¹ dji Jezi Khi palakós dji volõte dji Bõdje,ãsãm ke phomés dji lavi ki la hu Jezi Khi, ² pu Tximótxi,ho pitxit ki i Kõtã:ghemesi,lapen,i thãkilite dji Bõdje no papa i Jezi Khi,no Sẽié. ³ 3 Mo ka humiasi Bõdje, ha ki ga sévi dji pi dji mo ghãpapa-iela te ka sevil tãdjilõtã ke ie lesphwi phóp, pase mo ka xõje dji to buku la mo phwie, nwit i ju. ⁴ Mo ka xõje dji u djilo wei-iela i mo gãiẽ buku plezi dji weu, pu mo plẽ mo ko dji kõtatmã. ⁵ Mo ka xõje dji u bõ kalite fie-la, ki abite phomiẽ la u gãgã Loidji i dji u mãmã Eunice. I mo ka khe ki ha fie-la ka abite usi la hu to. ⁶ Pu ha hezõ-la, mo ka paleu pu hu limẽ ãko u dõ dji Bõdje, ki la hu to-la ha ki u husuve palakós dji phwezãs dji mo lamẽ. ⁷ Pase Bõdje pa bai nũ lesphwi dji pe, mẽ dji puvwa, dji kõtatmã i dji bagaj ki jis. ⁸ Ẽbe pa hete võte dji temwẽ dji no Sẽié, nẽ dji mũ, Pól, u phwizionẽ. Aphwe dji sa, pataje ke mũ u sufwimã pu pahól Bõdje, dji mãiẽ ke puvwa dji Bõdje. ⁹ I sove nũ i aple nũ ke un aple sẽ, nõ dji mãiẽ ke no volõte, mẽ dji mãiẽ ke ho phóp plan i ke ho ghemesi, ki i bai nũ la Jezi Khi, ãvã tã-iela te kumase. ¹⁰ Mẽ aphwezã sauvasiõ dji Bõdje pahét akle palakós dji no Sẽié Jezi Khi kã i pahét, ki dethi lamo-la i pote klehite-la pu lavi sã finisiõ, palakós dji pahól dji Bõdje. ¹¹ Palakós dji sa, mo hete la pozisiõ dji mun ki ka pale dji pahól Bõdje, apóxt i methés.