1
Nao Jisas italem long olgeta se,"tru mi talem long yu,bae igat sam long yufala we istap naoia we bae oli no save luk ded kasem taem kindom blong God ikam wetem paoa."
2
Six dei ipas,Jisas itekem Pita mo Jemes mo Jon oli ko antap long wan bigfala hil,olgeta nomo.
Nao oli luk Jisas ijenis long foret blong olgeta .
3
Ol klos blong hem oli kam waet mo isaen,
oli waet tumas,oli waet bitim ol klos we bleds isave klinim long wol ya.
4
Nao Elaeja mo Mosis ikam aot long foret blong olgeta,nao oli stap toktok wetem Jisas.
5
Pita i ansa nao italem long Jisas se,"tija,hemi gud mifala istap,mo bae mifala save mekem tri smol haos,wan blong yu,wan blong Mosis mo wan blong Elaeja. "
6
(From hemi no save wanem blong talem,from oli fraet tumas.)
7
o wan klaod ikam mo ikavremap olgeta evriwan.Igat wan voes ikamaot long klaod ise,"Hemia stret Son blong mi,yufala lesin long hem.
8
Semtaem,nomo oli lukluk raon,oli nomo luk wan wetem olgeta,be Jisas nomo.
9
Mo taem oli stap wokbaot ikam daon long bigfala hil ya,Jisas italem long olgeta se bae oli no talemaot wanem we oli bin luk kasem taem we son blong man bae ikirap long ded.
10
Nao oli kipim istap nomo wetem olgeta,be oli stap tokbaot long olgeta se "raesap long ded"iminim wanem.
11
Nao oli askem hem,"From wanem ol tija blong loa oli se Elaeja bae imas kambak feswan?"
12
Nao Jisas italem long olgeta se,"Elaeja bae ikam feswan blong putum bak ol samting.Be from wanem oli talem se pikinini blong man imas harem nogud from fulap samting we ibin mekem?
13
Be mi talem long yufala se Elaeja hemi kam,oli mekem wanem oli wantem blong mekem long hem,olsem we oli raetem a abaot hem."
14
Taem oli kam long ol disaepols,oli luk fulap man oli kam raonem olgeta,nao ol tija blong loa oli stap rao wetem olgeta.
15
Be ino long taem Jisas ikam,nao evriwan oli sapraes tumas nao oli ron iko antap long hem mo oli talem halo long hem.
16
Nao Hemi askem ol disaepol se,"yufala istap raorao wetem olgeta from wanem?"
17
Nao igat wan insaed long grup ya iansa se,"Tija,mi karem boe blong mi ikam long yu.
Hemi gat wan spirit we imekem hem ino save toktok .
18
I mekem istrong nao istap sakem hem daon,mo ol spet istap kamaot long maot blong hem,istap kakai tut blong hem istrong,mo bodi blong hem istrong.Mi askem ol disaepol blong yu blong karemaot spirit ya,be oli no save mekem."
19
Nao hemi ansarem olbeta se,"Yufala ol yangfala man blong tete,bae mi stap wetem ufala kasem wetaem?Bae mi stap klosap wetem yufala kasem wetaem?
Yufala ikarem hem ikam."
20
Nao oli karem boe ya ikam long Hem.Taem spirit ya iluk Jisas,ihariap bodi blong smol boe ya iseksek bakegen.Hariap nomo boe ya ifoldaon iko long graon mo sped istap kamaot long maot blong hem.
21
Jisas iaskem papa blong hem se,"Hamas yea sik ya istap long hem?"Nao papa blong hem ise,"istat taem hemi bon.
22
Samtaem imekem hem ifoldaon iko long faea o wota rabis spirit ya itraem blong spolem hem.Spos yu save mekem eni samting, plis yu sori long mifala mo yu helpem mifala."
23
Jisas italem long hem se,'"Spos istret'?evri samting bae igud long olgeta we oli bilif."
24
Hariap nomo papa blong boe ya ikrae strong mo italem se,"mi bilif!helpem mi blong mi bilif strong mo!
25
Taem Jisas iluk bigfala grup oli stap ron ikam long hem,Hemi rebukim rabis spirit ya mo italem se,"yu leko smol boe ya from hemi no save harem wan samting mo ino save toktok from yu,mi stap komandem yu,kamaot long hem,mo bae yu nomo ko insaed long hem bakegen."
26
Rabis spirit ya imekem boe ya isingaot bigwan mo ileko hem mo iko.
Boe ya olsem hemi ded,nao fulap man ise,"Hemi ded."
27
Nao Jisas itekem hem long han blong hem mo ileftemap hem,nao boe ya istanap.
28
Taem Jisas ikam insaed long haos,nao ol disaepol blong hem oli askem hem nomo se,from wanem mifala no save ronem aot devel?"
29
Nao italem long olgeta se,ol samting olsem yu no save ronemaot nating olsem be tru long prea nomo."
30
Oli aot long ples ya mo oli pas iko tru long Galili.Jisas ino wantem eni man isave se oli ko long ples ya,
31
from hemi stap tijim ol disaepol blong hem.Hemi talem long olgeta se,"Son blong man bae oli putum hem long han blong ol man,mo bae oli putum hem ided.Mo taem oli putum hem ided,afta long tri dei bae hemi ikirap bakgen."
32
Be oli no kasem gud wanem hemi stap talem long toktok blong hem,be oli fraet blong askem hem.
3533
ta we oli kam long Capenaum.Nao iko insaed long haos nao iaskem olgeta se,"taem yufala istap wokbaot long rod yufala stap tokbaot wanem?"
34
Nao evriwan oli stap kwaet.From taem oli stap wokbaot oli stap raorao se hu nao hem save mo long olgeta evriwan.
35
Oli stap sidaon,nao hemi singaot ol twelf man blong hem nao italem se,"spos wan long yufala we iwantem kam feswan,bae hemi kam las mo bae hemi wokman blong evriwan."
36
Jisas itekem wan smol pikinini nao iputum hem isidaon antap long leg blong hem long midel blong evriwan.Hemi karem long han blong hem nao italem long olgeta se,
37
"Sapos tingting blong yu olsem wan pikinini bae yu save ricivim mi;sapos man iricivim mi iolsem we istap ricivim Papa blong mi we isendem mi."
38
Nao Jon italem long hem se,"tija,mifala iluk wan man istap ronem aot ol devel long nem blong yu nao mifala stopem hem,from hemi no folem mifala."
39
Be Jisas italem se,"yu no stopemem,from inogat wan man isave mekem wan merikel wok long nem blong mi mo klosap nao bae oli talem ol nogud samting from mi.
40
Eni wan we ino ko agensem yu hemi blong yumi.
41
Eni wan we ikivim wan cap blong wota blong yu drink long nem blong mi from yu blong kraes,tru mi talem long yu,bae hemi no save lusum rewod blong hem.
42
Eniwan we imekem wan long ol pikinini blong mi ifoldaon long bilif blong hem,hemi gud blong oli hangem wan bigfala ston long nek blong hem mo draonem long dip solwota.
43
Sapos we han blong yu imekem yu foldaon,katem aot.
Hemi gud blong gat wan han nomo blong kasem laef,ibitim we yu gat tu han mo bae yu ko long hel faea.
4445
Sapos leg blong yu istaap mekem yu foldaon,katem aot.
Hemi gud blong kasem laef wetem wan leg bitim hemia we yu gat tu leg be bae yu ko long hel faea.
4647
spos ae blong yu istap mekem yu foldaon,igud yu tekemaot.
Hemi gud blong kasem laef wetem wan ae bitim we yu gat tu ae we bae oli sakem yu ko long hel faea,
48
ples we ol wom oli no ded,mo faea ya ino save ded.
49
From evri man bae oli klin long faea olsem oli sakem sol long animol blong sacrifaes.
50
Sol hemi gud,be taem sol ilusum tes blong hem, hao nao bae yu save mekem isol gud bakegen?yufala igat ol sol raon long yufala,yufala mas gat pis wanwan long yufala."