² Lutusosila betu kifulu! Betu katusadidi mambi kua muntu ku. Betu katuluekedi muntu ku kani kubaka kima ki konsu muntu. ³ Ka mudiambu di kulubedisa ku yi teledi momu. Kadi yiluzayisa nteti nde benu luena mu ntima mietu; mpasi nde tuzinga kani nde tufua kintuadi. ⁴ Monu ngiena ye kivuvu ki neni mu benu ye monu ngiena ye kiesi mu benu. Monu ngiena wufuluka ye kiesi kani mu mpasi zetu zakulu. ⁵ Mu ntangu betu tukuma ku Masedoni, nitu zetu kazi vunda ku. Nkutu, ba tukuamisa mu nkala zakulu mu mvita ku nzila ye bunkuta ku kati. ⁶ Kansi Nzambi yu wu siamisanga ba bakondolu kikesa wu tu siamisa mu nduakulu yi Tito. ⁷ Ka mudiambu di nduakulu ani ku, Nzambi katu siamisa. Yi mudiambu di kikesa kibk Tito kua benu. Yani wutuzayisa nsiamusunu zenu zi ngolu, mu kiniongi kienu ye mu nluta mienu mi ngolu mu monu. Mu dina, monu yitoma yangalala bufuana. ⁸ Kani vo nkanda amu wu lumuesa kiadi, monu ki nionga ku. Kansi monu yi nionga kaka mu ntngu yi mona nde wawu wu lugana kiadi. Kansi benu lumuesua kiadi kaka mu fi ntangu. ⁹ Bubu, monu ngiena ye kiesi ka mudiambu di saku nde benu lua muesua kiadi, kansi mudiambu kiadi kienu ki butidi mu benu mvilulu ya minu. Benu lumueni kiadi, kansi, kalubakidi mfuilu mosi ku mu diambu di betu. ¹⁰ Kadi kiadi kiokio kinatanga mvilulu ya minu yi yikutunatanga ku luvulusu kondu kua kiadi kimosi. Kansi kiadi kia nza kinatanga lufua. ¹¹ Lutala nki mpila kiadi kimonika mu benu. Bueyi bukadila kikesa kienu mu kusonga nde benu kaluena mu nkanu ku. Bueyi bukadila kimfusi kienu, bu nkuta buenu, nsatu zenu, nkala zenu, ye mabnsa menu mu mona nde nsambusulu yikala ! Mu mambu makulu, benu lusonga mu benu kibeni nde ka luzeyi mambu ku mu mfundu gogu. ¹² Kala buna yi lusonikina , kisonika mudiambu di yani wasala bu mbi ku, kani mu diambu di yani gu mona mpasi mu mambi ku. Monu yisonika mpasi nde nkadulu zenu zikiedika mu betu zi monika ga ntuala Nzambi. ¹³ Yi mu dina betu tuena ye kikesa. Ye diaka, mu nlombolu zetu, betu tuta yangalala diaka bu mbidi mudiambu dia kiesi kia Tito, kadi mpefi ani yi vondusua ku benu. ¹⁴ Kadi go monu yisa kimvuni mudiambu di benu, monu kikala ye nsoniki ku. Nkutu, bonsu mana tu lutela betu makala makiedika, kimvuni kibetu mudiambu di benu ku Tito ki monika nde kikiedika. ¹⁵ Zola kuani ku benu kuena diaka ku eni, u ntangu yani ka bambukanga mu ntumunu zenu ye bonsu bulua tambudila mu bu nkuta ye ku kititila. ¹⁶ Monu ngiangaledi kadi ngiena ye kivuvu kibeni mu benu.