¹ Arogo tawara irari abia bereti agitou a isi gama gomai agavi, arogo arere gitou teia Pasova. ² Gitou a muraruga tomie gitou a taro ra matagagara lo gitou vaika popo irari pepere ira garu-u ari birie Iesu ga peo, irarova gitou matau ire vararua. ³ Mate satani goiro te Iudas Sakaraiot, eia ita oio tegitou e vaunini savuru gotaro irua. ⁴ Iudas goio tegitoue muraruga tomie gitoua muraruga ra artora vararua tsi pepere tomie gitou irari taue Iesu soio a rima gitou. ⁵ Gitou momoge vau, ira abia reia watsi irari igoa aigogoru arei. ⁶ Iudas tamusi ra ita mori, eia tovo muri ari inoa garu-u ita ari taue Iesu soio arima gitou, oioa rogo ari vararua gania pou tomi eia. ⁷ Arogo irari abia bereti a isi ra gama gari, tsi mae a arogo re vararua ga birie vaunini sipsip ira Pasova. ⁸ Mate Iesu sove Pita tomie Jon tsi vei mae, "Plutou goio raragi airari ra Pasova, ga mitou ga ari." ⁹ Mate gira tagie Iesu mae, "Eme masaga vere mitou ga raragi airari oio aba rovei?" ¹⁰ Mate Iesu koria peperera tegitou mae, "No, arogo are mura goiro mautu tawara, taro ita borea baketi ra wirasi ga vapoge mura. Mura tsirimuria goio aruma ri eia goiro vorao emura tai goirg vora. ¹¹ Mago tagia e tamara ruma mae, "Taro ra vai matatara vei aume mae, "Arumare vararua pou ovei, ire eau ga aria Pasova tomie vaunini tegaku?" ¹² Tamara ruma ga turia mura airora ruma ita tawara oata, ga emura vai matatea." ¹³ Mate gira goio inoa tsibo kakara gari mae Iesu vei agirao. Mate gira raragi ta airari ra Pasovao. ¹⁴ Arogo ra airari ra Pasova gari, matsi Iesu pou tomi egitou e aposeli. ¹⁵ Mate eia vei agitou, "Eau amasagara tawara vau ira ari airari ra Pasova tomie mutou ira vamuri eau ga borea airigi tawara. ¹⁶ Eau vei amutou, eau gama koramuri ari aria airari rou arere ouka, kara atsibo kakara e Pago veia ga gari sesere oiroa mautu tawara tetara." ¹⁷ Mate Iesu abia vaivai ra nanu a waeni oio vora, matsi eia vei neineki soio te Pago. Matsi eia vera, "abia vaivai arere tsigia kabiri tamutou mori. ¹⁸ Eau vei amutou, vamuri eau gama kora muri rou ari niua sesera waeni rou, kara mautu tawara te Pago ga gomai." ¹⁹ Mate Iesu abia bereti, matsi vei neineki soio te Pago karuvu, eia tovia matsi abia gitou, matsi vera, "Arei ta vovogu, eau abia mutou. Mutou ga igoa maei irari gabutara eau." ²⁰ Vamuri oioa airari eia abia vaivai ra waeni matsi igo mora tavovuro ita, matsi vera, "Arei ta kotoraki araba eau igoa tomie mutou oioa kasoso gu, eia pei vorue mutou. ²¹ Aramori mutou no. Ataro ari ga tau eau soio arimare gitou a taro bunu, igoei eia pou ari tomie eau. ²² Arei tsi gari oio te ratura taro mae Pago veiao. Aramori ugogo matonio ira taro ari ga abi eia soio tegitou arimara a taro bunuo." ²³ Te gitou e aposeli tagie gitou itaita mae, "Erei sesere kabiri tegatou ga igo maei?" ²⁴ Matsi vamuri, gitoue aposeli vai ka kabiri tegitou ire rei ga pou tawara. ²⁵ Mate Iesu vei agitou mae, "Gitoue king tegitou sari-i ga pou tawara oio tegitou. Gitou aeri ari vagagarira tawara, ate gitari igo eiemie gitou e vararua tegitouo. ²⁶ Aramori arei gama ga gari tamutou. Taro pou tawara kabiri tamutou, eia ga gari maea taro asa mura. ita aisa tawara eia ga gari maea taro ra aigogoru. ²⁷ Erei ta aisa tawara, taigea taro ari pou aiarei, o ataro ra aigogoru ari vagomaia airariei? Aramori eau pou kabiri tamutou ei eau ge maea taro ra aigogoru tamutou. ²⁸ Aramori, mutou pou tomi eau oio a rogo ra tsivovo ari gari teakuo. ²⁹ Tsi mae, eau abia mutou a mautu kerira, mae mori ari tamagu abia gaku amautu kerirai. ³⁰ Mutou ga pou ari tomia ari niu oioa tevoio ira mautu keria tegaku. Ga mutou pou oioa sia king ga noinoa tavovuro tegitou a taro savuru gotaro irua re Israel. ³¹ Saimon, Saimon, eme raragi emi, Satani tagie Pago ire eia ga tovo murie eme, Tsi mae atauwaio rurugua witi. ³² Aramori eau kaka ire eme, tsi mae eme gama vautautaroa tautaurairora taume. Vamuri, arogo are eme pirivu, neineki eme ga vaivagarie tatuamu." ³³ Mate Pita vei areia, "Taro kerira, eau raragi irari goio tomie me oioa rumara kirotsi, iraga peo tomie eme." ³⁴ Matsi Iesu koria peperera tetara mae, "Eau vei sesere aume, Pita, aiogo are kukureko gama torao, eme ga vei mae, eme gama rovie eau vaka toru." ³⁵ Neinki Iesu tagie vaunini tetara mae, "Arogo are eau sove mutou goio a maututu, mutou gama abia parora watsi, a paro ma-ama o tsirovora ava-a kua mutou boboto ira tsibo ita, a?" Mate gitou vera, "Ouka." ³⁶ Mate Iesu vei agitou mae, "Ari mori igoei, ita oio tamutou abia watsi veirou eia ga abi tomia, ita eviso ouka veiro eia sovea tokoromo tetara ga rotoa viso ita. ³⁷ Eau vei amutou, asibo ari gitou a taro ra vanorparara kekesia gaku, oioa tava te Pago eia ga gari sesere, "Gitou tau eia tomi mori maea taro ariaisa ouka. Peperera ari mavei, gitou kekesia somai tegaku eia ga gari sesere." ³⁸ Matsi gitoue vaunini vera, "Taro Kerira, eme inoa! Eviso irua oio" Mate Iesu vei agitou mae, "Eia koramuri." ³⁹ Iesu goata oioa mapaitsi oliv maea rogo kakara eia ioigoao, mate gitou e vaunini tetara tsiri muria. ⁴⁰ Arogo are gitou gari oioa mautu arere, Iesu vei agitou mae, "Mutou ga kakamae mutou gama ga goiro atsirovo." ⁴¹ Mate Iesu retaroe gitou goio marau bakisi, maea murira taro pigia avo, eia toturu matsi kaka. ⁴² Mae, "mama, arige eia masagara taume. Koramuri eme abi gareia akapu oio tegaku. Arimori eme gama tsirimuria masagara teaku, ouka, maraoa masagara taume ga gari." ⁴³ Mate enseli ita gomai oioa mautu ra marokara vai vagaria. ⁴⁴ Iesu tsi pou oioa masaukara tawara sesere, matsi eia kaka tawara matomo, Matsi maro kaikaiara paru sotaroa tabu maea kasoso. ⁴⁵ Vamuri oioa kiraka te Iesu eia apuritsi matsi goio te vaunini, mate ia goio inoe gitou naunauta, ira rova gitou tawara matomo. ⁴⁶ Mate Iesu tagie gitou, "Ira mavei te mutou naunauta? Mutou agoro ka-aka, ga mutou magiri vavaga oiro atirovo." ⁴⁷ Arogo are Iesu so pepere, vararua komuko gomai tomie Iudas ita tegitou savuru gotaro irua e vaunini, Iudas gomai agavi te Iesu matsi vera are gaigare eia, ⁴⁸ Mate Iesu vei areia, "Iudas, eme vera abie ratura taro soio arimara tauwaro bunu tomia are gaigarera taumere, a?" ⁴⁹ Arogo are gitou e vaunini inoa rova gario, gitou vera, "Taro kerira, kora muri ari mitou ga vaikue tomie gitou ire viso?" ⁵⁰ Ita oio tegitoue vaunini pigie viso soio te ataro ra aigogoru te Hetpris tsi tagutua gavu sara soioa piri gata. ⁵¹ Iesu veia, "Eia kora muri!" Mate Iesu taua rimara matsi sautorea gavusara taro ra aigogoru te Hetpris matsi aga vusara gari emi rou o. ⁵² Mate Iesu vei agitoue Hetpris, tomie gitou e kepten tera ruma ra kiraka, tomia autora taro gitou gamai sautora te eia, "Kua mutou gomai rari abi pakaria taro ita, tomia vovi somea aobu ra vaikuera, a? ⁵³ Arogo kakara eau poupou oioa ruma ra kiraka, e mutou gamat aua rima oio teaku. Arimori igoei arogo tamu tou, tomia rogo ra masorira bomurie mutou." ⁵⁴ Gitou sautore Iesu matsi abie eia soio aruma teltetpris Mate Pita tsiri murie gitou, marau bakisi. ⁵⁵ XXX ⁵⁶ XXX. ⁵⁷ XXX ⁵⁸ XXX ⁵⁹ XXX ⁶⁰ XXX ⁶¹ XXX ⁶² XXX ⁶³ XXX. ⁶⁴ XXX ⁶⁵ XXX ⁶⁶ XXX ⁶⁷ Tegitou tagie eia mae, "Arige eme kararesi neineki eme vei amitou. "Aramori Iesu ve agitou mae, "Arige eau vei amutou, ga emutou gama tautau rairo ra pepererai, ⁶⁸ arige eau tagie mutou, mutou gama ga koria peperera. ⁶⁹ Aramori sokoa igoei, Ratura Taro ga pou oioa rimara pirpgata te Pago tomia vagagarira Kakara." ⁷⁰ . Mate gitou kakara vera, "Tsi mae eme rature Pago a?" Iesu vei agitou mae, "Mutou mori vei mae, eau mori ta taro i." ⁷¹ Mate gitou vera, "Ira ma vei tsi ga tatou abia taro gari magiri tomi eme? Tatou mori tssi no ta oio a arerao."