¹ Izy kôfa nandeha taminaré zah, ry rahalahy, de tsy tonga niaraka tamin'ny koragna tsara lamigna na fahindriagna zah izikô nagnambara mômban'ny raha ambadiky mômban'Anandriamanitra. [Fagnamarihagna: Ny dika-teny maro hafa de mivaky karan'izao hoe: ''Kô magnambara ny fijorogna vavôlombelogno mômban'Andriamanitra zah.''] ² Fô kinia tsy nahé na ino na ino zah kô také taminaré, izy koa tsy Jesosy Kristy, ndraiky Izy voahômbo. ³ Ké niaraka taminaré zah také tamin'ny falimiagna, ndraiky také tamin'ny tahotro, ndraiky tamin'ny fangovitagna be. ⁴ Ary ny hafatranay ndraiky fagnambarako de tsy tamin'ny teny fandrisian-dahatra ny fahindriagna fô kôza, tamin'ny fanehoan'ny fagnahy ndraiky hery, ⁵ mbô tsy ho akô amin'ny fahindrian'ôlombelogno ny finoagnanaré, fô akô amin'ny herin'Andriamanitra. ⁶ Avaizo de mikoragna fahindriagna aké aminaré matotro antsika, fô tsy ny fahindrian'izao tontolo izao, na ny anjaré mpanapaka izao vaninandro izao, izay mandalo foagna. ⁷ Fô kôza, mikoragna ny fahindrian'Andriamanitra amin'ny fahamarinagna mivony antsika, le fahindriagna mivony izay notendren'Andriamanitra mialôha talôhan'iré fotoagn'andro jiaby ho voninahitran-tsika. ⁸ Tsisy tamin-jaré mpanapak'izao andro izao no nahé io fahindriagna io, fô kô nahatakatra izegny zaré ré tamin'izegny fotoagna izegny, de tsy nivonin-jaré lay Tômpo-mboninahitra. ⁹ Fô araka izegny voasôratra hoe: ''Iré raha izegny tsisy maso nahita, tsisy tadigny mitandregny, tsisy eritreritra nahazo an-tsaigny, iré raha iré nomagnin'Andriamanitra ho an'iré zegny mankatia Ananjy.'' ¹⁰ Iré no raha natôron'Andriamanitra taminay tamin'ny alalan'ny fagnahy. Fô ny fagnahy de mikaroko ny raha jiaby, na de iré raha lalin'Andriamanitra aza. ¹¹ Fô izovy no mahafantatra ny fisaignan'ny ôlogno araiky izy koa tsy ny fagnahin'ôlogno akô aminanjy? Ka rahan-jegny koa, tsisy mahafantata iré raha lalin'Andriamanitra izy koa tsy ny fagnahin'Andriamanitra. ¹² Fô tsy nandramby ny fagnahin'izao tontolo izao antsika, Fô ny Fagnahy zay avy amin'Andriamanitra, mbô hahafahantsika mahafantatra iré raha amiagna antsika maimaimpoagna avy amin'Andriamanitra. ¹³ Mivolagna mômba iré raha iré amin'ny teny zay tsy hain'ny fahindriagnan'ôlombelogno ampianarigny zahay, fô zay ampianarin'ny Fagnahy anay. Ny Fagnahy no mandika ny volagna ara-pagnahy miaraka amin'ny fahindriagna ara-pagnahy. ¹⁴ Ny ôlogno zay tsy ara-pagnahy de tsy mandramby iré raha zay an'ny Fagnahin'Andriamanitra, satria fahadalagna aminanjy iregny. Tsy afaka mahay an'iregny izy satria famantaragna ara-pagnahy iregny. ¹⁵ Zegny ara-pagnahy de mitsara ny raha jiaby, fô tsy hiamparan'ny fitsaran'ny sasany izy. ¹⁶ ''Fô izôvy no afaka mahay ny fisaignan'ny Tompo, no ho afaka hampianatra ananjy?'' Fô zahay de managna ny fisaignan'i Kristy.