¹ Ina nai khatolu ni bogi sa qei tara kha tlia na vakhamau mei khena e Kaleli Kha tokhoto no muni khe kho tinai Jisu ² Kha bau sureti tu muni kho Jisu qai khora na lea tisaiveli khina so qo ni vakhamau ³ Ia ni sa devu na waini sa kwaya iva Jisu kho tinaya, sa devu na waini vekhe khora ⁴ Sa kwaya vua kho Jisu, Vibulou no cava ro khi vekhe daru, khei si tamu yaco mai na lequ gauna ⁵ Sa swaya vekhe khora na tamata kho tinaya na kwa khece khei kwaya vekhemutou mutu tara. ⁶ Sa nakhi tu kha ono na saqa vatu ni wai me odakhi na ledra i valavala ni dau vakhasavasavatakhi na Jiu, me dau yarua se yatolu na khea i vakharau. ⁷ Sa kwaya vekhe khora kho Jisu, Vakhasinaitia na damala ni wai ina wai khora sa qei vakhasinaitia qa ya me sinai vutuvutu ⁸ Sa qei kway vekhe khora, mutu takhevia mutu khau vua khei wavutakhi nia no na soqo qa ra sa khau vekhe khoya ⁹ Na lea tovele na wai kho khoya kei wayutakhi no na soqo sa vukhi mete waini kha tamu khilatia kha la mai vai, kho khora khei lewa na magiti, sa qei covi sara vou (welei vulau khe vakhawat no). ¹⁰ Sa qei kwaya vua, mei mata Khara dau tara se ulia na wania vina, khara somia vakhalevu na tamata sa qei teitakhu mai na waini vina vakhasewasewa, Ia kho ikho kho sa qei maroroya na waini vina tlia i takhu sara me yacovia mai ni Khua. ¹¹ A kwe nai matai ni lea cakhacakha mana Kho tara kho Jisu mai Kena e Kaleli sa lai vakhatakhei Khe’ na lea i ukhuukhu khara sa qei qei vakhabauti khoya kho khora no lea fisaiveli. ¹² Sa devu gima sa qei la civo khi Kapenaumi kho khoru vakhavitinani qai khoru na tacia, qei khoru qayamuni na lea tisaiveli kharu tamu wasa mai Khe gima. ¹³ Sa vakhalekhe na ledra khana vata ni lakho sivia na khoi Juitia. Sa qei la khi Jerusalemi kho Jisu. ¹⁴ Sa qei tolavia sa tara tu na volitakhi bulumakhau na sipi qa na ruve na visautakhi ni lavo qei khora kha ra tokhoto tu. ¹⁵ Kha qei tila qa ya kha tlia na khedra I khuila sa qei Kharavi Khoro Khece mai na sue ni soro: na sipi na bulumakhau kho vakhacebucarata na ledra i lavo kho khora na visaui lavo qa vukhicia yacivo na ledra teveli. ¹⁶ Sa qei kwaya vekhe Khora na volitakhi ruve, Khau reva na kwa khece kwe mutu Khua ni tara na sue li tama yau mete sue ni vivoli. ¹⁷ Kharu sa numia na lea tisaiveli na kwa sa volai rewa, sa khakhana du i vua na loloma Khatakhata Khina lemu sue. ¹⁸ Khara sa tata na Khoi Jiutia qa ra kwaya na cava nai vakharaitakhi kho sa vakhatakhea i vekhemamu, i na lemu tara na vukhivukhi kwe. ¹⁹ Sa dolagusu Kho Jisu qa kwaya vekhe khora : mutu talarakhi nia na sue kwe qi na qei tara vakhadevu ina bogi khei tolu. ²⁰ Khara sa qei kwaya na Khoi Jiutia : Na sue ni visorovakhi kwe kha vasagavulu kha ono na yabakhi na khea tara no, khina tara rewa ni khua khina siga shei tolu. ²¹ Na sue kha kwaya no kho khowa so nia na yago. ²² Na lea na dure leqwa mai na mate, sa qei numia kho khora na lea tisaiveli ni sa tukhunia na kwa khece kwe kha ra sa qei vakhadudutakhi nia nai volatabu qa na tata sa cavutia. ²³ Na lea tokhoto mai Jerusalemi sa tara no na khana vata ni lakho sivia sa levu kha ra sa vadudutakhinia e yaca Khina ledra tolvia na vikwa mana sa tara Kho Khoya. ²⁴ Kha tamu vakhararavi vekhe khora kho Jisu sa khilati khora vina khece du. ²⁵ Khei tamu yaga me tlia me vakhatakhei Khora yati na tamata, baletia ni Khilatia vina tu na kwa khece khei nakhi tu ina buto ni yaloga.