¹ Jakoba, mpagnaradia an'i Zagnahary sy Tompo Jesôsy Kristy, Ho an'gny foko roa ambin'ny folo niparitaka: da finaritry. ² Ataovy ampifaliana avao koa zany, ralahy, laha miatrika olana samby hafa anareo. ³ Lalanareo fa gny fisedrana gny finonareo da miteraka faharetana ⁴ Aoka gny faharetana hagnano gn'asany, mba tena hivotra sy ho feno tanteraka anareo, da tsisy raha hanairagna ndre raiky. ⁵ Ka laha misy aminareo mikatsaka fahendrena, andana izy hangatakan'izany amin'i Zagnahary, gn'olo raika zay magnome raha an-tsitrapo sy tsy mandrara gn'olo zay mangataka, sady omeny an'azy izany ⁶ Fa avelay fotsiny izy hangataka amin'ny finona, sady tsisy fisalasalana ndre kelikely. Fa gn'olo misalasala da mitovy amin'gn'onjan-dranomasina zay avevignan'gny rivotra. ⁷ Fa gn'olo magnano akôran'zany da tsy tokony hieritreritra ha azo raha ndre kelikely amy gny Ragnandria. ⁸ Gn'olo akôran'izany da mivadibadi-saigna, tsy marigna amy raha atao. ⁹ Mengavy gn'olo sahiragna iaho mba hiezaka mafy ho afaka amizany ka ho laza ho an'azy zany, ¹⁰ Fa gn'olo mpagnarivo amy fanetretegna, izy mako da ho levogna manaky gny vognina ahitra. ¹¹ Ny masoandro da mibôky miaraka amy hafanam-be ka magnamaigna gn'ahitra. Da latsaka gny vonikazo, ka levogna gny fahatsarany. D'akô izany koa gny mpagnarivo da me-malazo an-dalagna. ¹² Sambatra gn'olo majaka fisedrana. Fa laha avy nandalo fisedrana mako izy, da ha azo gny satroboninahitra amy fiaignana, zay nampagnategnaiana tamy gn'olo zay tia an'i Zagnahary. ¹³ Laha misy halaim-pagnahy da ka mijaka hoe: ''Zagnahary gny nangala fagnahy anay,'' Zagnahary mako, tsy sahin'gny ratsy alaina fagnahy, sady tsy mangala fagnahy olo. ¹⁴ Samby alaim-pagnahy amy raha teny aby gn'olo aby, zay mampalemy sy mampandresy anazy. ¹⁵ Laha avy ny potopotena gny fagnirina, da miteraka fahotana zany. Ka laha me-be gn'ota, da mahafaty. ¹⁶ Ka mety hambakaina, ralahy. ¹⁷ Gny fagnomezana tsara sy gny raha tonga lafatra aby da avy amin'i Zagnahary akabogna. Zany da avy amin'iaba malaigna raha ratsy. Miaraka amin'Azy da milamigna tsara sady izy lateo man da tsy managna saigna hafahafa zany. ¹⁸ Zagnahary mako da nagnavao antsika amy gn'alalan'ny herin'ny zakany, mba ho lasa fitaratra amy gny raha maro zay nambôriny itsika. ¹⁹ Lalanareo zany, ralahy teko: Aoka gn'olo aby ho mora hiteno, tsy hijaka malaky, sady tsy ho mora vignitra. ²⁰ Fa gny favigniran'olo da tsy havitan'gny sitrapon'i Zagnahary. ²¹ K'apetray agny gny fomba ratsy sy gny forongony aby. Fa raiso am-pagnatre-tegna gny rogna efa nafarany, ze afaka magnavotra gny fagnahinareo. ²² Mba magnaraha jaka anareo io fa tsy mpiteno avao fotsiny, k'aza magnambaka tegna. ²³ Laha misy olo miteno jaka avao fotsiny kanefa tsy magnatanteraka, da mitovy amy gn'olo mijery tsara gny tareny amy gny fitaratra izy. ²⁴ Mieritreritran'azy izy ka laha mandeha kelikely da avy da adignony aby raha teo igny. ²⁵ Fa gn'olo mandinika tsara gny lalagna mahatsara sady magnano an'izany, fa ts'ho olo mpiteno fotsiny da avy teon'igny da avy da magnadigno, da ho tohagnana amy raha ataony aby zany olo zany. ²⁶ Laha misy magnano gny tegnany ho mpivavaka, kanefa mijakajaka fatany, da magnambaka tegna izy, sady tsisy dikany avao gny fivavahany. ²⁷ Fa gny fivavana marina sady madio amin'i Zagnaharintsika sy iabantsika da ity: Hagnampy gn'olo kamboty sy gn'olo mijaly indreo, sady miaro gny tegnany mba tsy ho vo tarikan'izao tontolo izao.