¹ Kho Paula, Silivenusi qai Timoci kini na i soqosoqo lotu ledra na khoi Cesalonaikha i na yaca ni Khalou na Tamada qa na Turaga kho Jisu Kharisito. Me lemutou na loloma qa na vakhacegu. ² Matu sa vakhavinavinatakhini mutou no ga i vua na Khalou, qa matu tamu cegu ni cavuti mutou no ga i na lematu masu. ³ Matu dau vakhanumia i e mata na Khalou na Tamada na lemutu cakhacakha ia na vakhabautia, tara kwa ni loloma, qa na lemutu vosotia balavu no i na vakhanuinui i na leda Turaga kho Jisu Kharisito. ⁴ Kho mutou namviyaveni daulomani mei vua na Kalou,matu sa khilatia ni sa digitakhiini mutou kho khoya, ⁵ baletia na lematu itukhutukhu vina kha tamu yacovi mutou vakhatata no boto yati, i na qwaqwa muni, qa na vivakhadeitakhi , i na Yalo Tabu. Ni mutu sa khilatia muni na lematu i vakharau vekhemutou se matu mataqwali tamata vakhacava ni matu no qai mutou. ⁶ Mutu saa qei vakhatakhutakhuci mamutou qa na Turaga, ni mutu sovia tu na tata i na marau mai vua na Yalo Tabu ni mutu lai vakhararawatakhi tu. ⁷ Sa yaco khe mo mutu te i vakhatakhei vuara khece sa vakhabautia mai Masitoniaa qai Akhaia. ⁸ Ni sa laivarogo yati na tata ni Turaga mai vekhemutou, tamu nia boto mai Masitonia qaa Akhaia, sa yaco muni yati khi na vivanua khece na i rogorogo ni lemutu vakhabautia na Khalou. Kwagi sa tamu yaga khe me mamutu kwaya khei tlia na kwa. ⁹ Kheri sa kwaya kho khora na i vakharau ni lemamutu nakhi qei mutou, kha tara vakhacava na lemutu sa vukhi khi vua na Khalou, mei na vimatakhau mo mutu sa qwaravia khe na Khalou khei du qa cola, ¹⁰ qa me du waci Luvea no mei lomalagi , o khoya kha lei vakhadure mei na mate-kho Jisu, o khoya khei na vakhacolani da mei na wakharakhara khei na takhuci mai.