¹ Ia kho ikho kho sa mate ina lemu talaidredre qa na lemu i valavala ca. ² Ina lemu colatakhi tu mai me okakhi nai vala vala ni vura vura kwema. Kho dau cola tu odaki na ledra lewa kho khora kheri tu na maliwa lala, na yalo kehi dau cakha cakha ivuara na luve ni talaidredre. ³ Da sa dau cola qei khora na tamata odakhi kwema, na kea dau lei colataki tu na gagadre cakaca vakha yago, dau tara tu nai tovo cakha ca vakhayago qa na vakhasoma. ⁴ Ina Khalou khei vutuniyau ina yalo dauloloma ina lea levu ni lomani da. ⁵ Kha da sa mate tu ina leda talaidredre, kha qei vei vakha colani da vata ie vukhuna. Mutu sa lei vakhacola in a vukhu ni loloma. ⁶ Kha sa vakhacolanida vata qani Kharisito sa vakha tu ni da vata qana Kharisito Jisu ina vura vura vakha lomalagi. ⁷ Me qei yaco mai na gauna me qei vakhatakea ive kheda na lea vuluniyau ina lolo ma khei tamu lei vakharautaki rewa ina lea loma soli ivekeda ina vukhui Kharisito Jisu. ⁸ Mutu sa vakacolai ina loloma ina vukhu ni vakhabautia, mutu sa tamu vakhavunia, sa lea loloma boto ga na Khalou. ⁹ Tkhai ina cakacakha, me khua ni lei dokhai khe khei tlia. ¹⁰ Kho da na lea tamata cakhacakha na Khalou ina vukhu i Kharisito Jisu me du tar ana loloma ni Khalou kha sa tuvania dev utu mai ina vigauna sa devu, me du cakha cakha taki. ¹¹ Mutu numia lesu na gauna mu khoi matanitu teni tu khe vakhayago. Mutu lei covi tu khe ina tamu cili kha dau leikwai na “cili” vakhayago me vakhayagatakhi khe na lima ni tamata. ¹² Ina gauna yima mutu sa tamu tokhoto qei na Kharisito, mutu sa vulagi i Isireli, vulagi ivuara na luve ni vigalayalati, tikhai nai nuinui qa qei tikhai tu na Khalou ina vura vura. ¹³ Ina guana kwe ina vukui Kharisito Jisu, mutu sa yawa mai i vu ana Khalou, mutu sa lei mei mai vakhalekhe ina vukhu ni dra i Kharisito. ¹⁴ Kho khoya sa vuni ni leda veivinati leqwa baletia sa vakha vunia na leda tlia vata. Kha sa vakhabalenia na wakho lokho lo ni vicakhati kha nakhitu ive keda. ¹⁵ Kha nakhia vakha tikhi tikhi na vanua qa sa bulia na lotu, me yaco khe na rua meru tlia vata. ¹⁶ Sa vakhavunia na Kharisito na tliavata na tamata ivua na Khalou ina vukhu ni Khauveilatai, me vakhamatenia na vi cakhati. ¹⁷ Kha la mai kho Jisu qa mai vunautakhi na vivinati ivekhe mutou sa yawa qa na vivinati ivekhe mutou mu ni sa vakha lekhe. ¹⁸ Kha sa vakhavunia kho Jisu medu torokhi ina yalo sa tlia gaivua na tamata. ¹⁹ Sa nia khwe, kho mu na khoi teni mu sa tamu qei vulagi. Mu sa khoi vata ga qei khora na luve ni Khalou qei khora na vunisuwe vakhalou. ²⁰ Mu sa lei vakhadure ina ledru yavu nai avositolo qa na parofita qa khea i vakhatouwa ni suwe kho Jisu Karisito. ²¹ Ie vusa sema khe na suwe qa tubu me suwe tabu ni Khalou. ²² Ie vu mutu sa lei semati vata mo mutu lea suwe na Khalou vakhayalo.