¹ Nai tautau yaru sa nakhi khe na thatha, kharu sa tokhoto no qa na khalou sa khalou na thatha. ² I nai takhitekhivu kharu sa tokhoto qa ua na khalou. ³ Na kwa khece kha tara kho khoya, kha tikhai tkila na kwa me tamu tara kha tara khece. ⁴ Khei nakhi tu vua na cola ia na khea vakhacecetakhi na tamata sa nia gi na cola. ⁵ Sa cilavia yata na gigilo na cece kwe, kha reva du na giglo ⁶ Kha tkila na tamata kha lai vakhatala mei vua na khalou, e yaoa kho Joni. ⁷ Kho Khoya kwe kha la mai me mei vakhadudutakhinia na cece ni khalou, me rewa khe na vakhabautia vuara na tamata. ⁸ Khei tamu te cece gi kho Joni, e sakhu me vakhatakeya na cece gima. ⁹ Sa nia kwe na cece du kha lamai khi vuravura qa vakhaceceni khora na khoi vuravura. ¹⁰ Kha sa tokhoto rewa i vuravura kho khoya ia sa nia sara ga gima wa kha tara rewa khe kho vurabura. Ia kheri tamu khilatia khoya kho khora na khoi vuravura kwe ¹¹ Kha sa lamai vekhe khora na khoi lea, ia khara tamu mata sovi khoya du… ¹² Ia kho khora khece kheiri sovi khoya khe sa solia muni ga na qwaqwa mera te luve ni khalou, vekhe khora kheiri vakhaboutia e yaoa. ¹³ Kho khora kheri suou, tamu beletia na dra se na kwa vakhayago, se na ledra lewa na tamata, na khalou ga ¹⁴ Sa qei yoco mete tamata na tata qa sa me tokhoto qai da. Ia mamutu tolavia na lea i ukhuukhu ni odakhitakhi na lea i ukhuukhu li luvea khei tlia n ga kha la mai va tamaya, sa sina i du ina loloma qa na du ¹⁵ Kha vakhadudutakhi ni khoya kho Joni qa covakhi nia qa kwaya, sani koya aq dau togaiti mutou no khe: Kho Khoya khei teitakhu no mai kwe khei vina cakhe sara vekhe au, kho khoya khei teitei mata vekhe au ¹⁶ Dei rewatia na kwa kece mei na kwa khei sinai tu vua: no loloma kei vakhaiharitakhi ¹⁷ Khu Mosese kha soli khe na i vunau, ia kho Jisu sa yaco khe vekheda na loloma qa no du. ¹⁸ Kha tikhai tkila na tamata me sa tolavia na khalou, ia tkila ga na khalou khoya ga khei tokhoto e tikhi kha vakhatakhea na khalou ¹⁹ Ia sa nia kwe na lea i tukhutukhu li Joni, kha ra lai vakhatala mai kha so na bete qa no Livai me vekhehora na Jiu ma Jerusalemi mera mai tetei khoya kho cei no ro kho ikho ²⁰ Kho sa qei kwaya kho khoyo, a tamu vakhasakhisakhi nia du qa kwaya go tamu ni au na kharisito. ²¹ Khara teitei khaya, kho cei leqwa? Kho cei ni Khua Kho Ilajia qa kwaya kho khoya, khei tikhai, ko ikho ni khua na parofita gima? Kha kwaya kho khoya khei tikai ²² Khara sa qei kwaya vua, kho o cei kho o ikho? Me matu na lakhi kwaya khei tila na kwa i vekhekhora na vikhatala no mau na cava khi na kwaya bake tikho. ²³ Sa kwaya kho khoya: kho au khei tila no domo ni day cocovakhi ina buto ni vanua vakhadodonutakhi nia na calevu i Joiva. ²⁴ Kho khora na lai vakhatala mai, kha ra lai vakha tala no mai vekhe khora na Farisi ²⁵ Kha ra tetei khaya qa kwaya vua: Na cava ki ma vipapitaiso no khe? Khei tamu ni IIkho na kharisito. Se kho Ilaya se na Parofita gima? ²⁶ Kha saumia kho Joni na ledra tetei qa kwaya kho au qi vipapitaisotakhi ina wai, ia khei tlia khei duretu muni kwakhi qai mutou miti tamu khilati khoya. ²⁷ Kho Khoya Khei teitakhu tu mai kwe khei levu sara i vekhemaru na lea i wawa ni vava sa tamu rewa du me qu serekia. ²⁸ Na kwa kece kwe sa tara no me Pecani na vanua sa vipapitaiso takhi no khe kho Joni. ²⁹ Na siga taravia sa tolavi Jisu kho Joni ni so la no yati vua Tolavia na lami ni khalou kho khoya sa mei khau dei rev na ledra i valavala ca na khoi vuravura. ³⁰ Sa nia kwe na kwa qu dau kwaoya no sa takhuci au no mai khei tlia khei vina sakhe sara vekhe au, sa teitei mata vekhe maru kho khoya ³¹ Qi tamu khilati khoya : Ia khei dadonu me ra khilati khoya na Isireli, kho khoya sara ga kwe na vuni lequ la mai me qu vipapitaisotakhi khi na wai. ³² Kha dania kho Joni qa kway. Ou dania na yalo tabu kha lacivo nei lomalagi me odakhi na ruve, kha mei tokho to vua ³³ Ia kho au qi tamu khilati khoya Ia kho khoya kha vi vakhatala mai mequ vipapitaisotakhi ino wai, qa kwoya i vekhe au kho khoya khi na dania khei so la civo mai vua na yalotabu qa mai tokhoto vua, sa nia kwe khei na vipapitaisotakhi ina yalotabu. ³⁴ Qu sa dania qa qu sa kwaya, sa nia sara ga kwe na luve ni khalou ³⁵ Ina siga kha taravia sa dure kho Joni qai khoru kha rua na lea tisaiveli ³⁶ Kha ru sa dani Jisu kha sa la no mai kharu sa kwaya: tolavia na lami ni khalou ³⁷ Kho khora na tisaiveli kharu sa varogocia na lea tata no, kha ru sa takhuci Jisu. ³⁸ Kho vukhi kho Jisu qa dani khora qa tetei khoru, na cava miri vakhacevatia no? Kharu sa qai kwaya vua: Rapai na kheo i balebale. Vakhavuvuli, mu tokhoto mai vai? ³⁹ Qa sa kwaya khi vekhe khoru, kho khoya muni la mai mo muru tolavia, kharu sa qei la qaru sa qei tolavia na vanua kha tokhoto khe kho khoya, kharu sa mei tokhoto vata no ina siga gima. Sa vakhalekhe nai kha tini ni aua. ⁴⁰ Tlia vei khoru na rua na varogoci Joni na lea tata no, sa takhuci khoya a kwe kho Adriu e tacini iva Saimoni Ata. ⁴¹ Sa dani tukhaya kho. Saimoni qa kwaya matu sa dania na Mesaia na kheai balebale na Kharisto ⁴² A sa mei khoya khira Jisu, sa vakhatolavi khoya kho Jisu qa qei kwaya O ikho kho Saimoni kho luvi Joni, khi na vakatokho yacatakhi me nikho kho Kifa na Khea i balebale kho Pita. ⁴³ Kha sa mata la Khi Kaleli kho Jisu ina sigo taravia Kha Tolavi Filipi qa kwaya bua takhuci au. ⁴⁴ Na Khoi Pecisaita kho Filipi na khoro li Adriu qa Pita ⁴⁵ Sa dani Nacanieli kho Filipi, qa Kwaya vua matu sa tolavia khoya kha volavola khe kho Mosese qai qai Khora na paraofita, kho Jisu na Khoi Nasareci kho luvi Josefa. ⁴⁶ Kha qei kwaya vua kho Nacanieli, khei na tubu rewa khei tlia na kwa vina mei Nasareci kwaya bua kho Filipi la so mai mo mai tolavia. ⁴⁷ Kha sa tolavi Nacanieli kho Jisu ni sa la no mai vua qa sa qei kwaya bua khoya kwe khei tlia na lube ni bunisue du ni Isireli khe tikhai bekhe khoya na dauvikhaisini ⁴⁸ Kha sa kwaya kho Nacanieli : mu sa Khaliti au mai vai, sa qei kwaya vua kho Jisu kha si bere ni covi kho kho Filipi, ina lemu tokhoto ina rukhu ni buni lolo, kho au qu sa tolavikho rewa. ⁴⁹ Sa qei kwaya kho Nacanieli, Vakhavuvuli Khamu na luve ni khalou na ledra tui na Isireli ⁵⁰ Sa qei kwaya vua Kho Jisu: Na lequ sa qei kwaya vekhe ikho me baletia na dani i kho ina rukhu ni vuni lolo kho sa qei vakhabauti a? Kho sa dania na vikwa vina kwe. ⁵¹ Sa qei kwaya: Khei du khei du qu sa kwaya vekemutou. Ina vigauna miti na-Folavi lomalagi khei na tadola kho khora no agilosi ni khalou khei ri la wai cakhe qa ra na siro civo mai vua na luve ni tamata.