¹ Na zôvy na zôvy mino fô i Jesosy no Kristy de naterak'Andriamanitra, ké na zôvy na zôvy tia ny Ray foagna koà de tia ny zanaka nateraka. ² Noho izégny no ahafantarantsika fô tiantsika iré zanak'Andriamanitra: Kôfa tia an'Andriamanitra sy manatanteraka iré didiny atsika. ³ Satrià izégny no fitiavagna ho an'Andriamanitra: de ny fagnatanterahantsika iré didiny. Ké iré didiny de tsy mavesatra. ⁴ Fô ny ôlogno jiaby zay naterak'Andriamanitra de mandresy an'izô tontôlo izô. Ké izégny de fandresegna zay efa nandresy an'izô tontôlo izô: ny finoantsika. ⁵ Zôvy lay araiky zay mandresy an'izô tontôlo izô? Lay araiky zay mino fô i Jesosy de Zanak'Andriamanitra. ⁶ Izégny de lay Araiky zay tônga tamin'ny rano sy rà: Jesosy Kristy. Izy de tônga tsy tamin'ny rano foagna, fô tamin'ny rano sy rà. ⁷ Fô misy telo zay mijôro vavôlombelogno: ⁸ ny Fanahy, ny rano, kè ny rà. Iré telo iré de mifangnaraka. [Fagnamarihagna: Ny dika-volagna talôha sanany de mivaky karaha zô: ''Fô misy telo zay mijôro vavôlombelogno agny an-dagnitra: ny Ray, ndraiky Koragna, ké ny Fanahy Masina; ké iré telo iré de araiky. Ké misy telo zay mijôro vavôlombelogno aketo ambonin'ny tany: ny Fanahy, ny rano, ké ny rà; ké iré telo iré de karaha ny araiky.'' Na izégny aza, iré dika-vôlagna tsara indrindra de tsy mivaky karaha izégny.] ⁹ Kôfa mandray ny fijoroagna vavôlombelon'ny ôlogno atsika, de ho maventy kokoà ny fijoroàgna vavôlombelon'Andriamanitra. Fô ny fijoroanà vavôlombelon'Andriamanitra de izô: izy de mijôro vavôlombelogna mahakasika ny Zanany. ¹⁰ Na zôvy na zôvy mino ny Zanak'Andriamanitra de managna fijoroàgna vavôlombelogna aké aminjaré tegnany. Zay tsy mino an'Andriamanitra de magnano Ananjy ho mpandainga, satrià izy de tsy nino ny fijoroàgna vavôlombelogna zay efa namian'Andriamanitra mahakasika ny Zanany. ¹¹ Ké ny fijoroàgna vavôlombelogna de izô: Andriamanitra de nagnamia antsika fiainagna mandrakizay, ké izégny fiainagna izégny de akô amin'ny Zanany. ¹² Lay araiky zay managna ny Zanaka de managna ny fiainagna. Ny ôlogno zay tsy managna ny Zanak'Andriamanitra de tsy managna fiainagna. ¹³ Efa nanôratra iréo raha iréo ho anaré zaho mbô hahafantaragna fô managna ny fiainagna mandrakizay anarè- ho anaré zay mino ny agnaran'ny Zanak'Andriamanitra. ¹⁴ Karaha izégny foagna koà, izô no fifagnekiagna zay anagnantsika aké agnatrehany, fô na ino na ino angatahantsika araka ny sitrapôny, de maharegny antsika Izy. ¹⁵ Karaha izégny foagna koà, kôfa fantantsika fô maharegny antsika Izy- na ino na ino angatahantsika Aminanjy- de fantantsika fô azontsika zay jiaby nangatahantsika taminanjy. ¹⁶ Kôfa misy ôlogno araiky mahita ny rahalahiny magnano fahotagna zay tsy miteraka fahafatesagna, tsy maintsy mivavaka izy, ké Andriamanitra de hagnamia fiainagna ho ananjy. Zaho de mampitaha iré zay managna fahotagna tsy miteraka fahafatesagna. Misy fahotagna zay miteraka fahafatesagna; tsy mivôlagna zaho hoe tôkony hivavaka amin'izègny izy. ¹⁷ Ny tsy fahamarinagna jiaby de fahotagna, nefa misy fahotagna tsy miteraka fahafatesagna. ¹⁸ Fantatsika fô na zôvy na zôvy naterak'Andriamanitra de tsy manota. Nefa lay araiky zay naterak'Andriamanitra de miaro ny tegnany, ké ny ratsy de tsy afaka ny ahakasika ananjy. ¹⁹ Fantantsika fô avy amin'Andriamanitra isika, ké zao tontolo izô de mitoetra akô amin'ny ratsy. ²⁰ Kanefa fantantsika fô ny Zanak'Andriamanitra de efa tônga ké efa nagnamia antsika fahazavan-tsaigna mbô ahafantarantsika lay araiky zay tegna marigna. Karaha izégny foagna koà, atsika de akô amin'ilay araiky zay marigna, akô amin'i Jesosy Kristy Zanany. Izy no Andriamanitra marigna ké fiainagna mandrakizay. ²¹ Anaka, arovy amin'iré sampy ny tegnanaré.