¹ Betu tuzoledi songa kubenu, ba mpangi, mumama nlemfu Nzambi wumonika mu zinzo za Nzambi zi Makadoni. ² Mu ntangu ntontolu zi ngolu mu kititu kiawu, kiesi kiawu kilutila ye bu mputu buawu bu ngolu bu buta bi mvuama bi ngolu. ³ Mnu ngiena mpangi kadi bawu ba gana kikesa biawu,ye nkutu balutila kikesa kiawu .Ye luzolu lu bawu kibeni. ⁵ Mu tusambulu tumbidi, bawu ba tulomba mpasi nde tu batambudila bakala kintuadi mu kisalu ki ba nlongu. ⁴ Momu kamasalama ku bonsu tuzodila betu, kansi bawu nteti ba kigana bawu kibeni kua Mfumu, kunima bakigana kua betu mu luzolu lua Nzambi. ⁶ Buna betu tua lomba kua Tito mpasi nde kalungisa nlemfu gogu kua benu bonsu bu bayantikila. ⁷ Kansi bonsu bu lusadilanga makulu mu minu, mu magogu,mu mbakusulu,mu kimfusi kiakulu ye mu zola kuena ku betu, lutala diaka mpasi lukala mu nlemfu gogu diaka. ⁸ Kilugeni nsiku ku, kansi go ntedi monu musa nde yisonga zola kuenu kua kiedika ku suasasa ye mbakusulu zi ba nkaka. ⁹ Munkala, benu luzeyi nlemfu wu Mfumu etu Yesu Klistu. Kansi nde yani wukala mvuama, wukitula mputu mu diambu dibeni musa nde mu kimputu kiani benu lukuma ba mvuama. ¹¹ Mu diambu dina, monu yi lugeni malongi musa nde yi lusadisa. Ya lutidi mvula mosi; benu luyantika mu sala kansi benu lukala ye luzolu mu kusala kio. ¹⁰ Lumanisa musala kio bubu. mpasi luzolu lumboti lukala diaka ye ngindu zi kusala kio, benu diaka luisa mu bukiena nde benu luena mfunu. ¹² Go benu luena ye luzolu musala kio kisalu, yi diambu dimboti ye tutambuluedi. Difueti kala dimboti mu kima ki kavuidi muntu kansi mu kima kavuidi ku. ¹³ Kadi kisalu kioki kiakiena muku muesa ba nkaka kiesi ku ye tula bizitu, kansi mpasi nde tu fuanana. ¹⁴ Mvuilu enu yi ntangu yiyi yi lendi ku ba sadisa mpila mosi bonsu mvuilu awu yi lendi mpi ku lusadisa ye mpasi nde nfuanana yikala. ¹⁵ Bonsu busonama : " Yuna wukala ye bimbidi kakala ye kima kilutila ku; ye yuna wukala yi binduelu ka kondua kima ku." ¹⁶ Bika nlemfu wukala ku Nzambi yu wutula mu ntima Tito luzolu lu mboti lu luena ku monu mu diambu di benu. ¹⁷ Kadi yani katambudila kaka ndombolu yi betuku, kansi yani wukala diaka ya kiese kimbidi mu kusala kio. Yani wuyisa ku benu mu luzolu luyani kibeni. ¹⁸ Betu tua mfila ye mpangi yu bagananga luzitu kua ma bundu makulu mudiambu di kisalu kiani ki kumuangasa nsamu wa mboti. ¹⁹ Landila, yani wusolua diaka kua mabundu mu sa nde tulenga yani mpasi kalungisa bisalu bia boti. Momu mudiambu di nkembu Mfumu yani kibeni, ye luzolu luetu mu kusadisa. ²⁰ Betu tueti kikeba, musa nde muntu nsebolu mudiambu du nkayilu wu kiesi wu tuta baka. ²¹ Betu tueti sa kimfusi mu sala mana ma luzitu, ka ga ntuala Mfumu kaka ku, kansi ye ga ntuala bantu. ²² Betu tufididi mpangi nkaka ye bawu. Betu tutomeni ku nlandila ye tumueni nde wena wu yangalala mu bisalu bi mbidi. Ye bubu, yani wena diaka ye kimfusi mu diambu di kivuvu ki mbidi ki kasanga mu benu. ²³ Mu diambu di Tito, yani wena ntuadi ye monu ye nkundi amu wu kisalu mudiambu di benu. Mudiambu di bampangi betu, bawu bafidisua kua mabundu. Bawu bena ba nkua luzitu mudiambu di Klistu. ²⁴ Yidina lusonga kua bawu luzolu luenu, ye lusonga kua mabundu mfunu kiesi kietu mu diambu di benu.