¹ Ia o Melikiseteki kwe, na momo i Selemi, qa bete ni Kalou teelagi talia, a laitutu waraki ni Eparayama vali ina lea lew mai na valu tira na momo qa sa vakalougatataki nia. ² Asa solia muni vua o Eparayama nai Katini ni kwa taucoko. Nai matai, nai vakhavakhadewa ni balebale nia yaca, “momo dodonu, “ okoya muni na “ momo, ni Selemi,” qa tia “momo ni vakacegu.” ³ O koya a tamlai vakawai o tamaya, se o mnaya, se na leya kawwa, nai tautaula ni lea cola se na vanua a cava vura lea coka. A wetai sara ga muni na luve ni Kalou, a tia bete vakalia tu o koya. ⁴ Oba sa tolavia na tetelagi ni toguane kwe o Eparayama re na leda tuqwaqwa ia I dau solia no vua nai Katini ni kwa coko irewa mai nai valu. ⁵ Na yamsa ni Livai are sa qei aqomia na cakacaka vakabete nira sa qei lai vakaroti kha ina vuku ni lawa mere covakhi nia mai vuara na tamata nai sevu, io, ra kora na wekadra, ia ei du no, iva kora, nire tia kawa coko no boto mai va Eparayama. ⁶ Ia o Melikiseteki, ei tam tautau vata qara na ledra yowusa, ia i vai vota vota ni sevu mai va Eparayama, qa vakalougatatakni ni koya, o koya a lea na tata ni yalayala. ⁷ I tam qei vatitiqhataki rewa ni tata ni vakalougatakhi ni kora ere sewasewa o kora na tetelagi. ⁸ Ia e tiki kwe, ere vaivotavota ni sevu na tamata mate, ia e tekimuni kwe terewa ni vadudutakhi nia kha ni cola no okoya. ⁹ Ia, maga i vatarai mequ tata, Livai, are ciqomia na sevu, a dau solia muni na sevu va Eparayama, ¹⁰ baleti Livai a no vali ina buto ni dedru kawa ina gauna a sotavi parayama kha o Melikisetekhi. ¹¹ Ia maga mere rewa vina na vikwa a lai kwai o kora na mata bete ni Livai (ina ruku ni kwa kwe, na tamata mere sovia na lawa), ina a yaga vakayava me tase leqwa i lia na bete metai nai vakarau ni cola lei Melikiseteki, qa tam vatautau votakhi nai vakarau ni cola lei Eroni? ¹² Ina gauna i visau kha no matabete, na lawa muni idodonu me visau. ¹³ Mago i lia i vayaco na cakacaka kwe i tenilia na yarusa i laka mai kha, o kora na tam dau vaitavi se viqwaravi ina i cabocabo ni soro. ¹⁴ Kokhwe sa matakwa tu, ni sa sucu mai vuara na Juta na leda Momo, na yavusa koya tam kwaya lia du kha. Mosese mere bete. ¹⁵ Na kwa te kwaya sa qei matamatakwa vina sara ina gauna i tase leqwa kha ilia leqwa na bete me wetai saraga o Melikiseteki. ¹⁶ O koya talia kwe atia bete, a tam yavutaki mai na lawa vakatamata, ia mai na qwaqwa ga ni cola cola tam yalani rewa. ¹⁷ Nisa vadudutaki ni koya nai vola tabu: “o iko na bete i lala na kem I sosomi me wetou sa kwaya rewa tu o Melikiseteki.” ¹⁸ Sa qei teni bui nai vakaro makawa baletia nisa malumalum qa lala e bete- ¹⁹ Do na lawa sa lala kea yaga-ia nai nuinui vino ei sa vamacalataki no yati, koi tera ma toso valeke ga no vua na Kalou. ²⁰ Ia are sa qei bubului! Ia okora na keavo ni bete are tam bubului, ²¹ Ia sa qei yaco me bete qa bubului mai bua a lia a kwaya Jua, “na Momo sa yalayala rewa qana tam rewa vua me visautakhi nia leqwa lea vakasama? O iko na bete tam vaiyalayala?” ²² Sa qei yaco kha o Jisu me tia vakadei ni lia leqwa na viyalayalati ei vina cake leqwa. ²³ O kora are lesi mere bete are bi na kedrai wiliwili, ia na mate sa taro vira ga ina ledra no. ²⁴ Ia baleti Jisu sa cola qa tam vaiyalayala, sa lalalia muni va kora na matabete me so somitaki ni koya. ²⁵ I koya maga kwe ei sa rewarewa sara vua me va cola ni kora ere laka mai vua na Kalou mai e vu, baletia ni vuni lea cola no me daumasulakhi nira. ²⁶ I dolonu me leda i lia na bete me wetai kwe, me yala savasava, yalo vina, maakwa, tam vailala qara nai valavalaca, tetelagi me wetou na lomalagi. ²⁷ I lala vua na gadrevia na kwa, i tamucira na bete ya levu, me cabo no nai madrali ina visigu, ina tamata sila re na lea i valavala ca, sa qei ledra i valavala ca na tamata. Sa tara vaka lia du boto me baleti keta kece ina lea vacabori koya. ²⁸ Ia na lawa ei duci kora muni na bete yalevu na ledra malumalum. Ia na tata ni bubului, koi laka taravia mai na lawa, I dusi Luvea, o koya a buli me makumaku vina qa tawa vaiyalayala.