1
Nao Jisas ileko ples ya nao ikamdaon long provens ya Judea nao iko stap narasaed long Jodan riva,mo fulap man oli kam long hem bakegen.Hemi stap tijim olgeta, olsem we oltaem hemi stap tij.
Sam long ol farisi oli kam long Jisas oli wantem traem blong mekem hemi foldaon nao oli askem hem se,"olsem wanem sipos wan man imekem divos long woman blong hem?"
3
Jisas i ansa se,"wanem nao Mosis italem we hemi oraet long yufala?"
4
Nao oli talem se,"Mosis hemi allaowem mifala nlong raetem wan leta blong divos nao yu save sendem aot hem."
5
Jisas italem long olgeta se,Mosis iraetem loa from we hed blong yufala istrong tumas,"Jisas italem long olgeta.
6
"Be long stat blong kriesen,'God imekem olgeta man mo woman.'
7
'From samting ya nao man imas leko papa mo mama blong hem mo ko joen wetem woman blong hem,
8
mo man ia wetem woman ya bae oli kam wan.Nao bae tufala inomo kam tu be oli kam wan.
9
From saming ya God iputum tufala tugeta,bae nogat man isave seraotem tufala."
10
Taem Jisas hemi ko insaed long haos ol disaepol oli askem hem bakegen.
11
Jisas italem long olgeta se,"sapos wan man imaret afta hemi divosem woman blong hem mekem adoltri long woman ya.
12
Sapos woman idivosem man blong hem mo istap wetem wan naraman,hem tu imekem adoltri."
13
Nao oli tekem ol pikinini blong olgeta ikam blong Jisas blong hemi tajem,beol disaepol oli blokem olgeta.
14
Be taem Jisas hemi save,Hemi harem nogud mo italem long olgeta se,"Letem ol pikinini ikam long mi,yufala ino blokem olgeta blong kam long mi,from kindom blong God hemi blong olgeta we tingting blong olgeta iolsem ol pikinini.
15
Tru mi talem long yu,wan man imas kam olsem wan pikinini blong hemi save ko long kindom blong God."
16
Nao Hemi tekem ol pikinini ya iputum han blong hem raonem olgeta mo iputum han long olgeta.
17
Taem Jisas hemi stap kohed long wokbaot blong hem,wan man hemi ron iko antap long hem mo hemi nildaon bifo long hem mo iaskem se,"gudfala tija,wanem nao bae mi mekem blong kasem wan laef we ino save finis?"
18
Jisas italem se,"From wanem yu singaot mi se gud?Nogat wan hemi stret be God nomo.
19
Yu save ol loa:no kilim man,no slip wetem naraman o woman,yu no stil,no mekem kiaman long nem blong naraman,no tekem samting we ino blong yu,yu hona long papa mo mama blong yu."'
20
Man ya ise,"tija,evrisamting ya mi stap folem taem mi wan yut."
21
Jisas hemi lukluk hem mo isoem laf blong hem long man ya.
Jisas i talem long hem se,"wan samting istap we yu no mekem.Yu mas salem evri samting mo kivim mani iko long ol pua,mo bae yu gat ol gudgudfala samting long Heven.Afta yu kam,folem mi."
22
From toktok ya hemi harem nogud tumas nao hemi wokbaot iko wetem wan hat we iharem nogud,from hemi gat fulap samting.
23
Jisas ilukluk raon mo italem long ol disaepol se,"hemi had tumas blong wan man we irij blong ko long kindom blong God!"
24
Ol disaepol oli sapraes tumas long toktok blong hem.Be Jisas italem long olgeta bakegen,"Ol pikinini, ihad olsem wanem blong ko long kindom blong God!
25
Hemi isi blong wan kamel iko insaed long ae blong nidel mo istrong blong rij man iko insaed long kindom blong God."
26
Ol disaepol blong Jisas oli sapraes tumas mo oli talem longbolgeta wanwan,"Be hu nao bae hemi sev?"
27
Jisas hemi lukluk olgeta nao italem long olgeta se,"wetem ol man ino posibol, be ino wetem God.
From evri samting wetem God hemi posibol."
28
Nao Pita istat blong toktok wetem hem,"Luk,mifala ileko evri samting mo mifala ifolem yu."
29
Jisas italem,"Tru mi talem long yu,inogat wan we ileko haos o brata o sista o mama o papa o pikinini o graon from mi or from gud nius.
30
Naoia long wol bambae God ikivim ol man ya sam mo gudfala samting bitim ol samting we oli leko istap,i mo long wan hundred taem! Bae oli gat haos mo ol brata ol sista ol mama mo ol pikinini long ples,mo ol man bae oli agensem olgeta mo fuija bae ikam bae olgeta oli gat laef we inosave finis.
31
Be fulap we oli feswan bae oli las wan,mo olgeta we oli las bae oli kam fes."
32
Oli stap long rod bakgen blong ko antap long Jerusalem,nao Jisas hemi stap ko feswan long olgeta.Ol disaepol oli stap sapraes,mo olgeta we oli stap bihaen oli fraet.Nao Jisas itekem olgeta twelf iko long saed nao itoktok long olgeta wanem bae ino longtaem bae ihapen long hem.
33
"Luk,yumi stap ko antap long Jerusalem,bae son blong man bae oli putum hem long han blong ol jif pris mo ol tija blong loa.Bae ol lida blong jiu bae oli kilim hem mo putum hem long han blong ol jentael.
34
Bae oli kilim hem,sped long hem,wipim hem,mo bae oli putum hem long ded.Be afta long tri dei bae hemi laf bakegen."
35
Jemes mo Jon,tufala boe blong Zebedi,oli kam antap mo luk hem mo tufala italem se,"tija,mifala wantem yu mekem wanem we mitufala iwantem blong yu mekem."
36
Nao Hemi talem long olgeta se,"Yufala wantem wanem blong mi mekem long yu?"
37
Oli talem se,"yu letem mifala blong sidaon wetem yu long ples blong yu,wan long raet han mo wan long lef saed."
38
Be Jisas hemi ansarem olgeta se,"Yu no save wanem we yu stap askem.Yu save drink long cap we bae mi drink long hem mo bae yu save harem nogud olsem we bae mi harem nogud?"
39
Nao oli talem long hem se,"Mifala save mekem."
Jisas italem long olgeta se,"cap ya we bae mi drink long hem,bae yufala idrink,mo safaring we bae mi kotru,bae yufala tu isafa.
40
Be man we bae hemi sidaon long raet or lef blong mi ino mi blong kivim raet ya,be hemi blong olgeta we ol redi istap."
41
Taem ol nara disaepols oli harem nius ya,oli stat blong kros long Jemes mo Jon.
42
Jisas hemi singaot evriwan ikam long hem nao hemi talem long olgeta se,"yufala save fasin blong ol haeman, we oli wantem ol man istap antanit long olgeta.
43
Be bae ino olsem long yufala.Sapos wan iwantem kam ihae long evriwan bae hemi mas kam wan wokman fastaem,
44
Mo man we hemi wantem kam feswan hemi mas kam wan slef blong evriwan.
45
From son blong man hemi no kam blong man isevem hem,be hemi kam blong kivim laef blong hem,blong sevem fulap ol man."
46
Nao oli stap kam daon long Jeriko.Hemi leko ol disaepol blong hem wetem wan bigfala grup,igat wan boe blong Tamaeus, Batemias,wan man we iblaen istap askem from ol samting,hemi stap sidaon long saed blong rod.
47
Taem hemi harem se Jisas blong Nasaret,hemi stap singaot mo italem se,"Jisas,son blong Daved,plis yu gat sori long mi!"
48
Fulap oli tok strong long blaen man ya,oli talem long hem blong hemi stap kwaet.Be hemi krae strong moa,"Son blong Daved,plis yu sori long mi!"
49
Jisas hemi stop mo hemi singaot hem.
oli singaot blaen man mo talem long hem se,"yu wan strong man!yu kirap!hemi stap singaot yu."
50
Hemi sakem ,kot blong hem iko long saed,istanap hariap nomo,mo ikam long Jisas.
51
Jisas ansarem hem se,"yu wantem blong mi mekem wanem long yu?"
Nao blaen man ya ise,"tija,mi wantem lukluk bakegen."
52
Nao Jisas italem long hem se,"yu ko.
fet blong yu ihilim yu."
Hariap nomo hemi save lukluk gud bakegen,nao hemi folem Jisas long rod.