¹ Ia ko kwe, te qei deinia coko nai vakavuvuli ni tukutuku i Karisito qa te toso i mata mete matua mai. Te qei kua leqwa ni tauvavutakinia i lia na yavu ni vivutuni inai valavala tena mate ka ina leda vakabautia na Kalou. ² Me kua leqwa na yavu ni vakavuvuli baletia na vipapitaiso, qana vitabaki ina lima, o kora botomuni na dure leqwa mai na mate, qa nai totogi mate. ³ Tena tara na kwa kwe ma i vadonia na Kalou. ⁴ Ni sa dredre sava iva kora ere sa vakavoui rewa ara sa tovele oti nai soli soli vakalomalagi, qara sa wasetu na Yalo Tabu. ⁵ Qara sa tovele rewa nai tata vina ni Kalou qa na qwaqwa ni cola isi bere mai, ⁶ A ra sa lutu leqwa- ni sa dau dredre meru lesu, leqwa mai mere visau. Ina vuku i baletia are vakoti koya na Luve ni Kalou vataki ni kora leqwa, qarara maduatakini koya medra mata na tamata. ⁷ Ina vivanua ere dau som ka ina u ca na gauna i dau tau vakalevu ka, qa vasucu ni kora na runikai i yaga vakalevu ina qwele na kea tara ka na laulau-na vivanua kwe ina yaco noko na lea vivakalougatataki mai vua na Kalou. ⁸ Ia ma i vuatakinia na vua ni kai gadrogadro qana soni, ina tam yaga qa sa voleke ni lei vorisi. Na tinitini mena bula. ⁹ Mam sa nuitakinia no na vikwa vina baleti iko, iva kora botomuni ere sa lei lomani, na vikwa i swea mera cola ka; iba na tatano me wetai ga. ¹⁰ Na Kalou i tam drewa ni tam dodonu. Ina tam drewa ni numideinia na lem cakacaka qa lomani iko salia no mai e yaca, baletia o iko o qwaravi- kora tu lea tamata yalo savasava, qa osi qwaravi kora tuga. ¹¹ Iba nuitakinia iva vatikem yalia moba vakaraitakinia no me tautauvata no na vatilem mamakutu me yaco via sara na kea otioti, me rewa ni duno na kwa oba nuitakinia. ¹² Mo kakua ni vucesa mai, mo ba takuci kora ga o kora era sa vakabautia qa na vosotia vaka balavu na kwa sa yalataki. ¹³ Iana Kalou sa yalatakinia iva Evarayama, a sa bubului vataki ni koya ga, ina tam cavutia leqwa i lia mena levu cake. ¹⁴ Asa kwaya o koya, qina vakalougataki ni iko vakalevu qa qu na solia iva iko me levu lem kawa. ¹⁵ Ina calevu kwe, O Evarayama yasa lea na kwa sa yalataki ina vuku ni lea wawa tu mai vakabalavu. ¹⁶ Ia nira bubului o kora na tamata ivua ilia mena leru cake mai vakora. Ni dau oit ledra viborisi, i dau yaco na bubului mei vadudu ni kwa sa yaco. ¹⁷ Ia na Kalou idau vatakei koya mai vakavina iva kora i ledra nai radudu ni ledra na kwa i yalataki i dau tudei lea lewa, i dau vadudutakinia na lea bubului. ¹⁸ I tara okoya i rua na kwa i tam risau- ina tam rewa ivua na Kalou mena cori-o keta, te sa tuba ina lea vakacegu,k tena tu vaqwaqwa mete qulimia koya raqwaqwa me viritu meda mata. ¹⁹ Me tau tu iva kea mai vakadei qai kelekele ni meda yalo, me tena rusuvia yati mei kelekele ni meda yalo ina tiki ni latilati. ²⁰ E tiki sokwe o Jisu, asa teitei matatakini keta, asa rusuvia na vanua sokwwe me ledai liuliu. O koya sa leda bete levu qa tawa mudu me wetai lei valavala o Melikiseteki.