¹ Tuzoledi tuluzayisa, bambangi, mu mana matadidi nkembu Nzambi wumonika mu mabundu ma Makedonia. ² Muntangu nsinsani yineni yi ndiongonu bawu, kiesi kiawu kilutila ye bumputu buawu bulutidi nsuka ma buta bumbidi kimvuama ki kaya mu zola. ³ Ngina bo mbangi kadi baganina mu mbakulu zawu ye nkutu lutila mbakulu zawu. ye muluzolu luawu kibeni. ⁴ Ye mbombolo yimbidi, batulomba tubagana Malesima mambundu bakala bavukakana mu malongi mo ma baminkuikisi. ⁵ Mo kamakala mabuta mbuma ku bonsu butusididingi mawu vuvu, kansi, bakigana nteti bawu kibeni ku Mfumu,mbosi kubetu muluzolu lu Nzambi. ⁶ Buna, tulomba ku Tito kagangila kubetu mo mavanga makukabila mu zola bonsu bu kayantikila mawu. ⁷ Kansi bonsu luna baluenga mu bima biakulu mu lukuikulu, mu nzayilu, mu kukikulula ye muluzolo lubenu, bika diaka luluenga mu dio vangu dikukabila mu zola. ⁸ Kaluna lutumu ku lungita lugana. kansi, ntedi mawu mukulusonga kedika kiluzolu mu suasisa mu nkulukulu ku bankaka. ⁹ Mudiambu, luzeyi nlemvu wu Mfumu betu Yesu Klisito. kani nde wukala mvuama, wukitula wumputu mu benu mpasi nde mu bumputu buani lukuma bamvuama. ¹⁰ Muwo n'gogu, si yilugana dilongi mu kulusadisa. sigakala mvula mosi mukusuka, lugangila kaka ku kani nde kima. kansi luvuila bo luzolu lukuganga. ¹¹ Lumanisa bo bungangi. mpasi gakala diaka luzolu lumboti ye luzolu lukugangila bo, benu diaka lukuma mu ndungusulu bonsu buluna buawu bufuana. ¹² Go luna ye luzolu lugangila vangu dio, diambu dimboti ye ditambulula. difeti yantikila ga dikena ye diawu muntu mosi ye nkatu kena ye kiawu. ¹³ Kadi lutumu lo kaluna ku mu yangidika bankaka ye kulutuika zitu kimosi, kansi nkutu gakala mfuanani. ¹⁴ Nkakalakana benu yintangu tuna yilendedi kubasadisa mu mawu bena mfunu. bumosi, mpasi nde nkakalakani bawu yilenda sadisa mu bio luna mfunu ye gakala mfuanani. ¹⁵ Bonsu busonama:« yu wuvua bingi kavua bingi ku; ye yuwuvua binduelu kakondi kima ku.» ¹⁶ Nlemvu wuvutudulua ku Nzambi yu wutula mu ntima Tito luzolu lumboti lungina mubenu. ¹⁷ Kadi katambudila kaka ku ndombolu betu, kansi wukala ye kimvuzi muvanga buawu. wuyisa kubenu muluzolu luyani. ¹⁸ Tumfidisa ye mpangi yu mabundu makulu mazitisanga mukisalu kimbuangusulu nsamu wumboti. ¹⁹ Lutila, wusoluka diaka ku mabundu musala nkangulu ye betu muganga vangu dina dimavanga mamboti. mawu mudiambu dinkembu Mfumu yani kibeni, ye luzolu lubetu musadisa. ²⁰ Tuta lemuka mvuilu, nde yu wumosi katusunguni mutadila lukabu lukukabila kuzola luawu tuta kutika bungangi. ²¹ Mubunketi tuta ganga mamena maluzitu, nkatu kaka ga ntuala Mfumu, kansi diaka ga ntuala bantu. ²² Tuta fidisa diaka mpangi yinkaka ye bawu. tumfimpa bufuana ye tumona wuna yaki yaki mu bisalu bimbidi. ye bungangi, wuna diaka wutoma kikulula mudiambu divuvu kineni kina kubenu. ²³ Muntangu Tito, wuna mosi ngikakani munu ye nkundi munu mu mambu ma mavanga mubenu. mukuma ki bampangi, bafidusua ku mabundu. bena ye nzitusu mu Klisito. ²⁴ Buna lubasonga luzolu lubenu, ye lusonga ku mabundu ndungunu yi nto betu mukuma kibenu.