¹ Ngasi muntu wayemerere oku Yesu ali Kristu, aburhirwe na Nyamuzinda. Na ngasi osima Darha, asima n'olala waburhwaga naye. ² Ahola, rhuyinji kurhusima bana ba Nyamuzinda, amango rhwakasima Nyakasani n'okujira amarhegeko gage. ³ Bulala, obuzigire bwa Namahanga buli bwa kulanga amarhegeko gage. Namarhegeko garhakomere. ⁴ Ngasi yeshi waburhirhwe na Nyamuzinda, ahimire egulu, munalolage echahimire egulu, obuyemere bwerhu. ⁵ Nde wahimire egulu, orhali olala oyemerere oku Yesu ali mwene na Namahanga? ⁶ Oyo Yesu ye wayinja na menji n'eshagama, arhali menji gonine, aliko amenji n'eshagama. ⁷ Bulala baba basharhu bahana obuhamiriza bwage: ⁸ Omuka, amenji n'eshagama. Ebyo bisharhu by'ebiguma. ⁹ Eyi rhwakayemera obuhamirizi bw'abantu, obuhamirizi bwa Namahanga buli bukulu. Bula bw'obuhamirizi bwa Nyamuzinda : echahamirize omugala. ¹⁰ Oyemerere mwene Nyamuzinda, aherhe muli yewe obwo buhamirizi. Orhayemerere Nyamuzinda amujirire mubeshi, bulala arhayemerega obuhamirizi Namahanga ahaga Omugala. ¹¹ Obo buhamirizi bulinganene n'ebi Nyamuzinda arhuhere akalamo k'esiku n'amango ,n'akalamo kali omu Mugala. ¹² Oherhe Omwana agwerhe akalamo, n'orhagwerh'omwana wa Namahanga arhaherhe kalamo. ¹³ Ebyo bayandikirwaga mpu li mumenya oku muherhe akalamo k'esiku n'amango; mwabo muyemerere omuzino lya Mugala wa Nyamuzinda. ¹⁴ Lolaga,echemezo rhumugwerheko;okuderha oku rhukamuhuna ngasi choshi kugerera obulonza bwage, anarhuyunva. ¹⁵ Na rhukamenya okw'arhuyunva oku byoshi rhwakamuhema, rhwanamenya oku byoshi rwahabwa, byaboneka kugerera nk'oku rhwanahunaga. ¹⁶ Eyi wakabona wenemwenyu ajira echaha chirakalerha olufu,akwanene aheme na Nyamuzinda anamuha akalamo; k'onoko ku balala echaha chirhankalerha omulufu. Haba echaha chilerha ofulufu. Arhali enyanya w'echaha chirintyo chibahunire okuhemera. ¹⁷ Buli kuvuna erhegeko chiri chaha, aliko hali echaha chirhalerha lufu. ¹⁸ Rhumenyere ku ngasi yeshi waburhirwe na Nyamuzinda arhajira chaha; nolala waburhirwe na Nyamuzinda, Nyamuzinda anamulanga na Lyangombe, na Lyangombe arhankagala kumuhumako. ¹⁹ Rhumenyere oku rhuli ba Nyamuzinda, n'okw'egulu lyoshi liri omu buhashe bya lyangombe. ²⁰ Rhumenyere kandi oku mugala wa Nyamuzinda ayinjire ana rhuhere obwenge bw'okumenya w'okuli, rhunali omu kuli, omu Mugala Yesu Kristu. ²¹ Yeli Nyamuzinda w'okunali, n'akalamo k'esiku n'amango. Bana badorho muchilage n'ebishushano.