¹ Sa devu na navikwa kwe, sa vakatakei koya leqwa ko Jisu ivuara na tisaiveli mau na wai mai Taiperia: ia ka vakatakei koya odaki kwe. ² Anu sa tokoto vata ko saimoni Pita, qa Tomasi sa vakatokai ko Titimo, qa Nacanieli na kwai Kena i Kalili, lqai koru na luve i Sepete, qa rua leqwa na lea tisaiveli. ³ Sa kwaaya vuaru ko Saimoni Pita, Au qi sa la ki goli. A ru sa kwaya vua, Mamutau na lavata muni qai iko. Aru sa la kece yati, qa ru sa vodo ina waqa; sa tamu rewa ka klia na kwa ina bogi gi. ⁴ Ia a sa qei roarca mai, sa dure tu i matacana ko Jisu; ia a ra Tamu kilatia ko kora na tisaiveli ni sa ni Jisu. ⁵ Sa qei kwaya vuara ko Jisu, Vekemutou na yaluve, sa tau no vekemutou na magitim setikai? Ara sa kwaya vua, Sa tikai. ⁶ Sa kwaya vuara ko koya, Mutu cabo na lawa i na i matou ni wai, qa mutu na dania ke. A ra sa qei cako, qa ra sa tamu yaina rewa, ina kea levu na ika. ⁷ Na kwa kwe sa kwaya ki va Pita na tisaiveli koya ka lomania ko Jisu, Na Turafa riki kwe. A sa vakarogocia ko Saumoni Pita sani koya na Turaga, sa vakaisuluini koya ina lea i surusu vagonedau, (ni saluvawalw) qa sa rido ki wai. ⁸ Ia ko kora na tisaiveli teni, a ra sa la yati na waqa yasewa; (satamu tawa na vanua, mw odaki ga e katu limasagavulu) a ra sa yarakia na lawa sa sinai ina ika. ⁹ Ia ara sa qei sovu ki vovo, a ra dania sa tau ti na makalo udre, qa na ika sa tau tu, qa na madrai. ¹⁰ Sa kwaya vuara ko Jisu, Kau mai e so na ika mutu sa qei rewatia. ¹¹ Sa la cake ko Saimoni Pita, qa cokia no lawa ki vovo sa sinai ina ika yalevu, ka klia na drau lima sagavulu qa tdu; ia ka sa levu odaki kwe, sa tamu coki ke na lawa. ¹² Sa kwaya vuara na tisaiveli sa doudou me tarogia, ko cei ko mu? A ra sa kilatia sa ni koya na Turaga. ¹³ Sa qei lamau ko Jisu, qa qulumia na madrai, qa na ika muni, qa solia vuara. ¹⁴ Sa nia kwa na kea i ka tolu ni gauna sa vakatakei koya keko Jisu vuara na lea tisaiveli, ni ka dure leqwa mai na mate ko koya. ¹⁵ A ra sa vakamataka devu, sa kwaya va Saimoni Pita ko Jisu, Saimoni, na luve Jona, ko sa lomanu au vakalevu, qa vakasewasewa ko koru kwe, se tikai? Sa kwaya vua ko koya, Ia, na Turaga, mu sa kilatia ni qu sa lomanu mu. Sa kwaya vua ko koya, Vakana ni kora na lequ lami. ¹⁶ Sa kwaya leqwa vakarua vua, Saimoni na luvi Jona, ki lomanu au se tikau? Sa kwaya vua ko koya, Ia, na Turaga, mu sa kilatia ni qu sa lomani mu. Sa kwaya vua ko koya, Vakatawania na liqu sivi. ¹⁷ A sa kwaya vakatolu vua i Saimoni, na luvi Jona, i sa lomani au, se tikou? Sa wakarakara e yalo ni Pita i na lea sa kwaya vakatolu vua ko koya, x sa lomanu au, se tikai? A sa kwaya vua, ko my na Turaga, mu sa lomani mu. Sa kwaya vua ko Jisu, Vakana ni kora na lequ sivi. ¹⁸ Kei du kei di, qu sa kwaya veke iko, ni ko si luve ko dauvaua ko, go la vakavitalia voli: ia ni ko na tuqwaqwa mai, ina dodo nia mu lima, qa na vauci ko e teni klia, qa mei iko i e tiki ki na tamu vinatia. ¹⁹ Ia sa tata odaki kwe ko koya, me vakatakea na mate kei na vakarokorokotaki nia na Kalou ko koya. Ia sa tata devu odaki kwe ko koya, sa kwaya vua, Takuci au. ²⁰ Sa qei vuki ko Pita, qa tolavia na tisaiveli sa lomania ko Jisu, sa takuci no , ko koya ka vakararavi muni i e saro ina vakayavi yavi, qa kwaya ko mu na Turaga, i cei ko koya e i na soliko yati? ²¹ Sa tolavi koya ko Pita, sa kwaya va Jisu, Na Turaga, eina idaki ivai ko koya kew? ²² Sa kwaya vua ko Jisu, koya ni qu sa vinatia me cola no ma ga ko koya me yacovia na siga qi na lesu leqwa mai ke, qa te cava kwe vekeiko? Ko iko, mo takuci au. ²³ Sa qei rogo yati vuara na viwekani na tata kwe, ni na tamu mate na tisaiveli gi: ia ka tamu kwaya vua ko Jisu, Kei na tamu mate ko koya: sa kwaya ga, koya ki vinatia me cola no ma ga ko koya me yacovia na siga qina la leqwa mai ke, na cava na kwa kwe veke iko? ²⁴ Sa ni koya kwe na tisaiveli sa tukunia na vikwa kwe, ka vola na vikwa kwe: ia di sa kilatia sa du na lea i tukutuku. ²⁵ Sa levu muni na kwa teni sa tara ko Jisu, ia koya sa volai kece ma ga, qu sa vaka sama ni na oso ko vuravura ina vivola kei na volai. Emeni.