¹ Sa vakaroti va ichora ko koya me va kua ni yalo ca, mo ba gadrevia ga na tata ni kalouio kwe me vatikem denia dei na yalo ca, na dau vakaisini, dau kwakwai, na dau tata caka ca, dau borisi. ² Mo ba wetai na driadria a si qai sucu boto mai, qa mo ba dau godrevia muni na vavuvuli sa wetai na wai-ni-sucu du mo ba na tubu khai. ³ Akwe e du me o ba vatovoleia ni sa yalo loloma na kalou. ⁴ O ba sa lakha mai vua, na vatu cola cha sa biutia ico khora na tamata. Ia na kalou a digitalci qa sa talei. ⁵ O vatikem muni, me wetou ba sa veivatu colacola, ba sa tara yata mo ba were ni vayalo, sa vina vua na kalou ina vukku i Jisu Darisito. ⁶ O koya sa no muni i na i vola tabu Dania qu sa viritakinia mai saioni na vatu ni yaavu, leka vina. Ia ko koya sa vabautia ina lala mei vamaduataki. ⁷ Ia O vatikem o ba sa vabau tia kwe ia va ichoru a tam vabautia Na vatu a ra biiu tia o Kora na matai ni sue, a sa yaco me va dei ni tutu ni Jue. ⁸ Iga na vatu khara sa tarabe kha qa na vatu khara sa lutu kha ni khora a talaidredre ina lea tata na lea lou. ⁹ Ia o vatikem na taba tamata digitaki, matani tu yalo savasava tamata taukenia na icalou, mo ba vataitakinia kha na lea vina o koya a covi vatikem mai na gilo ki na cece. ¹⁰ Oi vatikem a lala ni tamata taukei tu imata, ia okwe o ba sa tamata ni kalou. Vatikem dau lala ni lomani, ia o ba sa lomani. ¹¹ Oi vatilcem na lomani, qu sa vamasuti vatikem mo ba qarauni vali mai na gagodre caka a ni yago, sa vala kha na yalo. ¹² Ba dodonu na vatilem i valavala ina kedru maliwa khora na tam lotu me wetai o kora varokoroko taki kha na kalou ina siga ni veiyato yala. ¹³ Ba talairewarewa ina lesilesi tauroko ni tamata ina vuku ni turaga si mai vo koya na tui, a sa tei mata sara. ¹⁴ Se vo kora na momo ni lewa, me wetai mai va koru sa talaki mai vo koya me bonsi kha o kora na dau tara na ca me dokai o dera sa caka vinal ¹⁵ A sa loma ni kalou, mo ba galu lakinia na kwa ina na ledra tata caka ca na tamata riva. ¹⁶ Mo ba wetai na tamata gwalala, ia, mo ba kakua ni vagatakinia me vuni no ralo ca la mo ba wetai ga na tamata ni kalou. ¹⁷ Dokha na tamata taucoko. Lomani ichora na veiwekani. Matakucia na kalou vatokorotakinia na tui. ¹⁸ O vaticem icece na tamata bobula, ba talai rewarewa va khora na turaga. Lala boto va ichora na yalo vina kha yalo malumalumu. Va khora muni sa yalo vatani. ¹⁹ Ia me wetai e lia sa vosotia na rarawa ni a vararawataki me baletia ni sa ina vua na icalou. ²⁰ Ia, ba na rokovi vaka yara, ia me ba na vosotia na kwa ca, vatikem na vina icha. Akwe sa kwa vina ina mata ni kalou. ²¹ Akwe o ba sa lai co, baleti barisito na rarawa ina vulcui vatikem a sa vadenia vo vatikem na varau mo ba na takucia e mave ni la. ²² A lala ni tara e lia na kwa ca o koya, qa tom lau dani mai e gusu me lia na veivakaisini. ²³ A sa vakararawataki vali, sa tam tata borisi tu sa deni koya boto vua sea lewa vadodonu. ²⁴ O koya boto ga a colatia na leda i valavala ca yago ina kauvelatai me ta na mate icha qa tara nai valavala vina. Mawe ni lea rubi ba sa va colai kha. ²⁵ O ba sa wetai o kora na sipi sa sese tu, la ba sa saumaki leqwa vua na vatawa sa va tolaria tu na yalo i vatikem.