkia nzitusu wena mu tombuka tumbu mu diambu dia masumu? kansi vo nuvengi mambote ye vo nuana mu mpasi ntangu nuena mutumbu, inzitusu va ntadisi a Nzambi ²² Kadi i diodio nua bokudulua, kadi Klisto mpe wamona mpasi mu yeto, yani wanusisila kifuani mpasi tua lomba yitambi yano. ²¹ Yani kavola ko sumu diadi ko, ka dimosi dia makutu diavayika mu nuani ko. Va kakala fingua ngua, yani kavutula kifingu ko. ²³ Va kalungua kuani kanuanisa ko muntu ko, kansi wakuyi vana kua mfundusi wowo walunungu. ²⁴ Yani wanata masumu meto munitu ani vana nti, mpasi vo katu vutukani vola masumu ko ye tua kala moyo mu lunungu. Mu kua makuayisu ya mputu yeno nua niakisa. ²⁵ Yeno awo nuakala nua angana wonso mameme mavila. Kansi wau yena nuavutuka kua mvungi ye nkengi a miela mieno.