¹ Ha ntanzi kakwina Ezywi, mi Ezywi kali kere ne Nyambe, mi Ezywi kaili Nyambe. ² Ozyu ndeye kakere ko hakatanzi ne Nyambe. ³ Ezintu zonshe niza tendiwa kakwe, mi nali kali kakere ko kwaazya tara chonke echo ninicha vumbwa kwezo niza vumbwa. ⁴ Kakwe kakwina vuharo, mi vuharo kaili mumuni wa vantu. ⁵ O mumuni u munika mukansikwe, mi a niwa manisiwa ku kansikwe. ⁶ Kakwina mukwame ozyo shatumwa kazwa kwa Nyambe, we zina lya Johani. ⁷ Nakezya oku paka kazo mu mumuni, okutiye vonshe tema navara zumina kakwe. ⁸ Johani kali ndeye mu mumuni, kono nakezya ye akezye apake zo mumuni. ⁹ O mumuni we niti, uha o mumuni ku vantu vonshe, kau kezya mwi fasi. ¹⁰ Kakere mwi fasi, mi efasi nilya tendwa kakwe, mi efasi kali kali muzyi. ¹¹ Na kezya kuvakwe, mi vakwe kali niva mutambura. ¹² Kono kwavena vangi avo niva mutambura, avo niva zumina mwi zina lyakwe, navaha a manta okuva baana va Nyambe. ¹³ Ava kali niva pakiwa ka maroha, kapa okushaka kwe nyama, kapa kokushaka ko muntu, kono ka Nyambe. ¹⁴ Ezywi nilyava enyama mi nilyahara mukatu ketu. Nitwa vona ekanya yakwe, ekanya yakwe vulyo eyo izwa kweShi, izywire echishemo ne niti. ¹⁵ Johani naamba zakwe mi aku shumpura, nataye, ''Ozyu ndeye kanditaa aho ndiamba ye, 'Ozyo akezya murushara rwangu munene kundihita, kakuli kakere ko kare.''' ^{16 18} Kokuzyura kwakwe Twenshee twawani e chishemo ne ¹⁷ chishemo.O mulawo niwa hewa ka Mushe.chishemo ne niti niza niza kezya ka Jesu keresite. Kwaazya ozyo abona Mulimu , ozyo akere kwi mbali ya ,netendi okutayee Mulimu azyibahare. ¹⁹ Ovu mbovupaki bwa Johani aho maJuda neva tuma ama Prisita nama Livi kwakwe oka muvuza avo nava zwira kwa Jerusarema, "Ndiweni?'' ²⁰ Na zumina - kali na shampura, kono na zumina - "Kali ndime Kiresite.'' ²¹ Mi voku muvuza, ''Cware ndiweni? Ndiwe Elija?'' Akutaye, ''Kali ndime.'' Voku amba, ''ndiwe muporofita?'' Aku tava ye, ''inga" ²² Voku amba kwakwe, ''Ndiweni, Okutiye tukahe e nkaravo kwavo niva katu tuma? Mbuti ota kazako?'' Aku amba, ²³ ''Ndime ezywi, ndilira mwi nkanda: 'kutenda enjira yo Nfumu ye iwororoke, 'vulyena na ambira o muporofita Isaya.'' ²⁴ Mwi nako yiyo bamwinya vazwa mwa Farisi niva tumiwa, ²⁵ mi voku muvuza, ''Mbuti aho o koloveza ati kali ndiwe Kiresite kapa Elija kapa muporofita?'' ²⁶ Johani akuva tava, ye, ''Ndi koroveza ka menji. Kono mukati kenu kwina azyimene mo ozyo kamuzyi. ²⁷ Ndeye akezya nandi chilire, aka kwere ke nshangu zakwe ndaazya maanta oku shumununa.'' ²⁸ Ezi zintu niza tendiwa mwa Betani kumbali imunya ya Jorodani, oko ka koroveza Johani. ²⁹ Elyo Lizwa ezyuva Johani aku vona Jesu nakezya kwakwe mi akutaye, ''Vone, kwina emberere ya Nyambe ozyo azwisa ezibbi ze fasi! ³⁰ Ndeye nindata, 'Ozyo akezya mu mashara angu andihita, kakuli ndeye natanga okuhura kwangu.' ³¹ Kali kandi muzyi, kono nikwava vulyaho okutiye na zyivahazwe kwa Isiraere okutiye eme ndi koroveze ka menji.'' ³² Johani na toroka, koku amba ye, ''Ninda vona o Muzya u surumuka kuzwa kwi wuru mbwe ndu njiva, mi niwa kara hakwe. ³³ Kali ninda muzyiva kono ozyo nandi tuma okutiye ndaku koroveza mu menji nandi sumwina, ' Hakwe mpaho namu vone o muzya u surumuka noku kalilira hakwe, ndeye a korobeza ko Ruho ru Chenete. ' ³⁴ Ninda vona noku toroka ye ozyo ndi Mwana Nyambe. ³⁵ Hape, lizwa ezyuva, aho kazyimene Johani nava zyiizwa vakwe vovire, ³⁶ vokuvona Jezu nahita, mi Johani akuta ye, ''Vone, e Mberere ya Nyambe!'' ³⁷ Ava zyiizwa vakwe vovire voku mushuwa na amba zizo mi voku chilira Jesu. ³⁸ Mi Jesu aku chevuka noku vavona nava muchilire mi aku amba kwavo, ''Nzinji mushaka?'' Voku mutava, ''Rabbi'' (Eyo itoroka ''Muzyiizi''}, ''Kokwi okara?'' ³⁹ Aku amba kwavo, ''Mukezye mi muvone.'' Vokezya mi vokuvona oko akara; niva kara neye elyo ezyuva, kakuli shika ili nako yaka 10. ⁴⁰ Zyumwi kwavo vovire avo niva shuwa Johani na amba noku chilira Jesu kaili Anduru, mukurwe wa Simoni Pitorosi. ⁴¹ Na tatika kuwana mukurwe Simoni noku muta ye, ''Nitwa wana Messiya'' ( eyo itoroka: Kiresite). ⁴² Aku mureta kwa Jesu, mi Jesu aku tonda hakwe mi nokuta ye, ''Ndiwe Simoni mwana wa Johani. Hanu mbo kuwiwa Cephas'' (eyo itoroka Pitorosi). ⁴³ Ezyuva lichilira aho shika shaka kuya kwa Galireya, akuwana Philipi noku muta, ''Ndi chilire." ⁴⁴ Philipi kazwa kwa Betisaida, ngo mureneñi wa Anduru ne Pitorosi. ⁴⁵ Philipi naku wana Nathanire mi aku muta, ''Ozyo na ñoliwa kwa Mushe mu murawo, nava Porofita, shetwa muwani: Jesu mwana wa Josefa, azwa mwa Nazaretha.'' ⁴⁶ Nataniere aku mutava, ''Hahena kwina zirotu ziwora kuzwa mwa Nazaretha?'' Philipi aku mutava ye, ''Kezye ovone.'' ⁴⁷ Jesu aku vona Nataniere nakezya kwakwe mi aku amba zakwe, ''Vone, O Musiraere wa hawa, kwakwe kwaazya e mbuzi!'' ⁴⁸ Nataniere aku mutava, Mbuti ondizyi?'' Jesu aku mutava noku amba kwakwe,''Philipi nashini kuku kuwa, aho kokere mushishamu che feiga, ninda kuvona.'' ⁴⁹ Nataniere aku tava, ''Rabbi, ndiwe Mwana wa Nyambe! Ndiwe o Nfumu wa Isiraere! '' ⁵⁰ Jezu aku mutava noku amba kwakwe, ''Kakuli nda ambi kwako, 'Ndakuvoni mwinshi ye chishamu che feiga,' o zumina? Nora vona zintu zinene zihita ezi.'' ⁵¹ Cware aku amba ye, ''Hawa, hawa, Ndi amba kwako, nora vona ewiru liaruka, mi a magiroyi a Nyambe naalyizya noku suka ha Mwane Nyambe.''