¹ Kho Paula na avositolo i Jisu Kharisito i na lea i lesilesi na Khalu, kho kwora sa lotu mai Efeso, kho kwora sa yalo du i vu ana Kharisito Jisu? ² Me lemutou na lea loloma qa na lea vakhacegu na Khalou na Tamada qei na Turaga kho Jisu Kharisito. ³ Me vakharokhorokhotaki na Khalou na Tama ni leda Turaga kho Jisu Kharisito, kho kwoya sa vakhalougatatakhi ni da i na vi kwa vakhayalo khece vakhalomalagi vakharisito. ⁴ Kha sa digtakhi ni da na Khalou i na tekhitekhivu ni vuravura, me du yalo savasava qa khua ni cala e mata i na loloma. ⁵ Na Khalou sa lesi da e vukhu i Jisu Kharisito, me odakhi na lea lewa i na yalo vina. ⁶ I na leda mai wili me da luveya e i sa na valchavunia muni na khea vakhavinavinatakhi na lea loloma tetelagi i na lea solia sese i vekheda i na vukhu i kwoya taltia sa lomania. ⁷ I va Jisu Kharisito kha rewa ni da cola khe I na vukhu ni lea loloma kha roli da i na lea dra, qa na vakhasavasavatakhi ni leda i valavala ca me odakhi i na vutiniyau ni lea loloma. ⁸ Sa vakhalevutakhi nia na lea yahloloma i vekheda i na vukhu qa na yalomatua khece ga. ⁹ Sa vakhatakhea i vekheda na Khalou na lea lewa vuni me odakhi na kwa khei vinatia, kha vakhatakhea khe i va Jisu Kharisito, ¹⁰ Me yaco khe na lea lewa i na i devudevu ni gauna me tiqamia na kwa khece, na kwa khece mai lomalagi qa nia i vuravura i na tlia ga na ulu ni lewa qa na Kharisito. ¹¹ Da sa vakhadonui i na vukhu i Kharisito, me odakhi sa lesi mai mata me tara na kwa khece me odakhi na lea lewa. ¹² Sa digitakhi ni da na Khalou me da lea, kho da di vakhararavi i va Kharisito, me lei dokhai khe na lea lagilagi. ¹³ E vu na Kharisito, kho ikho muni i na lemu vakharogocia na i tukhutukhu du, ni lemu vakhacolai, sa nia mutu sa dregati i na yalo Tabu o khoya kha yalatakhi, ¹⁴ O kwoya sa leda i votavota me yacovia i na gauna i na rewa khe na kwa sa lea na lei dokhai khe na lea lagilagi. ¹⁵ I na vukhu ni vi kwa kwe, i na lequ vakharogocia na lemu vakhabautia na Turaga kho Jisu Kahrisito qa na lemu loloma i vuara na tamata lotu. ¹⁶ Sa tamu cegu na lequ vakhavinavinatakhi na Khalou i na vukhu ni lemu cola i na vi gauna ni lequ masu. ¹⁷ Sa lequ masu i vua na Khalou ni leda Turaga kho Jisu Kharisito, na Tama ni lagilagi, i na solia I vekhe ikho na yalo ni vukhu qa na vakhavuvuli mo mutu khilati kwoya khe, ¹⁸ Sa lequ masu me na vakhacecetakhi na mata ni mu yalo, mo khilatia khe na i nuinui ni lea vicori i vekhe ikho qa na vutuniyau ni lea lagilagi sa vota I vuara na luve ni Khalou. ¹⁹ I na lequ masu mo khilatia na lea qwaqwa i vekhe da sa vakhabautia me odakhi khei dau yaco i na lea qwaqwa. ²⁰ Na qwaqwa vata ga kha vakhadure ni Jisu leqwa mei na mate qa vakhagatule nia i e sakhesakhe matau i na vi vanua vakhalomalagi. ²¹ Sa vagatule ni Kharisito me tetelagi tatlia mei na lewa qa na qwaqwa, qa na turaga khece, qa na yaca khece khei i lei cavuti i na gauna kwe qa na gauna mai takhu. ²² Kha sa vakhamalumalumutakhinia na kwa khece me nakhi i e rukhu ni lea la, qa nakhi kwoya i na i soqosoqo lotu me lewa na kwa khece. ²³ Na soqosoqo lotu sa nia e yago, sa sinai i vua sa vakhasinaitia na kwa khece i na vi kwa khece.