¹ Muna nsungi yina, Yesu wu kesi lutaanga masodi makala ye mbongu lumbu ki lumingu. Milonguki miani bakala ye nsatu ye ba yantika gela nkeni ye dia. ² Kansi ba falisi bu bamona mana, bawu basauna kuYesu : " Tala! milonguki miaku ba tasala mambu mana mena nde nsiku ka tumini ku mu lumbu ki lumingu." ³ Kansi Yesu wu bateledi : " Keti benu ka lutengieti ku mambu ma sala Davidi bu ka kala yo nsatu, yani ye bantu ba bakala yani? ⁴ Bueyi kakotila muna nzo Nzambi ye dia mampa masakumunua, ma makala ma nsiku ku yani muku dia ye makala nsiku ku bantu bakala yani, kansi makala kaka ye luve ku ba nganga zi Nzambi kaka? ⁵ Ye keti benu ka lutanga mu nsiku nde, mu lumbu ki lumingu, ba nganga zi Nzambi ba sumunanga nzozi Nzambi mu lumbu kilumingu kansi ka banatanga nkanu ku? ⁶ Kansi monu yi luteledi nde muntu yu lutidi nzo Nzambi mu bu neni wena gaga. ⁷ Go benu luzaya nsasa . " Monu yi zolanga nlemfu kansi ka kayilu mu ngioka ku " nga benu kalukadi bedisa bantu ka baneti mambu ku. ⁸ Kadi Muana Muntu wena Mfumu yi ki lumingu. ⁹ Buna Yesu wu katuka kuna ye wu kota mu nzo tukutakanu. ¹⁰ Tala, muna mukala muntu wu kala ye koku kutanda. ba falisi ba yu fula ku Yesu mu kugoga : " Keti kuena bu fuana mu ku belusa muntu u lumbu ki lumingu?" Bawu bayula ba yufula mana mpasi ba mfunda mu masumu. ¹¹ Yesu wu batela : " Nki muntu wena ga kati kibenu, yu wena kaka ye memi dimosi ye memi dina di buidi mu bulu di nda mu ki lumbu ki lumingu, si ka baka dio ku ye tukisa dio muna? ¹² Tala bueyi muntu ka lutidi mfunu ye memi? Yi dina, diena di fuana mukusala ma mboti mu lumbu bi lumingu." ¹³ Buna Yesu wu ta ku muntu yuna : " Lambula koku kuaku !" Yani wu lambula ye kuko ku beluka, bonsu koku kuna ku nkanka! ¹⁴ Kansi bafalisi ba tuka ye ba yendila fongu. Bawu bakesi sosanga bueyi balendi ku gondila. ¹⁵ Yesu bu ka zaya mana, yani wu katuka kuna. Bantu ba mbidi ba nlanda ye yani wu ba belusa bakulu. ¹⁶ Yani wu ba kanikina Mpasi ka ba zayisa ku bantu ba nkaka ku, ¹⁷ mpasi nde ma magoga Ezayi mbikudi malungana : ¹⁸ " Tala kisadi kiamu yiyisola, nzola kani amu mu yani muela amu wu kalanga kiesi. Monu si yi tula Mpefi amu muyani ye yani si kasamuna mfundusu ku ba pakanu. ¹⁹ Yani kasi ka yumana ku kani ku kaya ye muntu ka si ka waku ndingani mu nzila. ²⁰ Yani kasi kolula kani tutu dimosi ku, yani ka sika zima nsinga muinda mosi ku wu ta tukisa muisi, na te ye buna mfundusu lunungu si yi manisina. ²¹ Buna ba pakanu si bakala ye luzolo mu nkumbu ani." ²² Kunima, muntu wu kala mu mesu mafua wu kala baba, wu kala ye mpefi zi mbi, wu natua ku Yesu. Yani wu mbelusa na te baba wu yantika goga ye wu yantika mu kumona. ²³ Ndonga bantu yakulu yi yangalala ye bagoga : " Bulendi kala nde muntu yoyu yi muana Davidi? " ²⁴ Kansi ba fadisi bu bawa masifi momu, bawu basamuna : " Muntu yoyu ta kula matebu mu ngolu zi Belesebuli, mfumu matebu." ²⁵ Kansi Yesu buka zaya ngindu zawu wu batela : " Kionsi kimfumu kikabeni mu kikuma kikintantu si ki gambuana ye bungua, ye bonsu mbansa kani nzo yi gambeni ka yilendi kala ku. ²⁶ Go satana kudidi satana, yani ta kikabula yani kibani. Bueyi kimfumu kiani si kizingila? ²⁷ Ye go munu nt kula matebu mu ngolu zi Belesebuli, mu nani ba takulanga batakudila mo? Mu diambu dina, bawu si bakala nfundidi mienu. ²⁸ Kansi go monu nta nkula matebu mu mpefi Nzambi, buna bimfumu ki Nzambi kiena ga kati ye benu. ²⁹ Ye bueyi muntu kalendi kotila mu nzo yi muntu wena ye ngolu ye yiba bima biani biakulu kondu kukanga nsinga nteti muntu ngolu. ³⁰ Buna, kunuma yani si kayiba bima bi nzo ani. Yuna kena ye monu ku wena ye kitandy ye monu ye yuna kata kutakasa ku ye monu ta muangasa. ³¹ Yidina,monu yi luteledi, bonsu disumu ye mvuesulu bantu si balemfukila bio, kani mvuesulu yi Mpefi kasi yi lemfukulua ku. ³² Ye yonsu muntu gogedi diambu di mosi di ngambusu ye Muana Muntu, mana si banlemfukila. Kansi yuna si wu goga mu gambala ye pefi Nlongo, dina kadiledi kala dilamfu ku ku yani kani ga ntotu wuwu, kani mu ntangu yi kuisa. ³³ Luyidika nti mboti ye mbutu miani mi mboti, go nkatu lu yidika nti mbi ye mbutu miani mi mbi. Kadi nti wu zaya kananga mu mbutu ani. ³⁴ Benu, kanda di bingansi, ba nkua ngansi luena, bueyi lulendi goyila mambu mamboti? Kadi ma matebanga ku ntima ma kagoganga nua. ³⁵ Ye monu yi luteledi mu lumbu ki mfundusu, bantu si badedikisa mu bonsu gowu mpamba mina ba goga. ³⁶ Ye monu yi luteledi mu lumbu ki mfundusu, bantu si ba dedikisa mu bonsu gowu mpamba mina ba goga. ³⁷ Kadi muna gogu mienu, mu si ba lunungisina ye muna gogu mienu si lubedusulua. ³⁸ Buna, Nsoniki minkaka ye bafalisi ba vutuka ku Yesu ye ba goga : " Nlongi, betu tuzoledi tumona bidimbu kitukidi ku ngeyi." ³⁹ Kansi Yesu wu vutula ye wu ta ku bawu : " Mbandu, mbi ye yi yanga ki mesu ki dimbu kata sosa . Kansi ka kidimbu ki mosi ku kakendi gana kuyani go ka kidimbu ki Yona mbukudi ku. ⁴⁰ Kadi bonsu Yona kasala bilumbu bitatu ye mpimpa tatu muna kivumu ki mbisi yi nene, yi buna diaka Muana Muntu sikasala bilumbu bitatu ye mpimpa tatu mu kati ki ntotu. ⁴² Ntinu nkentu wu tuka ku ndambu Sudi si katelama mu lumbu ki mfundusu ye bantu ba mbandu yina ye si ka babedisa. Yani wuvutuka ku nsuka ntotu mu ku wa nduengusu zi Salamoni mu buneni. ⁴³ Mu ntangu mpefi mbi yitukanga mu muntu, yawu yi futilanga mu bifulu ka bikalanga ye masa kuyezisosanga kifulu ki zi lendi vundila, kansi ka zimonanga bio ku. ⁴⁴ Buna yani wu goga : " Monu si yivutuka muna nzo amu yi yitukudi. Bu kavutuka, yani wuna nde nzo yina basukula yo ye ba toma yo kubika. ⁴⁵ Buna zi yenda ye zi baka mpefi nsambuadi zi nkanka zi lutila yani mu bu mbi, ye bakulu bayisa diaka mu ku zingila muna. Buna nkadulu zi nteti zi muntu yoyu si zikuma zi mbi kibeni landila mu nteti. Buna busibu kadila mu mbandu yoyu yi mbi." ⁴⁶ Mu ntngu Yesu kakesi go ganga ku ndonga bantu, tala, ngudi ani ye mpangi zani batelamu ku nzila, bakesi zolanga bo goyisa. ⁴⁷ Muntu mosi wu teledi : " Tala, ngudi aku ye ba mpangi zaku kuna nzila bena ye ba tazola ba kugoyisa." ⁴⁸ Kansi Yesu wu vutula ye wu ta kuyuna wu ntela : " Nani wena ngudi amu? Ye banani bena ba mpangi bamu?" ⁴⁹ kunima, yani wu lambula koku kulueka kukala minlonguki miani ye wu ta : " Lutala, gaga gena ngudi amu ye ba mpangi zamu! ⁵⁰ Kadi yonsu yuna wusalanga luzolu lu se diamu wena mu mazulu, muntu yuna wena mpangi wu yakala, ye mpangi amu wu nkentu, ye ngudi amu."