¹ Ia o iko, mo tatataki no na kwa e i makumaku qa na i vavuvuli du. ² Vavulicira ni na tuqwaqwa me ra borokutukutu nia no, me ra yalodu, me makumaku ledra vabautia, me ra dau solisoli i na loloma qa na vosolia. ³ I na cale vu vata kwe, vavulici ra na vibulou tuqwaqwa mera colataki no na savasava, mera kua ni dau vitatavui, coricori, qa ra kua ni bobula i ina waini, ia me ra i vaka raitaki ni kwa vina, ⁴ Qa mera vonotaki ni ra muni na yalewa sa vou mera lomanira ledra twagane qa in ra na ledra dradra ⁵ Me ra yalomatua,, dau tara vina ledra cakacaka ni vuniwere, dau vavovogo vuara ledra twagane, me kua ni dau vakasabusabutaki na i tukutuku ni Kalou. ⁶ Ia na i vavuvuli vata ga kwe, valomatira ka na saravou me ra vakagatakinia vakamatou ledra vaka tu lewa; ⁷ I na vicalane taucoko, vakayataki niko mo tia vakaraitaki i na ni kwa vina. ⁸ I na lem i vavuvuli, vatakea i na yalo savasava, qa na i tukutuka cakaca mera kwaya i va keta. ⁹ O kora na bobula me ra dau yalo savu vuara ledra liuliu ni cakacaka, i na XXikwa taucoko, me re vamarau takinira qa kua ni ra dau viyaloca. ¹⁰ Me re kua ni dau drivatira i a me re tia i vakaraitaki ni vi vabautia vina. Me rewa ni va vaka tubunia na i vavuvali ni Kalou na ledai i Vakacola. ¹¹ Mai na lagilagi ni Kalou sa tase ina ledra va colai, na tamata taucoko. ¹² E i vavulici keta me te duarakinia na i vavuvuli tam vaKalou qa na gaga dre vakayalomatua, vakanamata no i na cola va Kalou i na vura vara kwe, ¹³ Qa te nanamaki no i na leda sovia leda kalougata te sa nuitakinia tu, na kia qa na i Vakacola o Jisu Karisito. ¹⁴ Jisu a solia koya baleti keta me va qwalalalataki ni keta mai na vivalavala cakacaka taucoko qa vakasauasauataki ni keta vua me ‘te tamata tenilia talia qa gadretakinia na tara na vicakaka vina. ¹⁵ Qi tukuma no na vikwa kwe, mo valomatira no na tama me re vayaco, qa solia na vivakadodonutaki, i na gwalala. Me kua ni lei e i letiko ka. ¹⁶ Na i Fukutukui vina taucoko sa vu mai vua na Kalou. E i sa yaga vakalevu sara me karavia na caka ca me ma rewa ni tara muni na vivaka dodonutaki qa ra lei vakavuli i na vikwa dodonu. ¹⁷ O kora na tamata ni Kalou me ra rewa ni vakarautaki nira tu, qa vaka i yara gitaki nira tu ina cakacaka vina.