¹ Yiyi, yi nkumbu tatu monu ngisidi kuena benu. Mambu makulu mafueti fiongununuanga kua mbangi zodi kani vo zi tatu. ² Monu ya teka ta kua bawu banata masumu, ye ku bankaka basisi, mu ntangu ya yisa mu nkubu zodi, ye yitoma mo vutukila diaka : Mu ntangu si ngisa diaka si ki kisueka ku. ³ Monu yiluteledi mana mudiambu benu luta sosa kidimbu kiki tasonga nde Klistu wu goganga mu monu. Yani ka kondolu ngolu ku ga ntuala benu; kansi yani wena ye lendu mu benu. ⁴ Kadi yani wakomua mudiambu di kondua kua ngolu zani, kansi wena moyu u lndu kia Nzambi, ga kati ki benu. ⁵ Lu kifimpa benu kibeni mu kuzaya keti mu minu luena. Lu kitala benu kibenu. Ka lu kizeyiku benu nde Yesu Klistu wena mu benu? Yani wena, nda go benu mosi kaluna bafuana ku. ⁶ Ye monu nkuikidi nde benu si luzaya nde betu ka tu batuna ku. ⁷ Bubu, betu tueti bombidila Nzambi kadi benu ka lusadidi mambu mambi ku. Monu kisambidi ku musa nde betu tumonika ba mboti. Kansi, monu ngieti sambila musa nde benu lusala ma mena mamboti, kani buna kiena nde tuvukisa ndesulu. ⁸ Kadi betu katulendi sala kima kimosi ku kondua kua kiedika, kansi mudiambu di kiedika kaka. ⁹ Kadi betu tuyangalalanga mu ntangu tu konduanga ngolu, bukiena nde benu luena ye ngolu, betu tusambilanga diaka mpasi nde benu lusingama. ¹⁰ Monu yi lusonekeni mambu momu bu ngiena ku ntama ye benu, musa nde ntangu siyikala ye benu, pasi nde kimonika wu mbi ku kua benu, musadila lendu(Nzambi ka ngana mukullu tunga kansi ka mu kufuasa ku). ¹¹ Ba mpangi, luyangalala! Lusala mudiambu di ndilu, luwisana benu ye benu, luzingila mu kimpuansa. Ye Nzambi zola ye yu wu kimpuansa si kakala ye benu. ¹² Luganasana mboti benu ye benu mu mfibasana ya nlongu. ¹³ Ba nlongu bakulu balugeni mboti. ¹⁴ Bika nlemfu Mfumu Yesu Klistu, zola kua Nzambi ye kintuadi kia Mpefi ya nlongu, bikala ye benu kulu.