¹ Yi dina, betu butuena ye kisalu kina ye bonsu tua bakila nkenda, betu katulendi ku kilembisaku. ² Munkala, betu tuayambula nzila zi nsoni ye zi kinsueki betu katuzingilanga mu nzila zi kinkita ku, ye katu bebisanga mambu ma nzambi ku. Kansi kusonga kiedika, betu tukifilanga betu kibeni mu nzayilu yakulu ga ntuala Nzambi. ³ Kansi go nsangu zetu zi mboti zi fikua, zawu zifikua kaka ku bawu bafuanga. ⁴ Munkala yi bawu, Nzambi yi nzayisi wu gonga pefi bawu kabakuikilaku. Mudina, bawu kabena diaka ye ngolu mu kumona ntemu wu nsangu zi mboti ku, nkembu Klistu wena kifuani ki Nzambi. ⁵ Kadi betu ka tu kilonganga betu kibeni ku, kansi Klistu-Yesu bonsu Mfumu, ye betu kibeni bonsu bisadi bi benu muzola kua Yesu. ⁶ Kadi Nzambi yani kaka yani mosi yu wata nde:" temu si wutuku ga gena mpimpa,"yewu lema mu ntima mieto, mpasi kagana ntemu wunzayilu nkembu nzambi, ga kati kintuala wu Yesu-Klistu. ⁷ Kansi betu tuena ye kimvuama kiokio mu binsu bintotu, mpasi nde tuzaya kiedika nde ngolu zi lutidi zi nani zena kua nzambi kansi ka kua betu ku. ⁸ Betu tueti kuamusua mu nkala zakulu, kansi ka tu muesesi nsoni ku. Tukalanga ye bunkuta ku. ⁹ Betu tueti kuamusua kansi katusisidiku. Betu tueti sumbua ga ntotu kansi katubebanga ku. ¹⁰ Betu tunatanga ntangu zakulu mu nitu zetu lufua lu Yesu, mpasi nde luzingu lu Yesu tu kisema mu nitu zetu. ¹¹ Betu tuena moyu, tu kukigananga ntangu zakulu mu lufua mu diambu di zola kua Yesu mpasi nde luzingu lua Yesu lu monika mu nitu zetu. ¹² Mudiambu diodio, lufua lusalanga mu betu, kansi luzingu yi luawu lusalanga mubenu. ¹³ Kansi tuena ye mpefi mosi yi lukuikulu bonsu bua sonama:"Monu ya kuikila, ye mudina ngieti goga." Betu diaka tukuikilanga,ye mudina betu tugogilanga diaka. ¹⁴ Betu tuzeyi diaka nde yuna wafutumuna Mfumu yesu si katu futumuna diaka betu ye Yesu. Betu tuzeyi nde yani si ka tunata diaka ye benu ku ntuala ani. ¹⁵ Mambu makulu mena mu diambu dibenu mpasi nde, bukina nde nlemfu wukulumuka mu diambu di bantu ba mbidi, matondu si mayikama mu nkembu Nzambi. ¹⁶ Mudina betu katulendi lemba ku. Kani nde kimuntu kietu ki kunzila ki fuanga, kimuntu kietu kikati, betu tukalanga bampa mu lumbu ka lumbu. ¹⁷ Kadi fi mpasi fi ntangu nduelu zeti kutu kubika betu mu kilu kia nkembu wukondua nsuka wulutidi kitesu kiakulu. ¹⁸ Kadi betu ka tutala bima bimonika ku, kansi mu bima bibi monikanga. Bima bionikanga biena mu fi ntangu, ye bia bika bimonika ku biena bi mvu ye mvu.