¹ Ny boky nisoratako talôha, ry Teofilo, de magnambara ny jiaby zay natombok'i Jesosy sy nampinariny, ² hatramin'ny andro nampiakaragna ananjy, avake de nagnàsa irè Apostoly zay nifidiny tamin'ny alalan'ny Fagnahy Masigna Izy. ³ Tafaran'ny nijaliany, de nampiseo ny taignany velogna taminjaré Izy niaraka tamin'iré porofo mandresy lahatra maro. Niseo tamin-jare Izy tagnatin'ny efapôlo andro, ary niraisaka mômban'ny fanjakan'Andriamanitra. ⁴ Kôfa nitrôtra tamin-jare Izy, de nagnàsa anjaré tsy hiala akô Jerosalema, fô nandigny ny fampagnatiniagnan'ny Ray, mômba zay, nivolagniny hoe: "Naregny taminahy anaré, ⁵ fô nagnano Batisa tamin'ny rano tikoàtra i Jaona, fô anaré de tôkony hatô Batisa amin'ny Fagnahy Masigna akô agnatin'ny andro vitsy.'' ⁶ Kôfa tafavory niaraka zaré de nagnontany Ananjy zaré hoe: "Tompo, zao mô ny fotoagna hangiraignanô ny fanjakan'Israely?'' ⁷ Aoziny taminjaré hoe: "Tsy anaré no ahay ny fotoagna na irè vanin'andro zay nitindren'ny Ray tamin'ny fahifagna manôkagna. ⁸ Fô kôfa tônga ndraiky ny Fagnahy Masigna de ahazo hery anaré, kay ho lasagna vavolombeloko airan'ny Jerosalema sy Jodia jiaby ary Samaria, hatrany amparan'ny tany.'' ⁹ Kôfa nivôlagna zegny i Jesosy Tompo, de niandrandra zaré, ary nakarigna Izy, ary ny rahogna nanakogna Ananjy tagnatraihanjaré. ¹⁰ Kô mbôla nimbanjigna ny lagnitra igny zaré tamin'ny nandianany, tampoka te, nisy rolahy nagnatô akanjo fotsy nitsangagna tankilanjaré. ¹¹ Nivôlagna taminjaré hoe: "Ry lalahy avy agny Galilia, magnino aké anare no mitsangagna akéto mizaha ny lagnitra? Igny Jesosy nalaigna taminaré zay nampakarigna agny an-dagnitra igny, de mbôla hierigna kara ny nahitanaré ananjy niakatra agny an-dagnitra te igny. ¹² Avake te zaré de niherigna tagny Jerosalema avy takô amin'ny tendrombohitr'Oliva, zay mariny Jerosalema, mitovy amin'ny diàn'ny andro Sabata raika. ¹³ Kôfa tônga zaré, de niakatra takô amin'ny efitra ambôny etazy, zay nitoeranjaré. Zaré de i Petera, Jaona, Jakoba, Andrea, Filipo, Tomasy, Bartolomeo, Matio, Jakoba zanak'i Alifeo ary Jodasy zanak'i Jakoba. ¹⁴ Nitambatra ho raika izy jiaby, ary nazoto nivavaka. Agnisan'izegny irè viavy, Maria maman'i Jesosy, sy irè ralahiny. ¹⁵ Tamin-jegny andro zegny i Petera de nitsangagna tantaignantaignan'iré ralahiny, amin'ôlogna 120 te, ary nivôlagna ¹⁶ hoe: ''Ry ralahy, taigna nilaigna ny fantatirahan'ny Sôratra Masigna, zay nambaran'ny Fagnahy Masigna mialôha tamin'ny vavan'i Davida mômba an'i Jodasy, zay nitôndra iré ôlo nanambotra an'i Jesosy.'' ¹⁷ Fô agnisan'ny raika amintsika izy ary nahazo ny anjarany tamin'zao fanompoagna zao.'' ¹⁸ (Avaizo i lalahy io de nividy atiàla tamin'ny vôla azony tamin'ny faratsiagna izy, ary lavo niankôhitra te izy, kay nisôkatra sy nipôhàka ny vatany, ary nivoakà dahôlo ny tsinainy. ¹⁹ Iré ôlo jiaby takô Jerosalema de naregny ny mômba zegny, ary nagnantso io atiàla io taminjare hoe: "Akeldama'', zagny: "Sahan-dRà.'') ²⁰ Fô aifa voasôratra akô amin'ny Bokin'ny Salamo hoe: "Ambilay ho lao ny tsabony, ary aza availa na de ôlogna raika aza hipaitraka akô; 'Ambilay ho raisin'ny ôlon-kafa ny andraikitrananjy." ²¹ Noho zagny, de ilaigna, ny raika amin'iré lalahy niaraka tamintsika nandritran'ny fotoagna jiaby nidiran'i Jesosy Tompo sy ny nivoahany takéto amintsika, ²² hatramin'ny batisan'i Jaona ka hatramin'ny andro niakarany takéto amintsika, de tsy maintsy vavolombelogna miaraka amintsika amin'ny fitsanganany.'' ²³ Ary namaitraka roa lahy zaré, de i Josefa nantsôvigna hoe Barsabasy, na atô hoe Josto, ary Matia. ²⁴ Nivavaka zaré nivôlagna hoe: "Anô, ry Tompo, no mahay iré fon'ny ôlogna jiaby, kay volagno zay fidinô amin'izy roalahy ²⁵ mbô halaka ny toairagna akato amin'zay fanompoagna zao sy ny maha Apostoly nohon'ny fandikan-dalàgna zay nataon'i Jodasy handaiha ho agny amin'ny toairagna manôkagna. ²⁶ Zaré de niloka ho anjaré, ary nilatsaka tamin'i Matia ny filokagna, ary voaisa ho Apostoly raika ambin'ny fôlo izy."