¹ Bana bani,mbayandikire ebi bintu, yi muleka kujir'ebyaha. N'eri omuntu akajir'echaha, rhugwerhe omusengezi emwa Darha, Yesu Kristu mwimana. ² Naye ali nterekero oku byaha berhu, aliko arhali oku byaha byerhu byonine, s'aliko n'oku byaha by'egulu lyoshi. ³ Eyi rhwakalanga amarhegeko gage, ahola rhwanamenya oku rhuyinji Nyamuzinda ⁴ Omuntu waderha: muyinji, n'obwo arhakenga amarhegeko gage, alimubeshi, n'okuli kurhamulimo. ⁵ Aliko, olanga omwazi gwa Nyamuzinda, obuzigire bwage bushinganene omu ye; Ahola rhwanamenya oku rhumulimo. ⁶ Owaderha oku ali omu ahagarhi kage okwanene okulambagira oku naye alambagiraga. ⁷ Bazigirwa, nta bayandikire erhegeko lihyahya aliko rhegeko lyamira mwahabagwa kurheng'omurhondero; eli rhegeko lyamira, guli mwazi mwayunvirhe. ⁸ Haguma n'ebyo, mbayandikire rhegeko lihyahya, eliri ly'okuli omukagarhi kage n'omu kagarhi kenyu, bulala, omwizimya igwagera n'obuche buli bwachiyerekana. ⁹ Owaderha oku ali omu bulangashane, n'okushomba mwenewabo, ali omu mwizimya. ¹⁰ Ozigira mwenewabo ali omu bulangashane, na ntacho cha kamuheza. ¹¹ Aliko, oshomba mwenewabo alama omu mwizimya, arhenji ngahe ali aja, bulala omwizimya gw'amuhumize amesho. ¹² Mbayandikire bana bani, bulala ebyaha byenyu byababalirwe oku zino lyage. ¹³ Mbayandikire badarha, bulala mwamenyere oliho kurhenga oku murhonderho. Mbayandikire misole, bulala mwahimire Lyangombe. Mbayandikire bana badorho, bulala muyinji Darha. ¹⁴ Na mbayandikire badarha bulala mwamenyere oliho kurhenga oku murhondero. Mbayandikire misole bulala mugwerhe emisi, na kandi omwazi gwa Nyamuzinda kuli omu garhi kenyu, na kandi mwahimire Lyangombe. ¹⁵ Murhasimaga egulu n'ebintu biri omw'igulu. Omuntu akasima egulu, obuzigire bwa Nyamuzinda burhamulimo; ¹⁶ bulala byoshi biba omw'igulu: enyifinjo z'omubiri, enyifinjo z'amesho, n'omwibone gw'akalamo, birharhenga emwa Darha, chi birhenga omw'igulu. ¹⁷ N'egulu lyagera n'enyifijo zalyo, aliko ojira obulonza bwa Nyamuzinda alama esiku n'amango. ¹⁸ Bana bani bikola bichanji by'obuzinda na kulala muyunvirhe oku Orha sima kristu ayinjire, bunola habakola bali abarha sima kristu banene, ahola rhukola rhumenyere oku zikola siku za buzinda. ¹⁹ . Barhenger'ekagarhi kerhu, aliko barhali berhu; bulala nka baliberhu bakalamire nerhu, ebyobyabere yi bichiyerekana oku boshi barhaliri berhu. ²⁰ Mwabo, mwahabirwe okushigw'amavurha ga Muka mweru, na nenyu mweshi munamenyere okuli. ²¹ Nabayandikire, arhali mpu lyo mubula kumenya okuli, na bulala obubeshi burharhenga omu kunali. ²² Nde mubeshi, orhali olala ohakana oku Yesu arhali Kristu? Oyola ali muntu orha sima kristu, ohakana Eshe n'Omugala. ²³ Ngasi yeshi olahira omugala, arhagwerhe Eshe, ngasi oderha oku bunu Omugala aherhe n'Eshe. ²⁴ Enyigirizo mwa yunvirhe kurheng' omurhondero ziyorhe omukagarhi kenyu. ²⁵ Nakaba ebimwayunvirhe kurhenga omurhondero byabere ekagarhi kenyu nenyu nji mwabera omukagarhi k'Omugala n' Eshe. ²⁶ N' echilagane arhujirire,kali kalamo k'esiku n' amango. Nabayandikire ebi bintu enyanya ly'abalala boshi babaheza. ²⁷ Oku mwabo, amavurha mwashigagwa naye gali omu kagarhi kenyu, nta bulagirire muherhe bw'okuyigirizwa n' omuntu, aliko obwo bushige bwage bubayigirize byoshi, bulala bunali b' okunali, burhanali bubeshi, mubere ekagarhi kage n' enyigirizo mwahabirwe. ²⁸ Nabunola bana bani, mubere omukagarhi kage, hano abonekana,rhulangalire,rhumenye rhwakayunva eshonyi n'okuja hale naye. ²⁹ Akaba muyinji oku ali mushinganyanya, mumenye oku ngasi yeshi ojira obushiganyanya aburhirwe naye.