¹ Monu ndendedi kisema, kansi kisidi baka kima kimosi ku. Kansi si yikala ku kimona mesu ye ku nzayikusu yitukanga kua Mfumu. ² Monu nzeyi muntu mu Mfumu yu, wena tuka buna mvu kumi ye ya, wu tombulua na te ye kuna zulu di tatu, keti kondua kuanitu ani kani vo ye nitu ani, monu kizeyiku, Nzambi zeyi. ³ Ye monu nzeyi nde muntu yoyu(keti munitu ani, keti ka munitu ani ku, monu kizayaku, Nzambi zeyi). ⁴ Wunatua nate ye kuna paladisu ye yani wa wa mambu mantama masakumunua mpasi nde konsu muntu lendi mo goga. ⁵ Mudiambu di muntu mpila yoyu, monu mfueti kisema. Kansi kilendi kisema mudiambu di monu mosi ku, go ka mu kondua kua ngolu zamu ku. ⁷ Go yizola kua kisema, kilendi kala zoba ku; kadi monu kiedika mfueti goga. Kansi mfueti kikenga mu ku kisema, mpasi nde muntu kakala ye ngindu zi lutila ku muna kamueni mu momu kani muna kawidi mu momu. ⁶ Monu si yi kilunda diaka mu ku kisema mu diambu di nza mu nzayilu zozu za ngolu. Mudina, monu kilendi kala ye kimvuni ku, kadi bangana nsendi mu nsuni, mbasi satana mpasi nde yi nkuamisa, usa nde kikuma nkua kimvuni ku. ⁸ Nkumbu tatu monu yi bombidila Mfumu mudiambu dina, mpasi nde ka nkatula ga ngiena monu. ⁹ Kansi yani wu ntela :"Nlemfu amu wufuana mu ngeyi, kadi ngolu zamu zimonika zi mboti mu nlembami". Buna si yi kisema bu buingi mudiambu di kondu kua kikesa kiamu, mpasi nde ngolu zi Mfumu zikala kua monu. ¹⁰ Mudina, mono ngiena ye mayangi, mukondu ku kikesa kiamu, mu mfingulu, mu m vualangana, mu nzo monu ye mu nkuamusu, mudiambu di Klistu; mudiambu mu ntangu kiena ye kikesa ku, ye muntangu yina ngiena ngolu. ¹¹ Monu yikuma kizengi! Benu lu nkakidila, kadi nga monu yi fueti tumua kua benu. Kadi monu kikala kibeni ku nsi a ntumua zozu ku, kani nde monu kiena mfumu ku. ¹² Bidimbu bikiedika bi ntumu bimonika ga kati ki benu ma mvivulu yakulu, mu bidimbu, mu mvibudulu ye bimangu. ¹³ Kadi, mu nki ka lukadila nfunu wunduelu ye ye mabundu ma nkaka, mboti bukiena nde kikala kizitu ku kua benu? Lundemfukila mu lubelu lolu. ¹⁴ Lutala! Monu nkubamenimu kuisa ku kuena benu mu nkumbu yi tatu. Ye kisi kikala kizutu ku kua benu, kadi ki ta sosa bima bienu ku, kansi benu kibeni. Kadi bana ka balendi lunda mudiambu di bibuti biawu ku; kansi bibuti bafueti lunda mu diambu di bana bawu. ¹⁵ Monu si yi kiyekula monu mosi mudiambu di moyu mienu. Go monu yikuzolanga kibeni, buna monu kisi kitoma zolakana ku ku benu? ¹⁶ Kansi, buna kiena, monu kikala mu kizitu ki benu ku, kansi bukiena nde monu bunkuta buingi, monu yi lubaka mu bieya. ¹⁷ Keti monu yi muena bu yafila muntu mu bantu bayila kuna kuena benu? ¹⁸ Monu yi siamisa Tito mpasi kesa kuna kuena benu ye yifila muntu nkaka bakala yani. Keti Tito benu kayisa muena? Keti benu katudiatila kumosi ku? Keti ka tudiatila nzila mosi ku ? ¹⁹ Benu lutayindula nde tuka ntama betu tukesi kisonganga ga ntuala benu? Ga ntuala Nzambi, mu Klistu, betu tugoga mambu makulu mpasi nde benu luyela mu mpefi. ²¹ Kadi monu ta ntita nde mu ntangu si yikuma kuena benu kisi kilubuana buna ta nzodila monu ku. Monu ta ntita vo ngisi kulubuanaku buna luzoledi benu. Monu ta ntita vo ngisi kulubuana mu mayuma, mu kimpala, ye mu ngansi zi mbidi, u ngindu zi ngambana, mu kusungasana, mu kimvuni ye muvualangana. ²⁰ Monu ta ntita nde busi yivutuka, Nzambi amu ka muesa ga ntuala benu. Monu ta ntita musa nde yikala kua bambidi mu bawu ba neti masumu ye baviluedi minu kiawu ku, mu bizumba ye yangidika nsatu zawu za mpamba zi ba salanga.