Bampangi bamu bazolua, bukina nde tuna ye nsilulu, tukivedidisa mu makulu mena masumu nitu zibetu ye mpevi. tulandidila kilongu mu wonga wu Nzambi. ² Lutumuena kifulu kimosi! katuvuidi nkanu muntu ku. ka tuluekedi muntu ku kani baka ndandu yibonsu buna. ³ Kabua ku nde mukulubedisa nteledi mo. kadi yitedi ntama nde luvuidi kifulu mu mintima mietu; musa nde tuzinga ata mpi nde tufua kumosi. ⁴ Ngina ye vuvu kineni mubenu ye ngina ntoku mubenu. ⁵ Ntangu tuyisa mu Makedonia, nitu zibetu kazivunda ku. mu mbangumukunu, tukala bakuamusua mu mpila zakulu zi minzonza ku nzila ye baka mukati. ⁶ Kansi Nzambi uyikanga ngolu bakulu bawu balebakeni wutuyika ngolu mu nduakulu Tito. ⁷ Kamunduakulu yani ku kaka go Nzambi utuyika ngolu. ye mu diaka mu ngikulu ngolu yina Tito katambula kubenu. wutuzayisa mu luzolu lubenu luneni, mu ngindumunu zibenu ye mukati kindandu yibenu mu munu. buna, ntomeni botoma yangalala kibeni. ⁸ Kaba buna nkanda munu wutomeni lumuesa kiadi, ka bungengi mpasi ku kuntima. kansi bungengi mpasi ku ntima ntangu yimbueni nde wulungeni mpasi mu ntima. kansi lugangulu mpasi mu mintima bufueni fintangu. ⁹ Bungangi ngita yangalala kabua ku mudiambu nde lukala kiadi, kansi nde kiadi kibenu kitukidi mu benu kukisumba, lukedi ye ketu lu kinlongu, buna, kalukedi nkutu mu mfuilu ku mu kuma kibetu. ¹⁰ Kadi ketu mosi yinlongu, yinatanga kukisumbula yi tualanga ku mpulusu yikondua kiadi. mu makulu, ketu yi munza yinatanga lufua. ¹¹ Lutala bue nkubumunu yineni yi ketu yinlongu yitukidi mubenu. bue yo nkubumunu yineni yisongedi nde lukala bakonda zaya. bue bukadila kukiyina kuenu kukuneni, bonga bubenu, mpuila zibenu, mu kimfuzi kibenu ye luzolu lubenu mu mona nde nzengolu yikala. mu biakulu , lukimueneni benu kibeni nde lukala bakonda zaya mu mambu momo. ¹² Kala buna nde yilusonekeni, kisonekeni mukuma ki yugangila bumbi, kani muyu mueni mpasi zimambi. nsonekeni mpasi nde nkala benu yi lemfuka mu benu yilumonukusua ga ntuala Nzambi. ¹³ Mudiawu tulugeni bunkabu. lutila, mu nganunu yibetu ngolu,tuta kiyangidika diaka lutila mukuma ki kiesi ki Tito, kadi mpevi yani yikala yivuvama ku benukulu. ¹⁴ Kadi go yinkintumpikidi mubenu, ka yifuluku ku mansoni. mu mbangumukunu, bumosi mu makulu ma tulutela makala makedika, ntumpukulu yibetu mubenu luna diaka luneni, muntangu yikabambuka moyu ntumunu benu ye bue lutambudila ye bunkuta ye zakama. ¹⁵ Luzolu luyani mubenu luna diaka luneni, muntangu yikabambukanga moyu ntumumunu benu ye bue luntambudila ye bunkuta ye zakama. ¹⁶ Ngita yangalala mudiambu ngina ye vuvu kilunga mu benu.