¹ Tuyantika ku kizitisa betu kibeni bubu? Katuena ye mfunu nkanda kuku ntuala benu kani nde kubenu, bonsu ban'kaka, kaluzeyikue? ² Benu luena nkanda etu wa kimbangi, wusonama mu mi ntima mietu, mizayekeni ye mitangua kua bantu bakulu. ³ Ye lueti kisonga nde benu luena nknda wu Klistu, wuganua kua betu. Wawu ba wasoma mu nti nta bu bansi mu mu mpefi Nzambi yena moyu. Wawu ka wasonama mu matadi ku, kansi mu matadi ma ntima mi bantu. ⁴ Ye lutala kivuvu kiena yetu mu Nzambi landila Klistu. ⁵ Betu katuna balunga ku mu betu kibeni mu bansila konsu konsu kima nde kitukidi kua betu. Munkala, mbansulu etu yitukidi kua Nzambi. ⁶ Yani Nzambi watufuanisa mukala bisadi bia luwawanu lua mpa. Lolu ye luwawanu kalutukanga nkanda ku kansi mu mpefi; kadi nkanda wu gondanga, kansi mpefi yigananga luzingu. ⁷ Bubu kisalu kikesi gananga lufua -bisongua mu bisonu mu matadi-bikuma mu nkembu wukala nde bana ba Yisayeli kabakesi lendanga tala kifu ki Moyisi ku. Didi mudiambu nkembu wa luse luani, nkembu mosi wukala mu ntangu nduelu. ⁸ Nga mu nki m'funu ngolu, kifueti kadila kisalu ki mpefi ki basalanga? ⁹ Kadi gokikala nde kisalu kimbedusu kiena kia nkembu, bueyi kisalu kia ndungunu kilutidi mu nkembu! ¹⁰ Mu nkala, ki kikala nteti ye mi nkembu ka kisala diaka ye mi nkembu ku, mudiambu di nkembu wu wulutila. ¹¹ Kadi go kikiena mu fi ntangu-ntangu kikala ye nkembu bueyi bukadila ngolu zi nkembu wuka wusuka ku! ¹² Butuena ye kivuvu kimpila yoyu, betu tuena ye kikesa. ¹³ Betu katuena bonsu Moyisi ku, yu wutula nledi ku kifu kiani, musa nde bana ba Yisayeli ka balenda ku ntala ku mu ntangu nsuka yi nkembu wu ntangu nduelu. ¹⁴ Kansi ngindu zawu zikala zikangama nate ye mulumbu kiwunu, nledi gogu wukini kanga ntangulu yi luwawanu lua nkulu. Wawu ka wazibukaku kadi yi mu diambu di klistu kaka wu fueti vidila. ¹⁵ Kansi, kani wunu kiki, ntangu zakulu batanganga Moyisi, nledi mosi wu zibulanga ntima miawu. ¹⁶ Kansi gomuntu mosi tambueledi Mfumu, buna nledi wu katukidi. ¹⁷ Mfumu yi Mpefi. Kuna kuena Mpefi Mfumu, kuna mpi kuna mpi kukuena kimpuansa. ¹⁸ Betu kulu, ye bifu bifukulua, tutala nkembu Mfumu. Betu mu ntangu yiyi tuena bakituka mu mpila mosi yi nkembu, mudiambu nkembu mosi ye mu nkembu n'kaka, bonsu wutukidi kua Mfumu wena Mpefi.