¹ Muna lumbu kina, Yesu wu katuka mu nzo yina kakesi longilanga ye wu yenda vuanda gana ndambu mbu. ² Ndonga bantu yi mbidi yi nzuingidila ye yani wu yenda muna masuwa ye wu vuanda muna. Ndonga bantu yakulu yi telama ku simu. ³ Buna Yesu wu batela mambu mambidi mu bingana. Yani wu goga : " Lutala nkuni mosi wu yenda mu ku kuna. ⁴ Mu ntangu kakesi kunanga, nkeni zi bua mu lueka lu nzila. Nuni zi yisa ye ba dia zo. ⁵ Nkeni zi nkaka zi buila ga bifulu kikala mataadi ye fi ntotu fi nduelu. mu diambu ntotu ka wukala wu mbidi ku. ⁶ Kansi ntangu buyituka, nti miya kadi ka mikala ye miansi ku, ye miyuma. ⁷ Nkeni zi nkaka zi bua gakati ku nsendi. Nsendi bu ziyela zi fietikisa mio. ⁸ Nkeni zi nkaka zi buila ga ntotu mboti ye zibuta nkeni, zi nkanka lutila nkama, zi nkaka makuma sambanu ye zi nkaka makuma tatu. ⁹ Bika yu wena ye makutu kawa." ¹⁰ Minlonguki bayisa ku Yesu ye ba goga : " Mu nki diambu ta goyila ku ndonga bantu mu bingana?" ¹¹ Yesu wu ba vutudila ye wu ta : " Ku benu, ba geni nzila mu kuzaya ma nsueki ma kimfumu ki ma zulu, kansi mana ka maganua ku bawu ku. ¹² Kadi ku yuna ye biawu, si ba gana binkaka kulutila, mpasi yani ka kala ye biawu bifuana, kansi ku yuna kena ye bio ku, si ba kiona kani kina kiena yani. ¹³ Mu dina monu yi ba teledi mu bingana, kadi kani bawu ba mueni, ka bata toma mona ku, ye kani bawu ba widi, ka bata toma waku kibeni, ye kaba ta bakisa kima kimosi nkutu ku. ¹⁴ Ye mu diambu di bawu mambu ma goga ntinu Esayi ma lungana : " Benu si luwa kansi ka si lubakisa ku, ye benu si lumona kansi ka si lusiamina ku. ¹⁵ Kadi ntima mi bantu bobuka misala ye luzingu ku, makutu wawu makumini ma bangamo mu kuwa, ye bawu bakengi mesu mawu mpasi ka bamona ku, kani makutu mawu mpasi ka bawa ku, kani ntima mia wu mpasi ka bazaya ku, mubunkuta ngatu balendi kuisa vutuka ye monu kisi kiba belusa diaka ku." ¹⁶ Bika mayangi makala ku mesu menu kadi mata mona, ye ku makutu menu kadi mata wa. ¹⁷ Mu kiedika, mono yi luteledi, mi mbukudi mi mbidi ye ba nkua lunungu bambidi bazola bamona mambu momu luta mona benu, kansi ka ba mona mo ku, ye bazola ba wa mambu momu luta wa benu, kansi ka ba wa moku. ¹⁸ Yi dina luwa kibeni kingana ki nkuni mboti. ¹⁹ Kansi ntangu muntu ka widi mambu ma kimfumu ye ka ta mo bakisa ku, buna nkua ntima mbi si kesa ye yiba bina bakuna mu ntima ani. Yi kifuani ki nkeni zi bua mu ndambu zi nzila. ²⁰ Nkeni zi zibua ga kifulu matadi, yi muntu wu wanga mambu ma Nzambi ye tambueledi mo muna ntangu yina ye kiesi, ²¹ ye kondu ku miansi ye mavondanga fi ntangu fi nduelu. Mu ntangu mpasi ye nkuamusu zikuisanga u diambu di mambu ma Nzambi, muna ntangu yina bawu ba sansabananga . ²² Nkeni zi bua ga kati ki nsedi, yi muntu wu wanga mambu ma Nzambi kansi biesi bi nza ye kiadi ki ki mvuama ki fietikisanga mambu ma Nzambi, ye ka mabutanga mbutu ku. ²³ Nkeni zi zi bua ga ntotu mboti, yi muntu widi mambu ma Nzambi ye bakesi mo; yi muntu mukiedika wu butanga mbutu ye wu kunanga mio; bankaka nkumbu nkama ye nkama, ba nkanka nkumbu makuma tatu, ye wu yidikilanga mio."