¹ Paoly, apostoly_ tsy apostoly avy amin'olona na avy tamin'olona, fa avy amin'i Jesôsy Kristy sy Izy Andrimanitra Aba, zegny nanangana an'Azy tamin'ny maty _ ² sady ny rahalahy marobe miaraka aminaha, an'ny fiangonanan'ny Galatiana io: ³ Fahasoavana ho anareo de fiadanana avy amin'Andriamanitra Iabantsena miaraka amin'i Jesôsy Kristy Tompo, ⁴ ny nagnome ny tegnany ho an'ny fahotantsena mba hangalany antsena amin'izao andron'ny faharatsena zao, magnaraka ny sitrapon'Andriamanitra sy Iabantsena, ⁵ ho an'Azy anie ny voninahitra mandrakizay doria. Amena. ⁶ Nahagaga anaha fa nenga malaky tamin'ny nagnantso anareo tamin'ny fahasoavan'ny Kristy anareo. Nahagaga anaha fa filazantsara hafa ndreka itodianareo. ⁷ Izany de tsy midika nefa fa misy filazantsara hafa, fa misy olona maromaro te hitondra fagnakorotagna ho anareo sady te hegnova ny filazantsaran'i Kristy. ⁸ Fa ndre ahay ndre ny anjely avy an-danitra aza hagnambara filazantsara hafa aminareo akôtran'izay efa nambara taminareo, de avelay izy voaozogna. ⁹ Karan'ny nizakainay taloha, de amin'izao aho magnmbara ndreka hoe: "Na misy olona magnambara aminareo filazantsara hafa akôtran'ny egny niresinareo, de avelay izy ho voaozogna." ¹⁰ Izaho ma amin'izao ka miaragna dera amin'olona sa Andriamanitra? Izaho ma ka magnano raha hampifaly olona? na mbola magnano zegny raha hampifaly olona aho, de tsy mpanompon'i Kristy. ¹¹ Fa teko ho fantanareo, ry rahalahiko, fa ny filazantsara zegny nambarako de tsy filazantsaran'olombelona. ¹² Tsy tamin'olona no nandresako an'izany, na nisy nampianatra anaha an'izany. Fa izany koza, de fagnambaran'i Kristy taminaha. ¹³ Fa anareo de naregny ny amin'ny fiaignanako taloha tamin'ny fomba fivavahan'ny Jiosy, mbàn'ny fomba nagnanjahako ny fiangonanan'Andriamanitra ambonin'ny tokony ho izy ndre de ny fiezahako handrava an'izany. ¹⁴ Niditra laligna tamin'ny fivavahan'ny Jiosy aho ambonin'ny maro tamin'ny nitovy taona taminaha, avy amin'ny zegny raika firenena taminaha. Karan'izany ny raha nitànako ny fomban-drazagnako. ¹⁵ Nefa Andriamanitra, de efa nanokana anaha atankibon-dreniko, de nagnantso anaha tamin'ny fahsoavany, ¹⁶ ndreka faly naneho ny Zanagny lahy taminaha, mba hahafahako mampafantatra an'Azy amin'ny Jentilisa, de tonga tsy nieritreritra tamin'ny nofo sy rà aho. ¹⁷ Tsy niakatra tagny Jerosalema ho agny amin'ny zegny manjary Apostoly talohako aho. Fa koza, nandeha tagny Arabia de aveo nierigna tagny Damaskosy aho. ¹⁸ Telo taona tafara taty de niakatra tagny Jerosalema hikanfantatra amin'i Kefasy aho sady nijanogna niaraka tamin'azy natagntin'ny dimy ambin'ny folo andro. ¹⁹ Tsisy hitako ny Apostoly akôtran'ny Jakoba, rahalahin'ny Tompo. ²⁰ Sady amin'izany soratako aminareo, de magnome toky anareo aho agnatrehan'Andriamanitra, sady izaho tsy mametsy. ²¹ Aveon'igny aho de tamin'ny faritran'ny Syria sy Kilika. ²² Mbola tsy lala tamin'ny fiangonan'i Jodia amin'ny Kristy aho. ²³ Regnin'iary zareo fotsiny zegny nizakaina hoe: "Ralilahy nagnanjaka antsena taloha igny de amin'izao de mampafantatra ny finôna nipotehina taloha." ²⁴ Izany ny antony ideran'iary zareo an'Andriamanitra avy aminaha.