¹ 'Iko long enjel blong jej ya long Efesas we mi raetem: 'Tok blong mi we mi stap holem seven sta long raet han blong mi mo mi stap wokbaot long midel blong ol seven ples blong putum ol laet long hem, ² ''mi save ol fasin blong yufala long Efesas,mo yufala istap hadwok tumas,mo yufala igat longfala tingting blong yufala long taem blong trabol,mo yufala inosave glad tumas long ol man nogud,mo yufala ilukluk gud finis long ol man we oli stap talem se olgeta oli aposol,be yufala isave finis se oli stap kiaman nomo. ³ Mi mi save finis se yufala igat longfala tingting mo yufala istarong long taem we yufala istap harem nogud long nem blong mi,be yufala ino kivap long nem blong mi. ⁴ Be mi no laekem wanem fasin we yufala imekem long fes blong mi we yufala inomo lavem mi olsem festaem. ⁵ Nao from samting ya yufala mas tingbaot ples we yufala ifoldaon long hem fastaem. Yufala imas tanem fasin blong yufala mo yufala imas kobak long ol fasin blong faestaem.sapos yufala itanem tingting blong yufala,bae mi kam long yufala mo karemaot ol ples blong laet ya long ples ya. ⁶ Be yufala igat wan samting olsem:yufala ino agri long wanem we Nikolaitens oli mekem,we mi tu mi agensem olgeta. ⁷ Letem man we igat sora,bae iharem wanem we spirit istap talem iko long ol jej.Man we iwinim faet mi bae mi kivim raet blong hem ikakai long tri blong laef,we istap gru long Garen blong God. ⁸ Mo hemi kohed italem se''yu mas raetem tok blong mi mo sendem iko long enjel blong jej ya smana se: 'toktok ya blong man we hemi feswan mo hemi laswan,wan we hemi ded mo ilaef bakegen: ⁹ ''Mi mi save finis we yufala istap harem nogud mo yufala istap pua,be yufala istap rij yet.Mo mi save ol rabis toktok we oli stap sakem long yufala oli talem se olgeta oli kamaot long laen blong isrel,be nogat.Olgeta ol grup blong setan. ¹⁰ Yufala ino fraet long wanem we bambae yufala iharem nogud long hem.Yufala iluk!ino long taem bae setan isakem sam long yufala iko long presin blong bae hemi traem yufala,bambae yufala isava blong ten dei.Be yufala imas fetful kasem ded,mo bae mi kivim yufala wan praes olsem wan man we istap win long wan resis. ¹¹ Letem man we igat sora,i lesen long wanem we Spirit italem long ol jej.Man we iwinim faet taem ded ikam namba tu taem bae hemi nomo save ded"' ¹² Mo ikohed italem long mi se''yu mas raetem leta ya mo sendem iko long enjel blong jej ya Pergamum se:'tok ya hemi blong man we igat naef e isap tu saed: ¹³ ''Mi save ples we yufala istap long hem,we setan istap sidaon olsem wan king long hem.Be yet yufala iholem strong nem blong mi.Mi save finis we yufala ino wantem fogetem bilif blong yufala long mi,Yufala isave wan man we istap witnis long nem blong mi nem blong hem Antipas,hemi wan fetful man,we oli bin kilim hem ided,long ples ya we setan istap long hem. ¹⁴ Be mi no glad long samfala samting we yufala istap mekem:sam long yufala istap holemtaet ol tijing blong Balam,we hemi tijim Balak blong mekem ol fasin nogudnao balak imekem ol man isrel oli stap mekem ol rabis fasin nogud hemi mekem oli kakai ol kakai we oli mekem sacrifaes long ol kiaman god mo oli stap slip wetem ol woman we ino woman blong olgeta mo ol man we ino man blong olgeta. ¹⁵ Mo long semak fasin,igat sam long yufala we istap holemtaet tijing blong Nikolaetens. ¹⁶ Nao from samting ya yufala imas tanem ol tingting blong yufala,from samting ya!sapos yufala ino mekem,hariap nomo bae mi kam long yufala,bae mi kam mekem faet wetem ol man nogud wetem naef we ikamaot long maot blong mi. ¹⁷ Letem man we igat sora,bae iharem wanem we spirit istap talem iko long ol jej.Mo man we i winim faet wetem setan,bae mi kivim gudfala kakai ya mana we ihaed yet,mo bae mi kivim wan waet ston we igat wan niu nem oli raetem long hem,wan nem we inogat wan man isave be man we ikarem ston ya nomo bae isave.''' ¹⁸ Mo hemi kohed italem long mi se''yu mas raetem tok blong mi mo sendem iko long enjel blong jej ya Thyatira: 'Tok ya hemi blong Son blong God,we ae blong hem istap laet olsem faea mo leg blong hem i saen olsem bras we man iravem blong mekem isaen we isaen gud: ¹⁹ ''Mi save wanem we yufala imekem:mi save finis we yufala istap bilif long mi yet,mo yufala ol wokman blong mi mi save yufala igat longfala tingting long taem blong trabol.Mi save we yufala istap wok had bitim fastaem. ²⁰ Be mi no glad long sam fasin blong yufala:yufala iletem woman ia fasin blong hem isemak olsem Jesabel blong fastaem blong hemi stap wetem yufala,we hemi stap talem long yufala se hemi wan profet.Hemi stap mekem ol man blong mi oli stap ko lus oli stap mekem inogud wetem ol woman mo oli stap kakai ol kakai blong mekem sacrifaes long ol aedols. ²¹ Mi kivim sam taem blong hemi tanem tingting blong hem,be hemi no wantem blong tanem tingting blong hem from ol sin blong hem. ²² Yufala iluk!Bambae mi sakem hem antap long wan bed blong ol sikman mo olgeta we oli bin stap slip wetem hem bambae oli harem nogud bigwan,spos we oli tanem tingting blong olgeta long fasin we oli mekem wetem woman ya. ²³ Bambae mi kilim ol pikinini blong hem oli ded,Mi man ya we mi stap lukluk tingting mo hat blong man.Bambae mi kivim pei blong wanem we yufala istap mekem. ²⁴ Be yufala evriwan long Tuatira,iko long yufala evriwan we yufala no folem ol tijing ia mo yufala ino folem fasin ya we oli kolem tokhaed blong setan-mi gat toktok ya blong talem long yufala,'mi no putum wan narafala hevi samting long solda blong yufala.' ²⁵ Spos we ihapen,be mi wantem yufala iholem strong ol fasin ya kasem we mi kambak. ²⁶ Man we bambae hemi win long faetmo hemi mekem wanem we mi talem kasem en,bae mi givim olgeta raet mo paoa blong rulum ol kantri long ful wol ²⁷ 'Bambae hemi rulum olgeta kantri ya wetem wan aean stik,mo bae ismasem olgeta olsem wan graon pot long pisis. ²⁸ 'olsem we papa blong mi long heven ikivim.'mo bae mi kivim moning sta . ²⁹ Letem man we igat sora ,iharem wanem we Spirit istap talem long ol jej.'"