¹ Me wetai va vatikem, o ba sa mate tu ina vatilem dau yato cala qa nai valavala ca. ² A lia na gauna o ba laka no ka, me wetai na gagadre ni vuravura kwe. O ba vali me wetai na lea lewa na taukei ni cagi, ko na yalo e i cakacaka no vua na luve ni taleidredre. ³ A lia na gauna te no qara vali na tamata kwe, me te vayaco na gagadre vakayago, te tara muni na gagadre vakayago qa kea vakasama. Leda sucu mai o keta te tea luve ni lai borisi, me wetei na vo ni kawa tamata. ⁴ Ko na Kalou i sinaivutuvutu na vivosoti kwe, qa na levu ni lea loloma ko a lomani keta ka ⁵ O keta te sa mate tu i na leda yato cala, a qei vacola ni keta bale ti Karisito- i na lea yalo loloma o ba sa vocalai ka. ⁶ Na Kalou a tuberi keta cake vata qa Karisito qa vano ni keta vata ina vivanna valomalagi baleti Karisito Jisu, ⁷ I na viganna mai taku me tatakea iva keta na lea loloma kevu tam vaiyalayala ko i vatakea na lea yalo vine iva keta baleti Karisito Jisu. ⁸ Na lea loloma ga o ba vakolai ka i na vuku ni vabautia, ko kwe tam laka mai va vatikem, i lea i solisoli loloma na Kalou, ⁹ Lala ina cakacaka, me kua ni lia me dokadoka ka ¹⁰ I keta na lea i bulibuli talei na Kalou, te buli me te na Karisito Jisu me te tara na kwa vina me wetai sa tuvania rewa tu ne Kalou baleti keta, me te vatakutakucia muni. ¹¹ O ba numia na vatilem loi matanitu tem vali vakayago. O ba lei co vali tam druta ko i sa lai kwai vali druta rewa vakayago ko i tara na lima ni tamata. ¹² Na gauna sokwe o ba vatikitiki dei taki mai va Karisito, koi vanua teni ina matanituo Isireli, ba vulagi i na yalayala ko a yalataki, lala na i nuinui qa lala vatilem Kalou i na vuravura kwe. ¹³ Ko kwe baleti Karisito Jisu o vatikem na dau yawa tu mai vua na Kalou o ba sa lei mei vakolo sara mai baletia e dra na Karisito. ¹⁴ O koyad vataki ni koya leda vu vu vakacegu, e i vavunia o koya me te lia vata. Ie yago sara ga a varusania civo sara ga lalaga ni vicakati. ¹⁵ A taunia vatikitiki na lawa qa kea i vanau qa lea i vakaro me rewa vua me bulia vataki ni koya e i lia na tamata i vou mai na rua, me vu vu vakacegu. ¹⁶ O Karisito a vahavata taki ni koru na tamata ruarua kwe me lia ma ga vua na Kalou i ina vuku ni kaiveitalai, qa vamatenia vakalia na vicacati. ¹⁷ A laka mai o Jisu qa mai kacivaki nia na i tukutuku ni viva cegui iva kem na no yawa tu qa na vakacegu iva kem na vakolo. ¹⁸ I e vuku boto ni Jisu tima rewa ni vaivotavota vata ina lia boto na yalo iva Tamaya. ¹⁹ Ko kwe, vatikem na koi matanitu teni, o ba sa tam koi teni se ba vulagi. O ba sa tea lewe ni vanua vata qa i kora na tamata vatabui ni Kalou qo ba sa teli mo ba vuniwere lea na Kalou. ²⁰ O ba sa buli cake ina ledra yavu na i avositoloqa ra na parovita, o Karisito Jisu vataki ni koya na kea vatu i e tutu. ²¹ I vua sara ga na yago ni were coko e re visotaraki ka qa re tubu me re tea were ni lotu vatabui ni Momo. ²² I vua sara ga muni o ba sa tara cake vata no mo ba lea i nono vali vakayalo na Kalou.