¹ Ia ina i matai ni siga ni macawa sa la mai ko Meri, na vibulou ni Makitala ina vakiroaroa cakaca, ka si gilo ko, ina i bulubulu, a sa dania ni sa kau revu na vatu mai na bulubulu. ² Sa qei yavu yati ko koya, qa layati vuarum ko Saimini Pita qa na tisaiveli leqwa ka klia, ko koya ka lomania ko Jisu, qa kwaya vuaru, A ra sa mea reva na Turaga mai nai bulubulu, ia mamutou sa tamu kilatia na vanua en sa vakadara nia koya ke. ³ A ru sa qei layati ko Pita, wa na tisaiveli ka klai, a ru sa la ina i bulubulu. ⁴ A ru sa yavu narua: a sa sivi Pita na tisaiveli ka klia, wa sa teimata ina i bulubulu ⁵ A sa karuva civo ko koya, qa tola yati ki buto, ka dania nai do lineni sa tauno: ia ka tamu uai ko koya ⁶ Sa qei teitaku mai ko Saimoni Pita, wa ucu ina i bulubulu, qa dania nai olo lineni sa tau no, ⁷ Qa na tava ka viviraki no e uhi, ia sa tamu tau vata no qa i olo lineni, sa lobi taklia no e tiki teni. ⁸ A sa qei ucu muni na tisaiveli ka klia, ko koya ka teimata ina i bulubulu, a sa dania ko koya qa sa vakadudunia. ⁹ A ru sa tamu kilatia ganai Vola Tabu, ni sa dodonu me dure leqwa mai na mate ko koya. ¹⁰ Ko Koru na tisaiveli aru sa qei lesu leqwa ki ledru. ¹¹ Ia sa dure tu ko Meri ina i bulubulu ki tuba, wa tagi: ia ni sa tagi no, sa ruva civi qa tola ki buto ni bulubulu: ¹² A sa dania ka rua na agilosi ina i sulu se sevu, aru sa tokoto, e klia ki e xxx, ka klia ki e la, i e tiki ka dara no ki ko Jisu. ¹³ A ru sa kwaya vua, Yalewa, ko sa tag i na vuku ni cava? Sa swaya vuanu ko koya, I na vuku ni ledra sa mea reva na kequ Turoga, ia gi tamu kilatia e tiki cava e ri sa vakadara nia ke. ¹⁴ A sa tata no kwe, sa vuki yalobo, qa dani Jisu a sa dure tu, ia sa tamu kilatia ni sa ni Jisu. ¹⁵ Sa kwaya vua ko Jisu, Yalewa ki sa taki no ina vuku ni cava? A cei i sa vakadania? Sa numia ko koya sa te vakatawani were, a sa kwaya vua, Koya ki sa mei koya reva, mu kwaya riki veke au e tiki o sa vakadara nia ke, mequ na lai mei koya reva mai ke. ¹⁶ Sa kwaya vua ko Jisu, I Meri! Sa vuki ko koya, qa kwaya vua, Raponai! (na kea i balebale, Vakavuvuli). ¹⁷ Sa kwaya vua ko Jisu, kua ni olerei au; ni qu si bere ni la cake wa Tamayau: ia mo la vuara na wekayau, qo kwaya vuara, Au qi sa la cake vua sa Tamayau, qa Tamamutou, via na lequ Kalou, qa lemutu Kalou muni. ¹⁸ Sa la yati ko Meri na yivibulou ni Makitala, ka kwaya vuara na tisaiveli ni ka dania na Turoga, qa sa tatataki na vikwa kece kwe ko koya. ¹⁹ I na sigi gi, ina matai ni si ga ni macawa, i na yaviyavi, qa sa sogo tu na matani sue ara sa soqoni vata ke na tisaiveli, a ra sa matakuci kora na kwoi Jutia, a sa ucu mau Ko Jisu ka tokoto ina kedra macaqwa, qa kwaya vuara, Mutu vakacegu. ²⁰ Ia na lea sa tata odaki kwe, sa vakatakea vuara e lima qa e sakesake. A ra sa qei marau na tisaiveli, i na ledra sa dania na Turaga. ²¹ Sa qei kwaya leqwa vuara ko Jisu, Mutu Vakacegu me odaki sa vakatalai au mai ko Tamayau, ko au qu sa vakatalai mutou muni. ²² Ia na lea sa tata odaki kwe ko koya, sa yaboti kora, qa kwaya. Me ucuvi mutou na Yalo Tabu: ²³ Nai valavala ca ni tamata ya klia mutu sa bokocia, ina bokoci: nai valavala cani tamata ya klia mutu sa tamu serekia, ei na tamu sereki. ²⁴ A sa klia vuara na lwe timi-ka-rua, ko Tomasi, sa vakatokai ko Titimo, sa tamu tokoto vata qai kora ina lea lamai ko Jisu. ²⁵ O koya sa kwaya ke vua ko kora na tisaiveli teni, Mamutou mamutu dania na Turaga. Sa kwaya vuara ko koya, Koya qu na tamu tolavi na mawe ni vako, q dere qu lima ine sakesake, ia qi na tamu vakadunia. ²⁶ Sa qei bogi walu, qa ra sa tokoto leqwa i na buta ni sue ko kora na lea tisaiveli, ko kora vata qai Tomasi: qa sa ucu mai ko Jisu, ni ka sogo tuna matani sue, qa dure na kedra macaqwa, qa kwaya Mutu Vakocegu. ²⁷ Sa qei kwaya va Tomasi ko koya, Dodonia mou titi ni lima, go tolavia qu lima: ia dodo nia my lima qo dere qu sakesake: ia mo kua ni vakatitiqa, mo vakadunia boto. ²⁸ Sa tata ko Tomasi sa kwaya vua, lequ Turaga, qa lequ Kalou! ²⁹ Sa kwaya vua ko Jisu, ko sa dani au Tomasi, i sa vakadunia: sa kalougata ko kora eri sa tamu dania, qa ra sa vakadudutaki nia. ³⁰ Ka sa levu leqwa na cakacaka mana a sa tara ko Jisu i dra mata na lea Tisaiveli, a ra sa tamu volai ina i vola kwe. ³¹ Ia ka sa volai kwe, mo mutu vakadudutaki nia ni sa Karisito ko Jisu, na Luve ni Kalou; ia m mutu rewatia na cola i e yaca, ni mutu sa vakabautia.