¹ Pita, na Avositolo. Jisu Karisito, ki va khora na no vali vavulagi, khora na digitakhi, Ponito, Kalatia, Kapa tosia Esia qa picinia. ² O kwe me wetai na lea vukhu na kalou na tamaya, me kora vasavasataki ina yalo tabu, me kora rewa ni talairewarewa qa me kureitakinia na dra i Jisu Karisito, Me valevutakinia va iko na lea loloma qa na lea Vacegu. ³ Na leda Kalou qa na Momo ni vatileda Turaga Jisu Karisito me vavinavinatakhi, ena lea loloma. Okoya a vogania vaketa na sucu vou ni lea cola leqwa mai na mate ko Jisu Karisito. ⁴ Akwe meta na taukenia na i lesilesi ni na lala me lia mena rusa, ena lala ni dukadukali qa na tam malai muni. Ni sa maroroi Vali mai lomalagi va iko. ⁵ O ba sa maroroi vali ina kaikai ni kalou qa na lea vabautia ina cola sa varautakinia me na qai vacedrevi ina otioti ni gauna. ⁶ Akwe o ba sa marautakinia valeru du la na gauna lekeleke boto kwe ea sa yaga, o ba sa vararawataki ina vei coriti e vuqa. ⁷ Me laudani ka na vatilem vabautia baletia a sa vatovolei, me marautaki valevu qa talei vasewa na koula sa caka ca rewa, me vavina vinataki, me dokai qa me vacau cataki na lea rairai vali mai ko Jisu Karisito. ⁸ O ba si tam tolavi koya, la Vatikem si lomania ga, O ba si tam tania nikua, la vatikem sa vabautia ga ina marau, marau a laukwai vina sara. ⁹ Vati kem sa rewatia na tinitini ni vatilem vabautia,ia, qa na cola va iko. ¹⁰ Na cola khora sa tarogia na parofita, na parofita a parofisai takinia me baletia na loloma a lakha mai va iko, vatolavia vavina sara. ¹¹ A ra sa vadania si gauna yava, se yava na gauna asa vatikilati va koora na yalo ni kalou sa nodolci no i buto va iko, ni a kwaya i mata na rarawa i karisito qa na kwa vina sara ina taku mai. ¹² A sa vatakilai va khora ni a khoru a lala ni rewa ni qwaavavi ichoru vatakini ichoru ia bilco ga, na gauna a ra tata kha me baletxx na kwa vunau taki va khora ina tata ni kalou qa na yalo tabu. A vatalai mai lomalagi ina kwa kece kew a vinatia okora na agilosi me na tolavi. ¹³ Ba yalomatna, qa vatikem vanuinui vali me yacovia na i vato otioti me ba na rewatia kha na loloma na meya mai mo vatikem ina gauna na lakha mai kha O Jisu Karisito. ¹⁴ Me wetai na driadria dau talai – rewarewa, me kua muni ni no vali na gagadre ca vo vatikem ina gauna ni riva. ¹⁵ Ia a sa yalo sa va sa va o Koya ni lai covi na kalou savasava, mo ba yalo savasava muni ina kwa kecega. ¹⁶ Ni sa volai, ba yalo savasava me wetai ni qu yalo savasava ko au. ¹⁷ Ia mo ba coco, momo, okoya na lewai kora vaka yalia me wetai na kwa kora a tara baletia ni ta se vulagi. ¹⁸ O ba sa leilatia ni tam voli ina veikwa kecega, na siliva se ina koula qa oba sa rewatia ga mai vo vatileda tuqwaqwa. ¹⁹ Ia na dra boto ga i Karisito, me wetai na lami sa tam tauvi duka se caka ca e lia e tiki. ²⁰ O Karisito a tauyavutaici ni se bere na vuravura, la akwe asa qai vatake m=vo vatikem ina i otioti ni gauna. ²¹ Ia a ba sa vabautia na kalou, okoya a dure mai na mate qa vagania nai ukuuku, me baletia na leda vabautia qa na vanuinui sa no vali vua na kalou. ²² Ba sa va savasavataki na yalo talairewarewa qa na du. Mo ba veilomani qa ra na wekai vatikem ina loloma. ²³ O ba sa sucu leqwa mai, a lala mai na lila vuca rewarewa, la ina tata ga ni kalou ka tudei ka tawamudu. ²⁴ A sa we tai no O na tamata taucoko, qa sa wetai muni na se ni O nai ukuuku taucoko yalia ni tamata dau malai muni O qa sa mira mu ni me e se. ²⁵ Ia ni sa tata na kalou sa dei ka tawamudu.