1
Hemi hemi buk blong Ji
sas Kraes we God hemi kivim hem wan ikam blong soemaot long ol man blong hem ol samting we bae ino long taem bae oli hapen.Hemi mekem iklia blong isendem ol enjel blong hem oli kam long wokman blong hem Jon.
2
Jon hemi talemaot tok blong God mo hemi talemaot testimoni blong Jisas Kraes,evri samting we hemi luk.
3
Blesing blong God istap long olgeta man we oli ridim tok blong God mo olgeta we oli stap lesen long tok we hemi stap talem mo hu we istap obei long wanem we oli raetem,from taem istap kam klosap.
4
Mi Jon,mi stap raet iko long ol seven jej long provens blong Esia:Bambae gladhat bae istap wetem yufala mo pis blong God ya we istap naoia,mo istap fastaem,mo bae istap koko ino gat en blong hem,mo ol seven spirit we oli stap sidaon long ol jea blong olgeta,
5
mo Jisas Kraes,tu bae imekem olsem long yufala,fesbon we hemi ded,mo bae hemi rulum ol king blong wol ya.Long hem we ilavem yumi tumas mo hemi wasem aot sin blong yumi long blad blong hem-
6
Hemi preperem kindom blong yumi istap finis,yumi ol pris blong mekem wok blong God-yumi glorifaem nem blong hem mo we hemi gat olgeta paoa we ino save finis samtaem.
Amen
7
Yufala iluk,Hemi stap kam daon wetem Klaod;
evri ae bae oli luk hem,
Ol man we bifo oli sperem hem bambae oli luk hem.
Evriman long evri ples long wol bae oli sore long hem.Bambae imas olsem,Amen.
8
''Mi mi God we mi stap we mi stap we inogat en blong hem''God italem,''Hem we istap naoia,we bae ikam,mo bae istap koko inogat en blong hem,mi nao mo gat olgeta paoa.''
9
Mi,Jon-brata blong yufala we iserem wetem yufala ol kindom blong God mo ol safarin mo blong wet long taem blong ol hadtaem mo stap strong wetem yufala from yumi blong Jisas-mi ya''
Oli putum mi mi stap long aelan blong Patmos from tok blong God mo mi stap talemaot testimoni abaot Jisas.
10
Long dei blong masta blong yumi.Mi harem wan bihaen long mi wan bigfala voes olsem wan trampet.
11
Hemi talem se,''Raetem daon wanem we yu luk insaed long wan buk,mo sendem iko long ol seven jej-iko long Efeses,io long smana,iko long Pegaman mo long Tuatire mo long Sadis mo long Filadelfia mo long Laodisia.''
12
Mi tanem raon blong luk se voes blong huia istap toktok long mi,taem mi tanem raon mi luk seven ples blong putum laet we oli wokem long gol.
13
Long medel blong ol stik blong laet igat wan olsem son blong man,iwerem wan waet klos we ilong wan ikasem leg blong hem mo wan pis kaliko we iko raon long ches blong hem we oli mekem long gol.
14
Hed mo hea blong hem oli waet we oli waet olsem hea blong sipsip-mo iwaet olsem sno-mo ae blong hem iolsem faea we ilaet.
15
Ol leg blong hem oli saen olsem bras we oli bonem,mo ol doti blong hem oli ronaot mo oli rapem iklin gud.Mo voes blong hem iolsem fulap ol wota we oli stap ron.
16
Hemi stap holem seven sta long raet han blong hem,wetem wan naef blong faet we isap tu saed istap kamaot long maot blong hem.
Fes blong hem isaen olsem san blong midel dei.
17
Taem mi luk hem,Mi foldaon long leg blong hem olsem wan ded man.Hemi putum raet han blong hem long hed blong mi mo italem se,''yu no fraet.mi ya we mi fes wan mo mi las wan
18
mi man ya we mi laef.mi ded,be yu luk,mi stap we inomo gat en blong hem!mo mi gat Paoa blong mekem ded man ilaf mo ikam aot long hom blong ol ded man.
19
From samting ya yu mas raetem daon wanem yu luk,ol samting we oli stap kamtru naoia,mo wanem we bae ikam tru yet.
20
From yu nosave ol mining blong hem abaot ol seven sta yu luk long raet han blong mi,mo seven ples blong laet we oli mekem long gol:ol seven sta ya hemi ol enjel blong ol seven Jej,mo ol seven ples blong putum laet hemi ol seven jej.''